ერთი ახალი ამბავი

ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ

ერთი ახალი ამბავი / /

ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ 

სამშაბათს ჩინეთმა ოფიციალურად დაადასტურა, რომ ჩინეთსა და ინდოეთს შორის საზღვრებთან დაკავშირებით სადავო საკითხებზე შეთანხმება შედგა. თუმცა ზუსტად რაზე შეთანხმდნენ მხარეები მედიისთვის უცნობია. შესაბამისად, უცნობი რჩება, საზღვრის მთელ სიგრძეზე ვრცელდება აღნიშნული შეთანხმება თუ ხოლოდ იმ კონკრეტულ პუნქტებზე, რომლებზეც მხარეები 2020 წლიდან დავობენ. 

ჩინეთ-ინდოეთს შორის ურთიერთობები მას შემდეგ დაიძაბა, რაც ოთხი წლის წინ დასავლეთ ჰიმალაის ლადახის რეგიონში, არადემარკირებულ საზღვარზე, 20 ინდოელი და ოთხი ჩინელი ჯარისკაცი დაიღუპა. 

ინდოეთის საგარეო საქმეთა მინისტრმა სუბრაჰმანიამ ჯაიშანკარმა ჯერ კიდევ ორშაბათს განაცხადა, რომ რეგიონულმა მეტოქეებმა საზღვრის პატრულირებასთან დაკავშირებით შეთანხმებას მიაღწიეს, რაც სამხედრო დაპირისპირების დასრულებისკენ გადადგმულ ნაბიჯზე მიუთითებს, თუმცა ჩინეთმა მისი განცხადების მართებულობა დაუყოვნებლივ არ დაადასტურა. 

„ჩინეთმა და ინდოეთმა ბოლო პერიოდში შეძლეს შეენარჩუნებინათ საერთო საზღვართან დაკავშირებულ საკითხებზე დიპლომატიური და სამხედრო არხებით“, – განაცხადა სამშაბათს ჩინეთის საგარეო საქმეთა სამინისტროს პრეს- სპიკერმა ლინ ჯიანმა. 

მისი თქმით, მხარეებმა აღნიშნული საკითხები გადაწყვიტეს, რასაც ჩინეთი დადებითად აფასებს და გააგრძელებს თანამშრომლობას ინდურ მხარესთან შეთანხმების სრულად განხორციელებისთვის.

წყარო:  https://www.reuters.com/world/asia-pacific/china-implement-solutions-with-india-resolving-border-conflict-2024-10-22/

ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ Read More »

ჩინეთში ახალგაზრდების უმუშევრობის დონე იკლებს

ერთი ახალი ამბავი / /

ჩინეთში ახალგაზრდების უმუშევრობის დონე იკლებს.

ჩინეთში 16-დან 24 წლამდე ასაკის ახალგაზრდების უმუშევრობის დონე (გარდა სტუდენტებისა), სექტემბერში 17,6%-მდე შემცირდა, მაშინ როდესაც აგვისტოში იგივე მაჩვენებელი 18,8%-ს შეადგენდა. 

მიმდინარე წლის ივნისში უმუშევრობის დონე, ახალგაზრდებსა და კოლეჯის კურსდამთავრებულებს შორის 13.2%-ს შეადგენდა, ივლისში კი ეს მაჩვენებელი 17.1%-მდე გაიზარდა. სწრაფი ზრდის ტემპი დაახლოებით 12 მილიონი სტუდენტის შრომის ბაზარზე შესვლამ განაპირობა. უმუშევრობის დონის ზრდა აგვისტომდე გაგრძელდა და 2024 წლის უმაღლეს ნიშნულს, 18,8%-ს მიაღწია, ვიდრე სტატისტიკის ეროვნულმა ბიურომ მეთოდოლოგიის შეცვლა გადაწყვიტა. 

