ამბები

სამოქალაქო იდეას ახალი ანგარიში “საგანგებოობანას ვირუსი “

ზემოთ განხილული შემთხვევები ნათელი მაგალითია იმისა, რომ პანდემიამ გლობალური დარტყმა მიაყენა მსოფლიო ეკონომიკას და თითქმის ყველა სახელმწიფომ განიცადა მნიშვნელოვანი ზიანი ამ კუთხით, თუმცა მთავრობათა ქმედებები მიმართული იყო არამხოლოდ ჯანდაცვის სისტემების გაძლიერებისკენ, არამედ ეკონომიკური სტაბილურობის შესანარჩუნებლადაც, რასაც ვერ ვიტყვით საქართველოზე. 2020 წლის სექტემბრის მონაცემებით, საქართველოს ეროვნული ვალუტა აშშ დოლართან მიმართებით 4.35 თეთრით გაუფასურდა შედეგად ერთი დოლარის ღირებულებამ 3.3332 ლარს მიაღწია. ევროსთან მიმართებით კი კურსი 5.2 თეთრით გაუფასურდა, შედეგად ერთი ევროს ღირებულება 3.88 ლარი გახდა.

დიდ სურათზე დაკვირვება საშუალებას იძლევა, რომ მთავრობის გადაწყვეტილებები სრულფასოვნად შეფასდეს. დღეს უკვე ერთმნიშვნელოვნია, რომ მათ მიერ გატარებული ღონისძიებები კატასტროფული აღმოჩნდა საქართველოს ეკონომიკისათვის, რომელიც პანდემიამდეც არ ყოფილა მდგრადი. ნაცვლად იმისა, რომ აღმასრულებელ ხელისუფლებასა და პარლამენტს შემოეთავაზებინათ მოკლე პერიოდზე გათვლილი მოდელი და კონკრეტული სამოქმედო გეგმა უფლებების მინიმალური შეზღუდვით, ქართულმა საზოგადოებამ მიიღო მთავრობის მხრიდან ერთპიროვნულად გამოცხადებული მკაცრი შეზღუდვები. მიუხედავად შეზღუდვების ეტაპობრივი მოხსნისა, მოქალაქეებმა დაკარგეს სტაბილურობის შეგრძნება, რადგან მთავრობას ნებისმიერ დროს შეეძლო ახალი დადგენილებით იგივე ან უფრო მკაცრი შეზღუდვების შემოღება. ამ ყველაფერს ემატება ის ფაქტიც, რომ მოახლოებული არჩევნების ან უფრო ზოგადად, საშუალო და გრძელვადიანი გეგმის არ არსებობის გამო, საქართველოს აღმასრულებელი ხელისუფლება უარს აცხადებს პარლამენტში და შესაბამისად საჯარო დისკუსიაზე. ამგვარი მიდგომა კი საზოგადოებაში კიდევ უფრო მეტ დაბნეულობასა და უპერსპექტივობის განცდას ამძაფრებს.

როგორც ვხედავთ, ძალაუფლების უზურპაციის „ცდუნების“ ფაქტები მრავლადაა როგორც სამხრეთ კავკასიაში, ისე აღმოსავლეთ ევროპის ქვეყნებში. საგანგებო მდგომარეობის ფარგლებში ძლიერი კონსტიტუციური რეჟიმის შექმნა საკმაოდ რთული გამოწვევაა, რადგან იგი ყოველთვის პოლიტიკური გავლენების ქვეშ მოქცევის საფრთხის წინაშე დგას. მისგან დაცული ვერც ევროკავშირის წევრი სახელმწიფოები აღმოჩნდნენ, როგორც პოლონეთისა და უნგრეთის მაგალითზე ვიხილეთ. შესაბამისად, საჭიროა შემუშავდეს მექანიზმი, რომელიც მაქსიმალურად დაიცავს ხელისუფლების დანაწილების პრინციპსა და სამოქალაქო უფლებების განხორციელების ინტერესს საგანგებო რეჟიმის პირობებშიც კი. სხვა შემთხვევაში სახელმწიფო აღმოჩნდება პოლიტიკოსების კეთილი ნების ამარა, რამაც ქვეყნის ეკონომიკური და სოციალური განვითარება კატასტროფამდე შეიძლება მიიყვანოს. თუკი არ იქნება გადადგმული შესაბამისი წინდახედული ნაბიჯები, საგანგებო ზომები, როგორც ეს მათ ახასიათებთ, იმაზე მეტ ხანს გაგრძელდება, ვიდრე ამის საჭიროება არსებობს. ვენეციის კომისიის შეფასებით, ადამიანის უფლებათა ყველაზე მძიმე დარღვევებს სწორედ საგანგებო ვითარებების კონტექსტში აქვს ადგილი. ევროპის საბჭოს საპარლამენტო ასამბლეამ განაცხადა, რომ 

