სამოქალაქო იდეას თავმჯდომარე თინათინ ხიდაშელი ჰააგაში Humanity House და PAX international -ის მიერ ორგანიზებულ კონფერენციაზე: “როგორ გავხადოთ ომი შეუძლებელი”. კონფერენცია ევროკავშირის მომავალს და 2040 წლისთვის მოსალოდნელი სცენარების განხილვას მიეძღვნა.
„მანამ სანამ არ შევთანხმდებით ომის თანამედროვე განმარტებაზე შეუძლებელია რაიმე ეფექტური ღონისძიებების დაგეგმვა. როგორია დღევანდელი ევროპა? გვაქვს მშვიდობა? მხოლოდ ის ფაქტი, რომ თავად ევროკავშირის ქვეყნები აღარ ომობენ საკმარისია თუ არა ვისაუბროთ საერთო ევროპულ მშვედობაზე? ომი საქართველოში, უკრაინაში, რუსეთის მოქმედებები კიბერ სივრცეში, თავად ევროკავშირის საჰაერო სივრცეში, არის თუ არა ის საკითხები რომელიც ართულებს ევროპულ მშვიდობაზე, როგორც შემდგარ ფაქტზე საუბარს. ამასობაში, საუბარი ევროკავშირზე 2049-ში ისე რომ იქვე არ ვსაუბრობთ 2040-ში რუსეთზე, ტრანსატლანტიკურ ერთობაზე და დღევანდელი ევროკავშირის სამეზობლოზე ვფიქრობ ჩვენს დისკუსიას არაეფექტურს ხდის” – აღნიშნა თინათინ ხიდაშელმა.
თავის გამოსვლაში სამოქალაქო იდეას-ს თავმჯდომარემ რამდენიმე უმნიშვნელოვანეს პრინციპზე ისაუბრა, რომლის გარეშეც შეუძლებელია ეფექტური პოლიტიკის განხორციელება კონფლიქტების მოგვარებისა და ომის თავიდან აცილებისთვის.
2018 წლის დეკემბერში პირველი ღონისძიება კიევში გაიმართა.