ძველი მეთოდოლოგით სტატისტიკის ეროვნული ბიურო უმუშევრობის დონის გამოთვლისას უგულებელყოფდა სტუდენტებს, თუმცა მას შემდეგ, რაც გასული წლის ივნისში აღნიშნულმა მაჩვენებელმა რეკორდულ ნიშნულს – 21.3%-ს მიაღწია, ბიურომ მიიღო გადაწყვეტილება მხედველობაში მიეღო სტუდენტთა რაოდენობაც. 

ოფიციალურმა პირებმა გამოთქვეს რწმენა, რომ მსოფლიოს ჩინეთის ეკონომიკა, რომელიც რიგით მეორეა მსოფლიოში, “გააგრძელებს სტაბილიზაციისა და აღდგენის ტენდენციას“.

მაგრამ ქარხნების მფლობელების ნდობის ცალკეული ოფიციალური გამოკითხვების სექტემბრის მაჩვენებლის მიხედვით, ისინი კვლავ თავს იკავებენ ახალი მუშა ხელის დაქირავებისგან.

წყარო: https://www.reuters.com/world/china/chinas-sept-youth-jobless-rate-176-compared-with-188-august-2024-10-22/

ჩინეთში ახალგაზრდების უმუშევრობის დონე იკლებს Read More »

სი ძინ პინმა ჩინეთის სარაკეტო ძალებს შეკავებისა და საბრძოლო შესაძლებლობების გაზრდისკენ მოუწოდა

ერთი ახალი ამბავი / /

შაბათს ჩინეთის სახალხო რესპუბლიკის პრეზიდენტმა სი ძინ პინმა სახალხო განმათავისუფლებელი არმიის სარაკეტო ძალების ბრიგადა დაათვალიერა. შეხვედრისას მან სამხედროებს შეკავებისა და საბრძოლო შესაძლებლობების გაზრდისკენ მოუწოდა. 

სიტყვით გამოსვლისას სტრატეგიულ სარაკეტო ძალებში მყოფ სამხედროებს მან ასევე მოუწოდა “მტკიცედ შეასრულონ პარტიისა და ხალხის მიერ დაკისრებული ამოცანები” – აღნიშნა სახელმწიფო საინფორმაციო სააგენტო „Xinhua“-მა. 

სახალხო განმათავისუფლებელი არმიის სარაკეტო ძალებს, რომლებიც ზედამხედველობენ ქვეყნის კონვენციურ და ბირთვულ რაკეტებს, დაევალათ ჩინეთის ბირთვული ძალების მოდერნიზება მიმდინარე ისეთი მოვლენების ფონზე, როგორებიც არის შეერთებული შტატების სარაკეტო თავდაცვის განვითარება, გაუმჯობესებული სათვალთვალო შესაძლებლობები და გაძლიერებული ალიანსები. 

ჩინეთის მედიის „Cailianshe“-ს ცნობით, მიმართვის დროს, სი-მ ხაზი გაუსვა „პოლიტიკური მითითებების დაცვას, მისიის პასუხისმგებლობის გაძლიერებას“ და „ძალების ფორმირების მაღალი ხარისხის განვითარების ხელშეწყობას“.

გასულ თვეში ჩინეთმა წყნარ ოკეანეში კონტინენტთაშორისი ბალისტიკური რაკეტა გაუშვა, რაც მზარდ საერთაშორისო ყურადღებას უსვამს ხაზს ქვეყნის ბირთვულ გაძლიერებაზე. 

აქვე აღსანიშნავია ისიც, რომ ჩინეთის არმიაში გასული წლიდან დღემდე ყოვლისმომცველი ანტიკორუფციული წმენდა განხორციელდა, რის შედეგადაც, ეროვნულ საკანონმდებლო ორგანოში თანამდებობა სარაკეტო ძალების რამდენიმე გენერალმა დატოვა.