“უსაფრთხოების უზრუნველყოფის აუცილებლობიდან გამომდინარე, მთავრობებს ხშირად უწევთ განსაკუთრებული ზომების მიღება. ამგვარი ზომები ნამდვილად გამონაკლისი ხასიათის უნდა იყოს, რადგან არც ერთ სახელმწიფოს არა აქვს უფლება უგულებელყოს კანონის უზენაესობის პრინციპი, თუნდაც უკიდურეს სიტუაციებში. ნებისმიერ შემთხვევაში, უნდა არსებობდეს საკანონმდებლო გარანტიები, რომლებიც განსაკუთრებული ზომების ბოროტად გამოყენების პრევენციას უზრუნველყოფენ“.

პანდემიის დასრულების შემდგომ, სახელმწიფოები ახალი გამოწვევების წინაშე დადგებიან როგორც სოციალურ-ეკონომიკური, ისე დემოკრატიული განვითარების კუთხით, ვინაიდან არავინ იცის, თუ რამდენად ადვილად დათმობენ მთავრობები საგანგებო მდგომარეობის ფარგლებში გაზრდილ უფლებამოსილებებს. „პანდემიასთან “კარჩაკეტილი“ განწყობით ბრძოლამ შესაძლოა „ნაკლებად ღია, ნაკლებად თავისუფალი და ნაკლებად მდიდარი მსოფლიო შექმნას.“

ამ მხრივ განსაკუთრებული საფრთხის წინაშე დგას, სუსტი დემოკრატიული ტრადიციებისა და მყიფე ინსტიტუტების მქონე ქვეყნები.

angarishi-5-geo

სამოქალაქო იდეას China Watch–ის მეოთხე ანგარიში ეხება ჩინეთის სახელმწიფოს დაქვემდებარებაში მყოფ კომპანია Tebian Electric Apparatus Stock Co Ltd. (TBEA) იგივე შპს ტბეა კო., ლტდ.-ს, რომელმაც საქართველოში ორი ტენდერი მოიგო და რომელიც შელახული საერთაშორისო რეპუტაციით გამოირჩევა. ქვევით შემოგთავაზებთ ჩვენი კვლევის ძირითადად აღმოჩენებს:

• ჩინეთის კომუნისტურ პარტიასთან (CCP) TBEA- ს კავშირების გამოსავლენად, ჩვენი ანგარიში განიხილავს კომპანიის წარმოშობასა და საქმიანობას. TBEA ჩინეთის მთავრობის მიერ აკრედიტირებული საწარმოა და შესაბამისად, სახელმწიფო უწყებებისგან მინიჭებული აქვს უფლებამოსილება, განახორციელოს იმპორტ-ექსპორტი და ბიზნეს ურთიერთობები ჩინეთის საზღვრებს გარეთ. TBEA-ს საქმიანობა ვრცელდება თითქმის ყველა კონტინენტზე, როგორც აზიაში, ისე ევროპაში, ჩრდილოეთ და სამხრეთ ამერიკაში, ავსტრალიასა და აფრიკაში. მთელ მსოფლიოში მისი საქმიანობის ძირითად წამახალისებელ აქტორებს სწორედ ჩინეთის კომუნისტური პარტია და ჩინეთის სახელმწიფო საკუთრებაში არსებული ექსიმ ბანკი წარმოადგენენ. უფრო მეტიც, კომპანიის თავმჯდომარე ჟანგ სინი ჩინეთის კომუნისტური პარტიის წევრია. მისი სახელი ფიქსირდება მე -11 და მე-13 ეროვნული სახალხო კონგრესის წევრთა სიაში და ამავე კონგრესში ის ქალაქ ჩანჯის (Changji) წარმომადგენელია. ამას გარდა, TBEA მონაწილეობდა სინჯიანგის ჩანგჯის იძულებითი შრომითი ბანაკის უკანონო მაქინაციებში, სადაც პატიმრების  მიმართ განსაკუთრებული სისასტიკით გამოირჩევიან, მათ აწამებენ, აშიმშილებენ და არაადამიანურად ეპყრობიან. კომპანია არღვევდა პატიმრების შრომით უფლებებს, აიძულებდა მათ, ემუშავათ ყოველგვარი კომპენსაციის გარეშე.

