21-22 ნოემბერს „სამოქალაქო იდეას“ უფროსი მკვლევარი, ანი კინწურაშვილი, მონაწილეობდა კონფერენციაში „Mapping Spheres of Influence“, რომელიც ორგანიზებული იყო Anhor.uz-ის მიერ და გაიმართა სამარყანდში, უზბეკეთში.
ღონისძიებამ გააერთიანა ექსპერტები და პრაქტიკოსები მონაცემთა ჟურნალისტიკის ძირითადი საკითხების განსახილველად. მათ ყურადღება გაამახვილეს საერთაშორისო ეკონომიკური თანამშრომლობის კონტექსტში ცენტრალური აზიის მოვლენების გაშუქების მნიშვნელობაზე. ამავდროულად- რეგიონის გამოწვევებსა და შესაძლებლობებზე.
ანი იყო მომხსენებელი პანელზე : „გამოწვევები ახალი ცივი ომის ეპოქაში“, სადაც მან საქართველოს საგარეო პოლიტიკის კომპლექსური დინამიკის შესახებ საკუთარი ხედვები წარმოადგინა.
მან ხაზი გაუსვა იმ გამოწვევებს, რომლებსაც საქართველო აწყდება საგარეო პოლიტიკის ცვლილების პროცესში, განსაკუთრებით იმის ფონზე, როცა მმართველი პარტია სულ უფრო მეტად უახლოვდება რუსეთსა და ჩინეთს. მან ასევე შეადარა საქართველოს მდგომარეობა ცენტრალური აზიის ქვეყნების ვითარებასთან, რაც უფრო ფართო რეგიონულ პერსპექ ტივას სძენს ცვალებად გეოპოლიტიკურ ლანდშაფტს.