წყარო: https://www.reuters.com/world/asia-pacific/chinas-xi-urges-missile-troops-boost-deterrence-combat-capabilities-2024-10-19/

 

სი ძინ პინმა ჩინეთის სარაკეტო ძალებს შეკავებისა და საბრძოლო შესაძლებლობების გაზრდისკენ მოუწოდა Read More »

ჩინეთი ფინანსურ ინსტიტუტებს გაფართოებული ფინანსური პოლიტიკის მყისიერი განხორციელებისკენ მოუწოდებს

ერთი ახალი ამბავი / /

ჩინეთის ცენტრალურმა ბანკმა და ფინანსურმა მარეგულირებლებმა ძირითად ფინანსურ ინსტიტუტებთან გამართეს შეხვედრები და მოუწოდეს მათ ეკონომიკისა და კაპიტალის ბაზრების მხარდასაჭერად მყისიერი ნაბიჯები გადადგან. 

ჩინეთის სახალხო ბანკმა (PBOC) ფინანსურ ინსტიტუტებს მოუწოდა გაზარდონ საკრედიტო მხარდაჭერა რეალური ეკონომიკისთვის და შეინარჩუნონ ფულისა და კრედიტის მთლიანი ოდენობის გონივრული ზრდა. – ნათქვამია PBOC-ის ვებ. გვერდზე გამოქვეყნებულ განცხადებაში. 

მან ინსტიტუტებს ასევე მოუწოდა საპროცენტო განაკვეთის კორექტირებისაკენ და მხარი დაუჭირა საფონდო ბაზრის მხარდასაჭერად შექმნილ დაფინანსების ორ სქემას. 

შეხვედრას, რომელიც ოთხშაბათს გაიმართა, ერთობლივად უძღვებოდნენ ჩინეთის საბანკო და ფასიანი ქაღალდების მარეგულირებელი ორგანოები და მონაწილეობდნენ ბანკები, საბროკერო და საფონდო კომპანიები. 

შეგახსენებთ, რომ ქონებისა და საფონდო ბირჟების მხარდასაჭერად PBOC-მა სექტემბრის ბოლოს აგრესიული ფულადი მხარდაჭერის ზომები მიიღო COVID-19 პანდემიის შემდეგ. 

პირველად, მისი არსებობის ისტორიაში, ცენტრალურმა ბანკმა, პირველად შექმნა მონეტარული პოლიტიკის ორი ინსტრუმენტი საფონდო ბირჟის მხარდასაჭერად. ინსტრუმენტები მოიცავს სვოპ პროგრამას ბროკერებისთვის, ფონდებისა და მზღვეველებისთვის და აღნიშნული კომპანიების მიერ აქციების შესყიდვისათვის შექმნა სესხის ხელახალი გაცემის საშუალება.

 ხსენებული ინსტრუმენტების სწრაფი ამოქმედება ჩინეთს მიმდინარე წლისთვის სასურველი 5%-იან ზრდის მიღწევაში დაეხმარება.

 PBOC-მ განაცხადა, რომ ის „გააძლიერებს დეპარტამენტთაშორის კოორდინაციას, შექმნის სინერგიას და სრულად გამოიყენებს ამ ინსტრუმენტებს ბაზრის სანდოობის გასაძლიერებლად, ხალხის მოლოდინების გასაუმჯობესებლად და მდგრადი ეკონომიკური აღდგენის ხელშესაწყობად“. 

შეგახსენებთ, რომ გასული კვირის მონაცემებით, ჩინეთის ეკონომიკა მესამე კვარტალში 4,6%-ით გაიზარდა 2023 წელთან შედარებით.

