სტრატეგიული პარტნიორობიდან დღემდე: ჩინეთის ექსპანსია ქართულ საგანმანათლებლო სივრცეში

თანამედროვე მსოფლიო პოლიტიკაში, დიდი სახელმწიფოების მიერ პატარა ქვეყნების საგარეო პოლიტიკაზე გავლენის დამყარების ერთ-ერთ წამყვან სტრატეგიას რბილი ძალა წარმოადგენს. ამ თვალსაზრისით, ჩინეთის სახალხო რესპუბლიკა ერთ-ერთი მზარდი აქტორია. 

სამოქალაქო იდეას ახალ ანგარიში “სტრატეგიული პარტნიორობიდან დღემდე: ჩინეთის ექსპანსია ქართულ საგანმანათლებლო სივრცეში”  მიმოიხილავს ჩინეთის მზარდ გავლენას საქართველოს საგანმანათლებლო სივრცეში.

ანგარიში აანალიზებს, როგორ იყენებს ჩინეთი განათლებას „რბილი ძალის“ ინსტრუმენტად — მათ შორის ჩინური ენის პოპულარიზაციას, უნივერსიტეტებს შორის თანამშრომლობას, სტიპენდიებს, გაცვლით პროგრამებს და ტექნოლოგიური კომპანიების, როგორიცაა Huawei, ჩართულობას.

კვლევის ძირითადი მიგნებები:

„სამოქალაქო იდეას“ მიერ ჩატარებული კვლევის შედეგად დადგინდა, რომ 2024-2025 წლებში:

• ქართულ და ჩინურ უნივერსიტეტებს შორის თანამშრომლობის შესახებ მემორანდუმი/შეთანხმება გაფორმდა;
• საქართველოს უნივერსიტეტებს ორმხრივი ურთიერთობების დამყარებისა და თანამშრომლობის განვითარების მიზნით ჩინეთის 12 საგანმანათლებლო დაწესებულების წარმომადგენლები ესტუმრნენ;
•  ქართულმა უნივერსიტეტებმა შეთანხმებები გააფორმეს შემდეგ ჩინურ კომპანიებსა და არასამთავრობო ორგანიზაციებთან: Huawei, Zhogge Cultural Development, სარტყლისა და გზის საქართველოს ბიზნეს სახლი, Guagzou Dajiang E-Commerce Co Ltd;
• Huawei-სთან მიღწეული შეთანხმების თანახმად, კომპანია საქართველოში პირველ საინფორმაციო ტექნოლოგიების (ICT) აკადემიას გახსნის და ქართულ სკოლებში „სმარტ კლასებს“ მოაწყობს; 
• ქართველმა სტუდენტებმა პირველად მიიღეს მონაწილეობა Huawei-ს საგანმანათლებლო ინიციატივაში: Seeds for the future;
• საქართველოში ჩინეთის საელჩო აქტიურად უწყობს ხელს საგანმანათლებლო თანამშრომლობასა და ჩინური ენის პოპულარიზაციას. ქართულ უნივერსიტეტებსა და ჩინეთის საელჩოს შორის თანამშრომლობის ფარგლებში  გაიმართა ერთობლივი სამეცნიერო ღონისძიებები;  
• 2024 და 2025 წლებში, ქართველი სტუდენტებისა და სკოლის მოსწავლეებისთვის ჩატარდა ჩინური ენის კონკურსი, „ჩინეთის ხიდი“;
• ქართველმა სტუდენტებმა მონაწილეობა მიიღეს ჩინეთში საზაფხულო სკოლებსა და ახალგაზრდულ ბანაკებში;
• ჩინური ენა ისწავლება თბილისში მოქმედ 15 სკოლაში;
• ჩინეთის უნივერსიტეტთან თანამშრომლობის ფარგლებში, საქართველოს ტექნიკურ უნივერსიტეტში კონფუცის ინსტიტუტი გაიხსნება.