ევროკავშირი ჩინეთთან დიპლომატიური ურთიერთობების 50-ე წელს “ვაჭრობასა და ინვესტიციებში თანამშრომლობას გააღრმავებს”, განაცხადა ევროკავშირის სავაჭრო კომისარმა მაროშ შეფჩოვიჩმა.
ჩინეთის ვიცე-პრემიერ ჰე ლიფენგთან შეხვედრა ჩინეთში შეფჩოვიჩის ორდღიანი ვიზიტის პირველ დღეს გაიმართა. ევროკომისიამ დისკუსიის საკუთარი ანგარიში არ გამოაქვეყნა.
იმავე დღეს შეფჩოვიჩი შეხვდა ჩინეთის საბაჟოს მინისტრ სუნ მეიჯუნს, შემდეგ კი დაესწრო ევროკავშირის სავაჭრო პალატის მიერ ორგანიზებულ ღონისძიებას, სადაც ევროპული ბიზნესის წარმომადგენლებთან ისაუბრა.
აღნიშნულ ღონისძიებაზე, სლოვაკმა კომისარმა, გავრცელებული ინფორმაციით, გააგრძელა ჩინეთთან ურთიერთობებში ტონის შერბილების ტენდენცია.
აღსანიშნავია, რომ ფონ დერ ლაიენმა—რომელიც ადრე ჩინეთის მიმართ მკაცრ პოზიციას იკავებდა—წლევანდელ განცხადებებში რიტორიკა შეარბილა და ხაზი გაუსვა, რომ ევროკავშირს შეუძლია გააფართოვოს სავაჭრო ურთიერთობები პეკინთან და განიხილოს ახალი შეთანხმებები.
ეს საჯარო განცხადებები შეერთებულ შტატებს მიანიშნებს, რომ ევროპა არჩევანში შეზღუდული არაა. ევროკავშირის წყაროების თანახმად, ამგვარი განცხადებები შეიცავს მესიჯს პეკინისთვის, რომ ბრიუსელი ღიაა სანდო წინადადებების მიმართ.