წყარო: https://www.reuters.com/markets/asia/china-urges-swift-implementation-expansive-financial-policies-2024-10-18/

ჩინეთი ფინანსურ ინსტიტუტებს გაფართოებული ფინანსური პოლიტიკის მყისიერი განხორციელებისკენ მოუწოდებს Read More »

ჩინეთი ინდოეთს მოუწოდებს სიფრთხილით მოეკიდოს ტაივანთან დაკავშირებულ საკითხებს

ერთი ახალი ამბავი / /

მუმბაიში ტაივანის დე ფაქტო საკონსულოს გახსნის შემდეგ ჩინეთმა ინდოეთს მოუწოდა, სიფრთხილით მოეკიდოს ტაივანთან დაკავშირებულ საკითხებს და უარყოფითად არ იმოქმედოს ჩინეთ-ინდოეთის ურთიერთობების გაუმჯობესების პროცესზე. 

ჩინეთის საგარეო საქმეთა სამინისტროს პრეს-სპიკერმა მაო ნინგმა პრეს- კონფერენციაზე განაცხადა, რომ ჩინეთი ეწინააღმდეგება მასთან დაკავშირებული ნებისმიერი სახელმწიფოს ოფიციალურ ურთიერთობას ტაივანთან. 

აღნიშნული განცხადება მუმბაიში ტაივანის დე ფაქტო საკონსულოს გახსნას მოჰყვა, რამაც ჩინეთსა და ინდოეთს შორის ორმხრივი ურთიერთობა დაძაბა.

ტაივანის ხელისუფლება კუნძულზე ჩინეთის სუვერენიტეტისა და მისი საერთაშორისო არენაზე წარმოდგენის პრეტენზიებს მტკიცედ უარყოფს.

„ერთი ჩინეთის პრინციპი ინდური მხარისთვის სერიოზული პოლიტიკური ვალდებულება და ჩინეთ-ინდოეთის ურთიერთობების პოლიტიკური საფუძველია“ – განაცხადა პრეს-სპიკერმა და დასძინა, რომ ჩინეთი მოუწოდებს ინდოეთს დაიცვას მისი წილი ვალდებულებები, გონივრულად წარმართოს ტაივანთან დაკავშირებული საკითხები და თავი შეიკავოს ოფიციალური ურთიერთობისგან.

წყარო: https://www.reuters.com/world/asia-pacific/china-urges-india-handle-taiwan-issue-cautiously-after-mumbai-office-opening-2024-10-17/

ჩინეთი ინდოეთს მოუწოდებს სიფრთხილით მოეკიდოს ტაივანთან დაკავშირებულ საკითხებს Read More »

ჩინეთს სურს იყოს პარტნიორი და მეგობარი აშშ-სთვის – სი ძინ პინი

ერთი ახალი ამბავი / /

აშშ-ჩინეთის ურთიერთობების ეროვნული კომიტეტის 2024 წლის დაჯილდოების სადილზე ჩინეთის პრეზიდენტმა სი ძინ პინმა ჩინეთისა და აშშ-ს ურთიერთობებზე ისაუბრა. მან აღნიშნა, რომ ორ სახელმწიფოს შორის წარმატებული პარტნიორობა არის არა დაბრკოლება, არამედ შესაძლებლობა ორივე მათგანისთვის, რომ ხელი შეუწყონ ერთმანეთის განვითარებას. 

მან ასევე აღნიშნა, რომ ჩინეთს აშშ-სთან პარნიორობა და მეგობრობა სურს, რაც არა მხოლოდ ამ ორ ქვეყანას, არამედ მთელ მსოფლიოს მოუტანს სარგებელს, რადგან აშშ-სა და ჩინეთის ურთიერთობა ერთ-ერთი უმნიშვნელოვანესია მსოფლიოში და აქვს უნარი გავლენა იქონიოს კაცობრიობის მომავალზე. 

