ერთი ახალი ამბავი

ჩინეთი და ვიეტნამი სარკინიგზო კავშირისა და სასოფლო სამეურნეო ვაჭრობის გასაზრდელად ახალ შეთანხმებაზე მოაწერენ ხელს

ერთი ახალი ამბავი / /

Reuters-ის ინფორმაციით, ჩინეთის სახალხო რესპუბლიკის პრემიერ მინისტრ ლი ციანის ჰანოიში ვიზიტისას ჩინურმა და ვიეტნამურმა მხარეებმა სამომავლო შეთანხმების გაფორმების შესახებ ისაუბრეს, რომელიც ორ ქვეყანას შორის სარკინიგზო და სასოფლო სამეურნეო ვაჭრობის სექტორში დაახლოებას შეეხება.

უწყვეტი სარკინიგზო კავშირები ჩინეთსა და ვიეტნამს შორის მზარდი ნდობის ნიშანია და დამატებითი სტიმული იქნება ვაჭრობის და მიწოდების ჯაჭვის გასაძლიერებლად მეტადრე მაშინ, როდესაც ჩინეთსა და შეერთებულ შტატებს შორის სავაჭრო დაძაბულობის ფონზე იმ ჩინელი მწარმოებლების რიცხვი, რომლებსაც ექსპორტზე ორიენტირებული ოპერაციები აშშ-ს ნაცვლად ვიეტნამში გადააქვთ, სწრაფი ტემპით იზრდება.

ერთ-ერთი მხარის ცნობით, შეხვედრაზე ასევე განიხილეს საგადასახადო სისტემა და საბაჟო პროცედურები, რამაც შესაძლოა კიდევ უფრო გააძლიეროს ეკონომიკური კავშირები ორი კომუნისტური მმართველობის მქონე მეზობელ სახელმწიფოს შორის.

ჩინეთი და ვიეტნამი სარკინიგზო კავშირისა და სასოფლო სამეურნეო ვაჭრობის გასაზრდელად ახალ შეთანხმებაზე მოაწერენ ხელს Read More »

ჩინეთი საფონდო ბირჟის დასახმარებლად 500 მილიარდი იუანის ოდენობის ე.წ. სვოპის მექანიზმს აყალიბებს

ერთი ახალი ამბავი / /

ჩინეთის ცენტრალურმა ბანკმა ახლადჩამოყალიბებულ დაფინანსების მექანიზმში, (ე.წ. სვოპის მექანიზმში) ჩასართავად ფინანსური ინსტიტუტებისგან განაცხადების მიღება დაიწყო. სქემა 500 მლრდ. იუანის ($ 70.62 მლრდ.) ღირებულებისაა და მიზნად კაპიტალის ბაზრის დახმარებას ისახავს.

ჩინეთის სახალხო ბანკმა განაცხადა, რომ „სვოპის ფუნქციაში“ გაწევრიანება ფასიანი ქაღალდების გამოშვების უფლებამოსილ ფირმებს, საფინანსო კომპანიებსა და მზღვეველებს შეუძლიათ, რაც მათ დაფინანსებაზე წვდომას და აქციების შეძენას გაუადვილებს.

„სვოპის მექანიზმი შექმნილია არასაბანკო ფინანსური ინსტიტუტებისთვის ლიკვიდურობის მხარდაჭერის უზრუნველსაყოფად და საფონდო ბირჟაზე ნდობის ასამაღლებლად“- აღნიშნა Citic Securities-ის ანალიტიკოსმა მინ მინგმა.

ჩინეთის ცენტრალურმა ბანკმა სვოპის, როგორც ეკონომიკის სტიმულირებისა და კაპიტალის ბაზრების გასაძლიერებელი მექანიზმის შესახებ პირველად 24 სექტემბერს განაცხადა.

განმარტება: ტერმინი „სვოპი“ გულისხმობს ერთი აქტივის ან ვალდებულების სხვა ანალოგიურ აქტივში ან ვალდებულებაში გაცვლას რისკების გაზრდის ან შემცირების გზით.

წყარო: https://www.reuters.com/markets/asia/china-cbank-kicks-off-500-bln-yuan-swap-facility-aid-stock-market-2024-10-10/

ჩინეთი საფონდო ბირჟის დასახმარებლად 500 მილიარდი იუანის ოდენობის ე.წ. სვოპის მექანიზმს აყალიბებს Read More »

ბრიუსელმა უარი თქვა ჩინეთის მთავრობის შეთავაზებაზე, ელექტროავტომობილების მინიმალურ სარეალიზაციო ფასად 30 000 ევროს ოდენობის განსაზღვრის თაობაზე

ერთი ახალი ამბავი / /

ბრიუსელმა უარი თქვა ჩინეთის მთავრობის შეთავაზებაზე, რომელიც ეხებოდა ჩინეთში დამზადებული და ჩინეთიდან იმპორტირებული ელექტრო ავტომობილების მინიმალურ სარეალიზაციო ფასად 30 000 ევროს ოდენობის განსაზღვრას. 

