26 თებერვალს, ამერიკულმა გაზეთმა, The Hill-მა გამოაქვეყნა სტატია, სახელწოდებით: „საქართველო ირანის სანქციებისგან თავის არიდების ცენტრი ხდება.“ სტატია საქართველოში ირანის ისლამურ რესპუბლიკასთან დაკავშირებული ინდივიდების თუ კომპანიების მზარდ ჩართულობას და ბიზნეს ოპერაციებს ეხება. ამასთანავე, ავტორი ყურადღებას ამახვილებს „ქართულ ოცნებასა“ და ისლამურ რესპუბლიკას შორის ხშირ დიპლომატიურ გაცვლებზე.
სტატიის ავტორი ასკვნის, რომ საქართველო, რომელიც ერთ დროს სამხრეთ კავკასიაში ამერიკის ყველაზე ახლო პარტნიორი იყო, მტრული ძალის გავლენებისთვის და სანქციებისთვის თავის ასარიდებლად ხელსაყრელ გარემოს ქმნის. ამიტომ, ვაშინგტონმა ნათლად უნდა აჩვენოს, რომ „ქართული ოცნების“ ქმედებებს შედეგები ექნება.
აღსანიშნავია, რომ საქართველოში ისლამური რესპუბლიკის ეკონომიკური ინტერესების ანალიზის დროს, ავტორი ციტირებს „სამოქალაქო იდეას“ ახალ კვლევას: „ირანული ნავთობის კვალდაკვალ: იმპორტიორი კომპანიები და მათი პოლიტიკური კავშირები საქართველოში.“
უფრო დეტალურად, გთხოვთ იხილოთ სრული სტატია:
