სამოქალაქო იდეას თავმჯდომარე, თინათინ ხიდაშელმა პარიზის უსაფრთხოებისა და სტრატეგიის ფორუმზე მონაწილეობა მიიღო პანელში „შავი ზღვა: კონფლიქტებსა და ევროკავშირის გაფართოების პერსპექტივებს შორის“. მისი გამოსვლა შეეხებოდა საქართველოს როლს რეგიონში, მათ შორის რუსეთის სამხედრო ფლოტის ოჩამჩირეში, ოკუპირებულ აფხაზეთში გადატანას და ანაკლიის ღრმაწყლოვანი პორტის პოტენციურ ჩინურ მფლობელთან დაკავშირებულ საფრთხეებს. თინათინმა, ასევე, ყურადღება გაამახვილა „ქართული ოცნების“ მთავრობის მზარდი პრორუსული კურსის საფრთხეებზე, რომელმაც, შესაძლოა, თბილისი რუსეთის მარიონეტულ რეჟიმად გადააქციოს.