ევროპულმა კომისიამ განაცხადა, რომ მათ ჩინური ელექტრო ავტომობილების მწარმოებლებს იგივე შეთავაზებაზე ერთი თვის წინაც უარი უთხრეს. შეთავაზების უარყოფა იმ ატისუბსიდიური გამოძიების ნაწილი იყო, რის გამოც ბეიჯინგი და ევროკავშირი ათწლეულის უდიდეს სავაჭრო დავაში აღმოჩნდნენ. 

მოლაპარაკებების დეტალების გასაჯაროებისგან ორივე მხარე თავს იკავებს. ანალიტიკური კომპანია JATO Dynamics-ის მონაცემების მიხედვით, 2023 წელს ჩინეთში ელექტრო ავტომობილების საფასური ევროკავშირზე ორჯერ ნაკლები იყო, რისი მიზეზიც, ჩინური მანქანათმწარმოებლებისთვის ნედლი მასალისა და ელემენტის ადგილობრივი ხელმისაწვდომობა, ისევე, როგორც ბეიჯინგის სუბსიდიები იყო. 

2023 წლის პირველ ნახევარში ჩინეთში ელექტრო ავტომობილების სარეალიზაციო ფასი საშუალოდ 32 000 ევროს შეადგენდა, მაშინ როდესაც, იგივე პროდუქტის ფასი ევროპაში 66 000 ევრო იყო. მიზეზი, რის გამოც ბრიუსელმა ბეიჯინგის შეთავაზებას უარით უპასუხა არა მხოლოდ ფასი, არამედ ის სახელმწიფო სუბსიდიები იყო, რასაც მანქანათმწარმოებლები ელექტრო ავტომობილების წარმოებისთვის იღებენ, რაც თავის მხრივ საფრთხეს წარმოადგენს ევროკავშირისთვის. 

ბლოკი ამბობს, რომ ადგილობრივ კონკურენტებს კონკურენციას ვერ გაუწევენ.

წყარო: https://www.reuters.com/business/autos-transportation/brussels-rejected-china-proposal-30000-euro-minimum-sales-price-ev-dispute-2024-10-08/

ბრიუსელმა უარი თქვა ჩინეთის მთავრობის შეთავაზებაზე, ელექტროავტომობილების მინიმალურ სარეალიზაციო ფასად 30 000 ევროს ოდენობის განსაზღვრის თაობაზე Read More »

ჩინელმა ჰაკერებმა აშშ-ს მსხვილი ინტერნეტ პროვაიდერი კომპანიების ქსელებში შეაღწიეს

ერთი ახალი ამბავი / /

ჩინელმა ჰაკერებმა აშშ-ს მსხვილი ინტერნეტ პროვაიდერი კომპანიების
ქსელებში შეაღწიეს და მოიპოვეს ინფორმაცია იმ მოსასმენი სისტემებიდან
რომლებსაც ფედერალური მთავრობა სასამართლოს მიერ ნებადართული
მოსმენებისთვის იყენებს. აღნიშნულის შესახებ ინფორმაცია Wall Street Journal-
მა 6 სექტემბერს გამოაქვეყნა. 

კომპანიები Verizon Communications, AT&T , Lumen Technologies რამდენიმეა იმ
მრავალი ინტერნეტ პროვაიდერი კომპანიიდან რომელთა სისტემაშიც
ჰაკერებმა შეღწევა შეძლეს და მათ მონაცემებზე წვდომა სავარაუდოდ
რამდენიმე თვის განმავლობაში ჰქონდათ.

ჩინეთის საგარეო საქმეთა სამინისტრო აშშ-ს ანგარიშს კვირას გამოეხმაურა და
აღნიშნა, რომ ჰაკერთა ჯგუფის ამ მოქმედების შესახებ მათ ინფორმაცია არ
ჰქონიათ, თუმცა ვინაიდან აშშ-ს მხრიდან წარსულშიც დაფიქსირებულა
ჩინეთისთვის ცილისწამების მცდელობები, შესაძლოა ეს ბრალდებაც მორიგი
ცილისწამება იყოს.

„იმ დროს, როდესაც კიბერუსაფრთხოება მსოფლიოს ყველა ქვეყნისთვის
საერთო გამოწვევა გახდა, მსგავსი ცილისმწამებლური მიდგომა მხოლოდ
შეაფერხებს საერთაშორისო საზოგადოების ძალისხმევას ერთობლივად
გადაჭრას ის დიალოგისა და თანამშრომლობის გზით“, ნათქვამია
სამინისტროს განცხადებაში.

ოფიციალურმა ბეიჯინგმა უარყო აშშ-ს მთავრობის ბრალდება ჩინეთის მიერ
ჰაკერების საშუალებით სადაზვერვო მონაცემების შეგროვების თაობაზე,
თავად კომპანიებს, კი, რომელთა სისტემებზეც მოხდა თავდასხმა, კომენტარი
არ გაუკეთებიათ.

წყარო: https://www.reuters.com/technology/cybersecurity/chinese-hackers-breached-us-court-wiretap-systems-wsj-reports-2024-10-06/

ჩინელმა ჰაკერებმა აშშ-ს მსხვილი ინტერნეტ პროვაიდერი კომპანიების ქსელებში შეაღწიეს Read More »

Scroll to Top