„აშშ-ჩინეთის ურთიერთობას ჩინეთი მუდამ წარმართავდა ურთიერთპატივისცემის, მშვიდობიანი თანაცხოვრებისა და ორმხრივად მომგებიანი თანამშრომლობის პრინციპების შესაბამისად“ – განაცხადა სი ძინ პინმა

წყარო: https://www.reuters.com/world/xi-says-china-willing-be-partner-friend-with-us-state-media-reports-2024-10-16/

ჩინეთს სურს იყოს პარტნიორი და მეგობარი აშშ-სთვის – სი ძინ პინი Read More »

ჩინელი მწარმოებლები ევროპაში ელექტრომობილების წარმოების ნაწილობრივ გადატანას გეგმავენ

ერთი ახალი ამბავი / /

ჩინელი მწარმოებლები ევროპაში ელექტრომობილების წარმოების ნაწილობრივ გადატანას გეგმავენ ბუჯეტური ელექტრომობილების გაყიდვების გასაზრდელად შესაძლოა ჩინური ავტოსაწარმოო ობიექტების ნაწილი ევროპაში გადავიდეს. ამ გზით ისინი შეძლებენ თავი აარიდონ ევროკავშირის მიერ ჩინეთიდან იმპორტირებულ ელექტრომობილებზე დაწესებულ მაღალ ტარიფებს. 

აღნიშნულ გადაწყვეტილებას ორი მაპროვოცირებელი ფაქტორი ჰქონდა: 

1. ჩინურ ბაზარზე ელექტრომობილების მიმართ მოთხოვნა დროთა განმავლობაში მცირდება

2. ევროპის ქვეყნებმა ჩინეთიდან იმპორტირებულ ელექტრომობილებზე მაღალი ტარიფები დააწესეს. ეს გადაწყვეტილება ადგილობრივი ავტომწარმოებლების შიშმა განაპირობა, იმასთან დაკავშირებით, რომ ჩინური წარმოების ელექტრომობილების იმპორტის გაზრდის ფონზე ისინი ადგილობრივ ბაზარზე ჩინელ მწარმოებლებს ფასობრივ კონკურენციას ვერ გაუწევდნენ.

მოკლედ ჩინური კომპანიების გეგმების შესახებ ევროპაში: 

CHERY AUTO 

„Chery Auto“ ერთ-ერთია იმ ჩინური კომპანიებიდან რომლებმაც ევროპულ კომპანიებთან თანამშრომლობის გზაზე პირველი ნაბიჯები გადადგეს. ექსპორტის მოცულობით ჩინეთის მასშტაბით უდიდესმა კომპანიამ ესპანეთის ავტომწარმოებელ „EV Motors”- თან თანამშრომლობის დოკუმენტი ოფიციალურად გააფორმა. Reuters-ის ცნობით, ისინი ელექტრომობილების ერთობლივ წარმოებას მიმდინარე წელს დაიწყებენ. ამავე სააგენტოს ინფორმაციით, „Chery Auto“ მოლაპარაკებებს იტალიელ და ბრიტანელ კოლეგებთანაც აწარმოებს. 

BYD 

მსოფლიოში ელექტრომობილების უდიდესი მწარმოებელი კორპორაცია „BYD“ ევროპის ბაზრისთვის განკუთვნილი ავტომობილების თითქმის სრული წარმოების გადატანას ევროპაში, საჭირო დეტალების იმპორტირებას კი უნგრეთსა და თურქეთში მდებარე ქარხნებიდან აპირებს. კორპორაციის ვიცე პრეზიდენტის სტელა ლი-ს თქმით, „BYD“ ჩინეთიდან მხოლოდ ელემენტების მცირე კომპონენტებს შეიტანს. 

LEAPMOTOR 

ჩინურმა ავტომწარმოებელმა „LEAPMOTOR“-მა პარტნიორ კომპანია „Stellantis“- თან თანამშრომლობა ჯერ კიდევ სექტემბერში დააანონსა. „Stellantis“-ის აღმასრულებელი დირექტორის კარლოს ტავარესის თქმით, ელექტრომობილები პოლონეთში მდებარე „Stellantis“ საწარმოში აიწყობა. 