• ჩვენმა კვლევამ გამოავლინა კონკრეტული დარღვევები საქართველოს სახელმწიფოსა და TBEA Shenyang Transformer Group Co.–ს შორის გაფორმებულ კონტრაქტებში. გაფორმებული ხელშეკრულებები გამოირჩევა ისეთი უკანონო ქმედებებით, როგორებიცაა, სამუშაო ვადების დაუსაბუთებელი გახანგრძლივება, კონტრაქტით განსაზღვრული პირობების დარღვევა, უსაფუძვლო ხარჯები და სხვა. ამასთან, საქართველოს სახელმწიფო უწყებებმა, რომლებიც მონაწილეობდნენ შესყიდვების პროცედურებში, TBEA–სთვის სხვადასხვა პრივილეგიის მინიჭებისას თვალი აარიდეს ამ სამართლებრივ დარღვევებს. ჩინური კომპანიის წახალისების მიზნით, სატენდერო კომისია მცდელობას არ იშურებს შეცვალოს პირობები და სრულიად გაუგებარი და დაუსაბუთებელი მიზეზით დისკვალიფიკაცია გაუკეთოს TBEA-ს კონკურენტებს.

• ჩვენს ანგარიშში საფუძვლიანად არის მიმოხილული TBEA- ს კორუფციული და თაღლითური სკანდალები გამბიაში, ყირგიზეთსა და ტაჯიკეთში, რაც კიდევ ერთხელ აყენებს ეჭვქვეშ საერთაშორისო დონეზე მის რეპუტაციას. აღსანიშნავია, რომ ამ შემთხვევების მიუხედავად, მასშტაბური პროექტების განხორცილება სს “საქართველოს სახელმწიფო ელექტროსისტემამ“ მიანდო კომპანიას, რომელმაც ყირგიზეთის მოსახლეობა -27 გრადუს ყინვაში ელექტროენერგიისა და გათბობის გარეშე დატოვა, კომპანიას რომელიც მხილებულია სხვადასხვა მთავრობებთან კორუფციულ გარიგებებში, და რომელთან ურთიერთობის გამოც სახელმწიფო თანამდებობის პირები დღემდე პატიმრობაში იმყოფებიან, კომპანიას რომლის ფილიალი ინდოეთში შესაძლო გადახდისუუნარობის წინაშე დგას.

• მსგავსად საქართველოში მოქმედი სხვა ჩინური კომპანიებისა, TBEA-ს შემთხვევაშიც სახელმწიფოს არც კი უცდია დიუ დილიჯენსის (Due diligence) განხორციელება, მათი საერთაშორისო რეპუტაციის მოკვლევა, იმ პირობებში როდესაც ყველაზე მარტივი და ხელმისაწვდომი საძიებო პლათფორმა google-იც კი ზედაპირული ძებნის ფარგლებში მყისიერად გვაძლევს ინფორმაციას

TBEA-ს კორუფციული გარიგებების შესახებ, და რომლის სხვა წყაროებსაც სანდო და კვალიფიციური მედია საშუალებები წარმოადგენენ.

angarishi-4-geo-final

ანგარიშის ჩამოტვირთვა ?

