მოხარული ვართ, გაგიზიაროთ სამოქალაქო იდეას ახალი ანგარიში “საქართველოს საინვესტიციო ლანდშაფტი: ჩინური და დასავლური ინვესტიციების შედარებითი ანალიზი (2018-2025 წწ)”.
ანგარიში, საქართველოს სტატისტიკის ეროვნული სამსახურის მიერ გამოქვეყნებულ ოფიციალურ მონაცემებზე დაყრდნობით, აანალიზებს საქართველოში ჩინეთიდან განხორციელებული პირდაპირი უცხოური ინვესტიციების დინამიკას. კვლევის შედეგად დგინდება, რომ ჩინური ინვესტიციების შესახებ “ქართული ოცნების” მიერ შექმნილი მოლოდინების საპირისპიროდ, ჩინეთიდან პირდაპირი უცხოური ინვესტიციები, სინამდვილეში, კლებადი ტენდენციით ხასიათდება.
ანგარიში გთავაზობთ დასავლეთიდან და ჩინეთიდან პირდაპირი უცხოური ინვესტიციების შედარებით ანალიზს. როგორც სტატისტიკური მონაცემები აჩვენებს, ევროკავშირის წევრი ქვეყნები საქართველოს უმსხვილეს ინვესტორებს შორის არიან. ამასობაში, ჩინეთი, საქართველოში განხორციელებული უცხოური ინვესტიციების მაჩვენებლით მნიშვნელოვნად ჩამორჩება როგორც ევროკავშირს, ისე აზიის ქვეყნებსაც კი.
უფრო დეტალური ანალიზისთვის, იხილეთ ანგარიში:
