გამომცემლობა Jamestown-მა გამოაქვეყნა თინათინ ხიდაშელის სტატია „ქართული ოცნების“ ანტიდასავლური პოლიტიკის შესახებ.
სტატიაში თინათინ ხიდაშელი მიმოიხილავს „ქართული ოცნების“ საგარეო და საშინაო პოლიტიკის მკვეთრ ტრანსფორმაციას. ავტორის შეფასებით, მმართველი პარტია სულ უფრო შორდება პროდასავლურ კურსს და იყენებს კონსპირაციულ-დეზინფორმაციულ რიტორიკას – დასავლური ინსტიტუტების, დიპლომატების, სამოქალაქო საზოგადოების, მედიისა და ოპოზიციური ძალების დასაშინებლად. ისევე როგორც, „Deep State“-ისა თუ „გლობალური ომის პარტიის“-ს მსგავსი ნარატივების გამოყენება ემსახურება საზოგადოებაში შიშის დათესვასა და დასავლური ინტეგრაციის დისკრედიტაციას.
თინათინ ხიდაშელი ხაზს უსვამს, რომ ამგვარი პოლიტიკა საფრთხეს უქმნის საქართველოს ევროკავშირსა და NATO-ში ინტეგრაციის პერსპექტივას და აზიანებს ქვეყნის საერთაშორისო რეპუტაციას.
