კვლევა

გიზიარებთ „სამოქალაქო იდეას“ ახალი კვლევას: “ერთ ენაზე მოლაპარაკე პროპაგანდა: ‘Sputnik საქართველო” კრემლისა და პეკინის ინტერესების სამსახურში”. 

ანგარიში აანალიზებს, როგორ აშუქებდა კრემლთან დაკავშირებული მედია პლატფორმა “Sputnik საქართველო“ ანაკლიის ღრმაწყლოვანი პორტის პროექტს 2015-2025 წლებში და რა ნარატივებით ცდილობდა საზოგადოებრივი აზრის ფორმირებას.

კვლევა ეფუძნება ასობით სტატიის, ვიდეოგრაფიკისა და საჯარო კომენტარის მონიტორინგს და აჩვენებს, რომ ანაკლიის პორტი „სპუტნიკისთვის“ არ ყოფილა მხოლოდ ეკონომიკური ან ინფრასტრუქტურული საკითხი. ის გამოყენებულია როგორც გეოპოლიტიკური გავლენისა და საინფორმაციო მანიპულაციის ინსტრუმენტი, სადაც პროექტის გარშემო სისტემურად იქმნებოდა კონკრეტული პოლიტიკური სურათი.

მთავარი მიგნებები: 

• სამთავრობო, პრორუსული და პრო-ჩინური ნარატივების ერთიანი კონსტრუქცია: „სპუტნიკ საქართველო“ ქმნის ჰიბრიდულ საინფორმაციო ჩარჩოს, სადაც „ქართული ოცნების“ შეხედულებები სრულ თანხვედრაშია რუსული საგარეო პოლიტიკის ინტერესებთან და პარალელურად ემსახურება ჩინეთის ინტერესებსაც. ანაკლიის პორტი ერთ-ერთ საკვანძო თემად არის გამოყენებული.
• ანაკლიის პორტის საკითხის დასავლეთ-აღმოსავლეთის გეოპოლიტიკური დაპირისპირების ჭრილში წარმოჩენა: მედია თემას სისტემატურად აყალიბებს როგორც აშშ-ის გავლენების „შემზღუდავ“ პრაქტიკას, ხოლო ჩინურ ინვესტიციებს წარმოაჩენს საქართველოს „სუვერენული არჩევანის“, განვითარების შესაძლებლობისა და გეოეკონომიკური ალტერნატივის გზად. თუმცა, ფორმირებული საინფორმაციო ჩარჩო იმეორებს კრემლის სტრატეგიულ ნარატივს, რომლის თანახმადაც „პროექტის მუდმივად გადადება, მის არასანდოობაზე მიუთითებს“.
• დასავლეთის ოპოზიციის, არასამთავრობო სექტორისა და კრიტიკოსების დისკრედიტაცია:  სპუტნიკი“ იყენებს აგრესიულ, ირონიულ და ნეგატიურ ტონს ქართული ოპოზიციის, არასამთავრობო სექტორის, ამერიკის ელჩის, ამერიკელი კონგრესმენებისა თუ სხვა დასავლელი კრიტიკოსების წინააღმდეგ, რაც ემსახურება პერსონალური რეპუტაციისა და ნდობის შემცირებას. მასალების (2015–2025) ანალიზი ცხადყოფს, რომ „სპუტნიკი“ წლების განმავლობაში მანიპულირებდა ანაკლიის პორტის თემით რუსული ინტერესების თვალთახედვით, რაც კიდევ ერთხელ მიუთითებს პლატფორმის სტრატეგიულ და არა ეპიზოდურ საინფორმაციო მოქმედებაზე.