პრეზიდენტმა დონალდ ტრამპმა განაცხადა, რომ შესაძლოა განიხილოს ახალი შეთანხმება TikTok-ის შესახებ. მოგეხსენებათ, რომ TikTok-ის მფლობელი გახდათ კომპანია ByteDance. მას ტრამპა წარუდგინა შეთავაზება, რომელზე თანხმობის შემთხვევაშიც რომელიმე ამერიკული დიდი კომპანია (მაგ., დავუშვათ, Microsoft, Oracle, ან სხვ.) შეიძენდა TikTok-ის ამერიკაში ოპერირებად ყველა მონაცემს, ოპერაციასა და ადგილობრივ (ამერიკულ) ალგორითმს. ამ შეთავაზების უკან, უპირველეს ყოვლისა, დგას აშშ-ის ამჟამინდელი ადმინისტრაციის მხრიდან წამოსული გაზრდილი ვნებათაღელვა ეროვნული უსაფრთხოებისა და ამერიკელი მოსახლეობის მონაცემთა დაცულობის თაობაზე.
ტრამპის თქმით, თუკი ჩინეთი დათანხმდება ByteDance-ის მფლობელობაში მყოფი აპლიკაციის TikTok-ის („ამერიკული ნაწილის“ გაყიდვას, აშშ გადახედავს ჩინურ იმპორტზე დაწესებულ ტარიფებს.
ტრამპმა ჟურნალისტებთან საუბრისას TikTok მოიყვანა იმის მაგალითად, თუ როგორ შეიძლება ტარიფები ერთგვარი იარაღი იყოს მოლაპარაკებების საწარმოებლად სხვა ქვეყნებთან ურთიერთობაში.
“მოკლედ, ასეთი სიტუაცია გვაქვს TikTok-თან დაკავშირებით: ჩინეთი, სავარაუდოდ, გვეტყვის: ‘ჩვენ კი დავთანხმდებით თქვენს შეთავაზებას, მაგრამ თქვენ ტარიფებს თუ არ შეამცირებთ [უსამართლობა ხომ არ იქნება?]'” — განაცხადა ტრამპმა. “ჩვენ კი, დიახ, შეგვიძლია, ტარიფები სავაჭრო ბერკეტად გამოვიყენოთ.”
TikTok-ს 5 აპრილამდე აქვს ვადა, რომ იპოვოს არაჩინური და, სასურველია, ამერიკელი მყიდველი, წინააღმდეგ შემთხვევაში, აპლიკაცია აშშ-ში აიკრძალება.
ტრამპის თქმით, მისი ადმინისტრაცია “ძალიან ახლოს” არის TikTok-ის შესახებ შეთანხმების მიღწევასთან. მოლაპარაკებებში რამდენიმე ინვესტორია ჩართული.
შეგახსენებთ, აღნიშნული განცხადება მას შემდეგ გაკეთდა, რაც ტრამპმა წინა დღეს 10%-იანი საბაზისო ტარიფის დაწესება გამოაცხადა ყველა ტიპის იმპორტზე, რომელიც აშშ-ში შედის. ამერიკის ზოგიერთი უმსხვილესი სავაჭრო პარტნიორის მიმართ კი 10%-ზე გაცილებით მეტი ტარიფებიც დაწესდა. ჩინური საქონლის იმპორტზე ტარიფები ახლა 54%-ს შეადგენს. TikTok-ს კი ამ დრომდე არ გაუკეთებია კომენტარი ახალ შეთავაზებაზე.
ტრამპის მიერ ახალი რეციპროკული, ანუ, საპასუხო ტარიფების გამოცხადების შემდეგ — რომლებიც განსაკუთრებით მკაცრია ჩინეთისა და მისი ძირითადი სავაჭრო პარტნიორების მიმართ — იუანი, ჩინეთის ვალუტა, შვიდი კვირის განმავლობაში ყველაზე დაბალ მაჩვენებლამდე დაეცა, ხოლო საფონდო ბაზრებმა მკვეთრი ვარდნა განიცადა. მიუხედავად იმისა, რომ ინვესტორები ერთი კვირის განმავლობაში ელოდებოდნენ ტარიფებს, ვაშინგტონის მიერ გამოცხადებული ზომები მოსალოდნელზე ბევრად უფრო მკაცრი აღმოჩნდა.