SAIC MOTOR 

ჩინეთის რიგით მეორე ავტოიმპორტიორი, სახელმწიფოს საკუთრებაში მყოფი კომპანია „SAIC MOTOR“ ელექტრომობილების საწარმოს გახსნას საფრანგეთში გეგმავს, რათა ადგილობრივ ბაზარზე მზარდი მოთხოვნა დააკმაყოფილოს. იგი ავტონაწილებს ამსტერდამში უკვე აწარმოებს.

წყარო: https://www.reuters.com/business/autos-transportation/chinese-ev-makers-plans-make-cars-europe-2024-05-07/

ჩინელი მწარმოებლები ევროპაში ელექტრომობილების წარმოების ნაწილობრივ გადატანას გეგმავენ Read More »

ჩინეთმა მილანში გამართულ შეხვედრაზე საკუთარი ასტრონომიული მიღწევა წარადგინა

ერთი ახალი ამბავი / /

14 ოქტომბერს იტალიის ქ. მილანში გამართულ საერთაშორისო ასტრონავტულ კონგრესზე ჩინეთმა მთვარის შორეული კიდიდან მოპოვებული კლდის ნიმუში წარმოადგინა. აღნიშნულმა კონგრესმა, დასავლეთისა და რუსეთის დაძაბული ურთიერთობის გამო, ამ უკანასკნელის მონაწილეობის გარეშე ჩაიარა.

ჩინეთის ეროვნული კოსმოსური ადმინისტრაციის მიერ კლდის ნიმუშის წარდგენა, რომელიც Chang’ 6-მა მოიპოვა ბეიჯინგის კოსმოსური ძალის სტატუსის ზრდის მაჩვენებელია. 

საერთაშორისო ასტრონავტული კონგრესი (IAC) 1950 წლიდან ფუნქციონირებს, როგორც პლატფორმა, სადაც მეცნიერები, ინჟინრები, პოლიტიკოსები და კერძო სექტორის წარმომადგენლები თემატურ თანამშრომლობას განიხილავენ.

წყარო: https://www.reuters.com/technology/space/moon-race-private-competition-focus-space-powers-gather-milan-2024-10-14/

ჩინეთმა მილანში გამართულ შეხვედრაზე საკუთარი ასტრონომიული მიღწევა წარადგინა Read More »

ჩინეთის პრემიერ-მინისტრმა შესაძლოა პეკინის მიერ დაფინანსებული აეროპორტი გახსნას.

ერთი ახალი ამბავი / /

მომავალ კვირას დაგეგმილი ვიზიტისას ჩინეთის სახალხო რესპუბლიკის პრემიერ-მინისტრმა ლი ციანგმა შესაძლოა პაკისტანში, ბელუჯისტანის პროვინციაში, ბეიჯინგის მიერ დაფინანსებული აეროპორტი გახსნას. ამის შესახებ ჟურნალისტებს პაკისტანის ინფორმაციისა და მაუწყებლობის ფედერალურმა მინისტრმა ათაულა თარარმა განუცხადა. 

200 მილიონი აშშ დოლარის ღირებულების გვადარის საერთაშორისო აეროპორტში ოპერაციების დაწყება აგვისტოში განხორციელებული ტერორისტული თავდასხმის გამო უსაფრთხოების საკითხების განხილვის მიზნით გადაიდო. 

ლი ციანგი პაკისტანს მთავრობის წარმომადგენლებთან ერთად 14-17 ოქტომბერს ეწვევა.