საქართველოს საექსპერტო საზოგადოება აშშ-ის ჯარის მუდმივი განთავსების თხოვნით მიმართავს მაიკლ პომპეოს

„საქართველოს ხალხის თავისუფლებისთვის ბრძოლაში უმნიშვნელოვანესი ნაბიჯი იქნებოდა აშშ-ის ჯარის მუდმივი განთავსება საქართველოში“ აცხადებენ მაიკლ პომპეოსადმი ღია წერილის ხელის მომწერები. უსაფრთხოებასა და საგარეო პოლიტიკაზე მომუშავე 40-ზე მეტი ქართველი ექსპერტი, ყოფილი დიპლომატი და მაღალჩინოსანი აწერენ ხელს ღია წერილს მაიკ პომპეოსადმი.

გთავაზობთ ნაწყვეტს ღია წერილიდან:

„ძალიან ვაფასებთ ამერიკის ძლიერ მხარდაჭერას საქართველოს სუვერენიტეტისა და ტერიტორიული მთლიანობისადმი. აშშ-ის რეგიონული და გლობალური ინტერესების წინსვლის კონტექსტში, გვჯერა, რომ საქართველოს ხალხის თავისუფლებისთვის ბრძოლაში უმნიშვნელოვანესი ნაბიჯი იქნებოდა:
• აშშ-ის ჯარის მუდმივი განთავსება საქართველოში.
ასეთი პოლიტიკა შეიძლება გულისხმობდეს გაერთიანებულ (აშშ/ევროკავშირის) ძალებს როტაციულ საფუძველზე, ისევე როგორც ლოჯისტიკურ და საჰაერო პატრულირების ელემენტებს, რაც უზრუნველყოფდა მრავალგვარ შესაძლებლობას აშშ-ისა და ერთობლივი ძალების სამხრეთ კავკასიასა და შავი ზღვის რეგიონში უწყვეტი ოპერირებისთვის. ამავდროულად, აშშ-ის სამხედრო ყოფნას საქართველოში ექნებოდა საყოველთაო მხარდაჭერა, თავიდან აგვაცილებდა მყისიერ საფრთხეებს და დაეხმარებოდა საქართველოს ნატოში გაწევრიანებასთან მიახლოებაში.
დღესდღეობით, ჩვენს სტრატეგიულ პარტნიორობაში საქართველოს შეუძლია მნიშვნელოვანი წვლილის შეტანა თავისი დემოკრატიული ინსტიტუტების მედეგობის გაზრდითა და გაძლიერებით. ამ კონტექსტში, მივესალმებით აშშ-ის ღირებულ ჩართულობას საქართველოში არსებული პოლიტიკური კრიზისის გადაჭრისთვის მედიაციის პროცესში. აგრეთვე მადლიერი ვართ აშშ-ის მნიშვნელოვანი და უწყვეტი მცდელობებისთვის, რაც წლებია გრძელდება საქართველოს დემოკრატიის მხარდასაჭერად.
სრულად ვუჭერთ მხარს აშშ-საქართველოს ალიანსის გაძლიერების პროცესს, ადგილზე აშშ-ის სამხედროების ყოფნის ჩათვლით, რასაც ვთვლით სარგებლის მომტანად საერთო ევროატლანტიკური უსაფრთხოებისთვის“.

დოკუმენტის ხელისმომწერები მიესალმებიან აშშ-ის სახელმწიფო მდივნის ვიზიტს საქართველოში და აცხადებენ, რომ ევროატლანტიკურ სისტემას ხედავენ ერთადერთ გარანტორად ერთიანი, თავისუფალი და მშვიდობიანი ევროპისთვის.

ისინი აღნიშნავენ გამწვავებულ საფრთხეებზეც:

„ბოლო წლებში სამხრეთ კავკასია და შავი ზღვის რეგიონი გეოპოლიტიკური არასტაბილურობის არეალად იქცა. უსაფრთხოების რისკების უმრავლესობა გამომდინარეობს რუსეთის ამბიციებიდან – აღადგინოს საბჭოთა ეპოქის დროინდელი „გავლენის სფერო“, მის მიერ „ახლო საზღვარგარეთად“ აღქმულ არეალში. მოქმედებების თავისუფლებით გათამამებულმა რუსეთმა ახლახან განალაგა თავისი ჯარი მთიან ყარაბაღში, რითაც ზრდის მის სამხედრო პოზიციას რეგიონში“,

