ქართველ ჟურნალისტს, მზია ამაღლობელს Forum 2000-ის საერთაშორისო ჯილდო – „Courage and Responsibility“ გადაეცა !
✨ დამატებით გვახარებს, რომ მზია ამ პრესტიჟულ საერთაშორისო ჯილდოზე სამოქალაქო იდეამ წარადგინა.
წელს ჯილდოს მიიღებს საქართველოში არსებული ავტორიტარიზმის პროცესის წინააღმდეგობის მოძრაობა და მისი ერთ-ერთი მთავარი სიმბოლო – მზია ამაღლობელი. „მზია ამაღლობელი უკვე დიდი ხანია, ებრძვის ავტორიტარიზმს, ცენზურასა და პოლიტიკურ შანტაჟს. ის სიმართლის, სამართლიანობისა და ადამიანური ღირსების ერთგულების სიმბოლო გახდა – ამბობს Jakub Klepal, Forum 2000-ის აღმასრულებელი დირექტორი
ჯილდო „Courage and Responsibility“ დაარსებულია 2021 წელს და გადაეცემა ადამიანებს, რომელთაც გამოავლინეს განსაკუთრებული სამოქალაქო სიმამაცე დემოკრატიის დაცვასა და ადამიანის უფლებების მხარდაჭერაში. დაჯილდოების ცერემონია გაიმართება Forum 2000-ის კონფერენციაზე, პრაღაში, რომელსაც რამდენიმე ასეული სტუმარი დაესწრება მსოფლიოს სხვადასხვა ქვეყნიდან.