წყარო: https://www.reuters.com/world/asia-pacific/chinese-premier-could-inaugurate-beijing-funded-airport-pakistan-during-visit-2024-10-13/

ჩინეთის პრემიერ-მინისტრმა შესაძლოა პეკინის მიერ დაფინანსებული აეროპორტი გახსნას. Read More »

გაზრდილმა სუბსიდიებმა ჩინეთში ავტომობილების გაყიდვების ხუთთვიანი კლების ტედენცია შეაჩერა

ერთი ახალი ამბავი / /

ჩინეთის სამგზავრო მანქანების გაყიდვები სექტემბერში 4,3%-ით გაიზარდა წინა წლის იმავე პერიოდთან შედარებით. გაყიდვების კლება, რაც წინა თვეებში შეინიშნებოდა, ვაჭრობის წახალისების მიზნით სტიმულირებულმა სახელმწიფო სუბსიდიებმა შეაჩერა. სუბსიდიები ფართო მასტიმულირებელი პაკეტის ნაწილია.

მოგების მთელი წილი ბატარეებზე მომუშავე მანქანებს რეალიზაციაზე მოდის, რომელთა მწარმოებლებმაც და მომხმარებლებმაც მიმდინარე წლის ივლისის შემდეგ სახელმწიფო სუბსიდიებით ისარგებლეს. ამავდროულად კი, საწვავზე მომუშავე მანქანების გაყიდვები შემცირებას განაგრძობს.

სექტემბერში მსოფლიოს უდიდეს ავტობაზრობაზე გაყიდვებმა 2.13 მილიონ ავტომობილს მიაღწია. გასულ წელს ეს მაჩვენებელი 2.04 მილიონი იყო. ჩინეთის სამგზავრო ავტომობილების ასოციაციის (CPCA) მონაცემებით, მიმდინარე წლის პირველი ცხრა თვის განმავლობაში, გაყიდვები 1.9%-ით გაიზარდა 2023 წლის იმავე მაჩვენებელთან შედარებით.

ელექტრომობილებისა და პლაგ-ინ ჰიბრიდების გაყიდვები 50,9%-ით გაიზარდა, რაც მთლიანი გაყიდვების 52,8%-ს შეადგენს. სექტემბერი ზედიზედ მესამე თვე იყო, რაც ბატარეებზე მომუშავე მანქანები, მათ შორის პლაგ-ინ ჰიბრიდები აჭარბებდნენ ბენზინის ძრავიანი ავტომობილების გაყიდვებს ჩინეთში.

მიმდინარე წლის სექტემბერში ბენზინისძრავიანი ავტომობილების გაყიდვები 1 მილიონზე მეტი იყო, რაც 100 000-ზე მეტით აღემატება 2024 წლის აგვისტოს მაჩვენებელს. თუმც მიმდინარე წლის მაჩვენებელი ბევრად ჩამორჩებოდა გასული წლის სექტემბრის გაჩვენებელს. 2023 წლის სექტემბერში ჩინეთში 1,29 მილიონზე მეტი ბენზინის ძრავიანი ავტომობილი გაიყიდა.

ელექტრომობილების და პლაგ-ინ ჰიბრიდების გაყიდვებმა (კატეგორია, რომელიც ჩინეთის ინდუსტრიული ჯგუფის მიერ კლასიფიცირდება, როგორც "ახალი ენერგეტიკული ავტომობილები") სექტემბერში 1.12 მილიონს მიაღწია, პირველი ცხრა თვის განმავლობაში კი ჯამში 7.13 მილიონს.

გლობალურ მასშტაბზე მიმდინარე წელს ელექტრომობილების გაყიდვები შემცირდა, რის მიზეზიც ჩინეთის ფარგლებს გარეთ ავტომწარმოებლების საქმიანობის შემცირებაა. თუმცა ამავდროულად, იგივე პროდუქტის გაყიდვები ჩინეთში გაიზარდა, რაც სამომხმარებლო სუბსიდიების შედეგია.

წყარო: https://www.reuters.com/business/autos-transportation/china-car-sales-rise-snapping-five-month-decline-subsidy-boost-2024-10-12/

გაზრდილმა სუბსიდიებმა ჩინეთში ავტომობილების გაყიდვების ხუთთვიანი კლების ტედენცია შეაჩერა Read More »

Scroll to Top