– აღნიშნულია ღია წერილში, რომელსაც ხელს აწერენ:
ზვიად აძინბაია, ეკა აკობია, ირაკლი ალასანია, ირინა არაბიძე, ფიქრია ასანიშვილი, გიორგი ასტამაძე, ნატო ბაჩიაშვილი, გიორგი ბადრიძე, ზურაბ ბატიაშვილი, ზაზა ბიბილაშვილი, ლევან ბოძაშვილი, ეთო ბუზიაშვილი, მიხეილ დარჩიაშვილი, ჯაბა დევდარიანი, პაატა გაფრინდაშვილი, კახა გოგოლაშვილი, გიორგი გოგუაძე, თორნიკე გორდაძე, გიორგი გვალია, შოთა ღვინერია, გია ჯაფარიძე, თედო ჯაფარიძე, ნინო კალანდაძე, ნოდარ ხარშილაძე, თინათინ ხიდაშელი, ბექა კობახიძე, ბათუ ქუთელია, ხათუნა ლაგაზიძე, ეკატერინე მეტრეველი, გრიგოლ მგალობლიშვილი, ხათუნა მშვიდობაძე, გიორგი მუჩაიძე, სოფიო პეტრიაშვილი, ალექსი პეტრიაშვილი, თენგიზ ფხალაძე, მირიან ფოფხაძე, ირაკლი ფორჩხიძე, დათუნა რაქვიაშვილი, გიორგი რუხაძე, თორნიკე შარაშენიძე, ვასილ სიხარულიძე, თორნიკე თურმანიძე, გელა ვასაძე, თემურ იაკობაშვილი.

წყარო: რადიოთავისუფლება ?

https://www.radiotavisupleba.ge/a/30952847.html?fbclid=IwAR0sTkDTzQcaLsKDBD1WHRSBnwJlfKg8680iqM04KuBLifgmOtDqP29ri4o

29 ოქტომბერს სამოქალაქო იდეამ, ფრიდრიხ ნაუმანის ფონდთან ერთად, ორგანიზება გაუწია მეორე ვებინარს სამხრეთ კავკასიაში ომისა და მშვიდობის საკითხებზე და ომის შედეგებზე. ონლაინ დისკუსიაში მონაწილეობდნენ ექსპერტები ომის მონაწილე ქვეყნებიდან და ის საერთაშორისო ორგანიზაციები, რომლებიც ყარაბაღის საკითხზე მუშაობენ. მონაწილეებმა ისაუბრეს რეგიონში არსებულ ვითარებაზე, კონფლიქტში სხვადასხვა საერთაშორისო და სახელმწიფო აქტორების მონაწილეობასა და მთიანი ყარაბაღის დავის გრძელვადიან შედეგებზე კავკასიის რეგიონში.

ვებინარი?

Peace-and-War-in-the-SC

სამოქალაქო იდეას China Watch–ის მესამე ანგარიში მოიცავს სინოჰიდროსა და ჩინეთის რკინიგზის 23-ე ბიუროს ჯგუფთან დაკავშირებულ გადაცდომებს. კვლევა ეთმობა ორ ჩინურ კომპანიას, რომლებიც პასუხისმგებელნი არიან საქართველოში მიმდინარე მრავლობით ინფრასტრუქტურულ პროექტზე და ამავდროულად, გამოირჩევიან განსაკუთრებული შელახული რეპუტაციით მთელი მსოფლიოს მასშტაბით. ჩვენ განვიხილავთ საქართველოში მათ მიერ განხორციელებულ პროექტებში არსებულ დარღვევებს. კერძოდ:

? გარემოსდაცვითი კანონმდებლობის დარღვევას;

? შრომითი უფლებების დარღვევას;

? სახელშეკრულებო პირობების და წესების დარღვევას.
ასევე, გთავაზობთ ამავე კომპანიებთან უცხოეთის ქვეყნების გამოცდილებას მაგალითების სახით, რათა ხაზი გავუსვათ კომპანიისთვის კონტრაქტების გაცემისას საქართველოს მთავრობაში გამოვლენილი არაკეთილსინდისიერების (Due Diligence) პრობლემას, კომპანიის შელახული რეპუტაციის იგნორირებასა და არასათანადო კვლევას

ANGARISHI-N3-geo-final

სამოქალაქო იდეა გიწვევთ დისკუსიაზე ჩვენს სომხეთ-აზერბაიჯანის განახლებული კონფლიქტის შესახებ ორივე ქვეყნიდან ექსპერტების მონაწილეობით.
რეგისტრაცია აუცილებელია.
დისკუსია წარიმართება რუსულ და ინგლისურ ენებზე
დისკუსიის ბმული

https://bit.ly/36vwZGp

„მოხარული ვარ, განვაცხადო სამოქალაქო იდეას ვირტუალური დემოკრატიის აკადემიასთან ჩემი შემდგომი თანამშრომლობის შესახებ! სტუდენტებს საშუალება ეძლევათ, პროფესიონალური ონლაინ ვიდეოების საშუალებით გაიღრმავონ ცოდნა დემოკტრატიული პრინციპებისა და პრაქტიკის შესახებ. ჩემთვის დიდი პატივია @თინათინხიდაშელთან და მის გუნდთან თანამშრომლობა!“ – ელენე სანდ ანდრესენი.

ქალაქ ბათუმში ჩატარდა „სამოქალაქო იდეას“ მიერ ორგანიზებული საგამოძიებო ჟურნალისტიკა და ღია წყაროებით კვლევის კურსი „გაიგე მეტი ან იქნები შემდეგი“.

• 

• 

• 

• 

• 

• 

ბათუმი1-1

აჭარა2-1

 

ქართული არასამთავრობო, ანალიტიკური ორგანიზაცია, სამოქალაქო იდეა, ბოლო სამი წელია იკვლევს და აკვირდება ჩინეთის საქმიანობას საქართველოში. მისი ხელმძღვანელი, საქართველოს თავდაცვის ყოფილი მინისტრი, თინათინ ხიდაშელი აცხადებს, რომ ქვეყანაში ჩინეთის სახალხო რესპუბლიკის ძალის არაკონტროლირებადი და გაუწონასწორებელი ზრდა, საფრთხეს უქმნის, საქართველოს ეროვნული უსაფრთხოებასა და დემოკრატიულ განვითარებას. დღეს წარმოგიდგენთ ჩვენს მორიგ კვლევას:

„ვინ განსაზღვრავს ცივი ომის შემდგომი მსოფლიოს დღის წესრიგს?

ჩინეთის გავლენის ოპერაციები აკადემიაში, მედიასა & არასამთავრობო სექტორში: საქართველოს მაგალითი“

2020 წლის შემოდგომაზე, ჩვენ კიდევ რამდენიმე ანგარიშს გამოვაქვეყნებთ ჩინეთის გავლენებსა და ძალაზე, ასევე განვიხილავთ კორუფციად საშიშ საქმეებს, სადაც ერთმნიშვნელოვნად ჩანს ქართული სახელმწიფოს სისუსტე და მყიფე ხასიათი. მეტიც, 

მომდევნო ანგარიშებში დავინახავთ, რომ სახელისუფლებო წრეების მრავლობითი წარმომადგენლები ჩვეულებრივ კორუფციულ გარიგებებსა და სქემებში მონაწილეობენ, ზოგჯერ პირადი სარგებლის მიღების მიზნით, ზოგჯერ კი უნებურად ინსტიტუციური სიმყარის არარსებობისა და კანონის უზენაესობის ნაკლებობის გამო.

წინამდებარე ანგარიშში გთავაზობთ აკადემიურ სფეროში, მედიასა და საქართველოს სამოქალაქო საზოგადოების ორგანიზაციებში, ჩინეთის სახალხო რესპუბლიკის, და შესაბამისად ჩინეთის კომუნისტური პარტიის, პოლიტიკური გავლენების საკითხის კვლევას.

ანგარიშში თქვენ ნახავთ ფაქტებს და მტკიცებულებებს იმის შესახებ, რომ საქართველოს წამყვანი უნივერსიტეტები 2018 წლიდან ინტენსიურად თანამშრომლობენ ჩინეთის ისეთ სასწავლო დაწესებულებებთან, რომლებიც უსაფრთხოების მაღალი რისკების გათვალისწინებით ყველაზე უფრო მაღალი რისკის მატარებელ ინსტიტუტებად არიან მიჩნეული თავდაცვისა და უსაფრთხოების სფეროში და მაგალითად აშშ-ს კომერციის დეპარტამენტს შავ სიაში ყავს შეყვანილი. თავისთავად ის ფაქტი, რომ ქვეყანა ერთი მხრივ ნატოსკენ მიდის, ხოლო მეორეს მხრივ ჩინეთის სახალხო განმათავისუფლებელ არმიასთან აფელირებულ მაღალი რისკის ინსტიტუტებთან არის დაკავშირებული, სერიოზული რისკის მატარებელია. 

ანგარიშში ნახავთ მრავლობით ფაქტებსა და მტკიცებულებებს იმის შესახებ, რომ არ არსებობს არავითარი წინასწარი შესწავლის დოკუმენტები, სუსის ანგარიში ან რაიმე სხვა, ჩვენი პარტნიორი სახელმწიფოების მიერ ან შავ სიაში შეყვანილი, ან მაღალი რისკის მატარებელი დაწესებულებებისა და კომპანიების თაობაზე, რომელიც სარეკომენდაციო ხასიათის მაინც იქნებოდა საქართველოს ფიზიკური, თუ იურიდიული პირებისთვის, ჩინეთში პარტნიორების ძიების პროცესში. შესაბამისად, სახელმწიფოს პრაქტიკულად სრულად აქვს მოხსნილი პასუხისმგებლობა უსაფრთხოების იმ რისკების მიმართ, რომელზეც დღეს მთელი ცივილიზებული მსოფლიო შეთანხმებულია.

ამის კარგი მაგალითია კონფუცის ინსტიტუტები, რომლებიც ევროპის და ამერიკის უმაღლეს სასწავლებლებში ერთმანეთის მიყოლებით იხურება, ხოლო ჩვენთან აღმავლობის ფაზაშია, ასევე ჰუავეისა და სხვა ჩინური გიგანტი ტექნოლოგიების კომპანიების საქმიანობა, ტიკტოკი რომელის თაობაზეც საზოგადოების გაფრთხილებისა და ინფორმირების ნაცვლად ყოფილი პრემიერის, მისი ოჯახის წევრებისა და ხელისუფლების სხვა წარმომადგენლების აქტივობებს შეგიძლიათ ადევნოთ თვალი.

დღეს ჩინეთის საქმიანობა საქართველოში პირდაპირი, ხილული და მყისიერი საფრთხის შემცველი არ არის, თუმცა რესპექტაბელური და ავტორიტეტული ორგანიზაციების, ჩვენი პარტნიორი ქვეყნების უსაფრთხოების სამსახურების, ევროკავშირის მრავლობითი ორგანიზაციების კვლევების, რეკომენდაციებისა და გადაწყვეტილებების იგნორირება საქართველოს ხელისუფლების მხრიდან კიდევ ერთი ნათელი მაგალითია მყარი საგარეო ორიენტირების მოშლისა და ქვეყნის განვითარების და გრძელვადიანი წარმატების შესახებ ბუნდოვანი ხედვის თაობაზე.

თინათინ ხიდაშელის ბრიფინგი – ჩინეთის გავლენის ოპერაციები საქართველოში: https://bit.ly/2Z3sbDr

20 აგვისტოს, ქალაქ ბათუმში გიორგი მასალკინის წიგნის – „საქართველოს პოლიეთნიკურობა და პოლირელიგიურობა: საფრთხე თუ გასაფრთხილებელი მონაპოვარი“ პრეზენტაცია გაიმართა. წიგნი გამოიცა ორგანიზაცია „სამოქალაქო იდეა“-ს დემოკრატიის ვირტუალური აკადემიის ბიბლიოთეკის მიერ.
იხილეთ პრეზენტაციის სრული ვიდეო და წიგნის ელ. ვერსია ?

• 

• 

• 

გიორგი მასალკინის წიგნის ელ. ვერსია ?

საქართველოს-პოლიეთნიკურობა-და-პოლირელიგიურობა-საფრთხე-თუ-გასაფრთხილებელი-მონაპოვარი

გიორგი მასალკინის წიგნის პრეზენტაციის სრული ვიდეო ?