იმ ორგანიზაციებს, რომლებსაც „აგენტების კანონი“ ეხებათ, რეესტრში ნებაყოფლობითი რეგისტრაციის ვადა უცხოური ძალის ინტერესების გამტარებლის სტატუსით ერთ თვეში ეწურებათ 
რა გეგმა აქვთ ორგანიზაციებს? რადიო თავისუფლების სიუჟეტი
დარეგისტრირდებიან თუ არა ორგანიზაციები „აგენტების რეესტრში“? რადიო თავისუფლების სიუჟეტი Read More »
საქართველოსა და ჩინეთის სახალხო რესპუბლიკას შორის გაფორმებულ სტრატეგიული პარტნიორობის შეთანხმების შემდეგ, ერთი წელია გასული.
წარმოგიდგენთ, პირველი შედეგების მოკლე ანალიზს, სადაც კარგად ჩანს “ქართული ოცნების” სიცრუეზე დაფუძნებული პროპაგანდა, რომლითაც ცდილობენ ჩინეთის უპირატესობის წარმოჩენას აშშ-სთან შედარებით.
დამატებითი ინფორმაციისთვის გთხოვთ იხილოთ სრული ანგარიში 👇
„სამოქალაქო იდეას“ ახალი ანგარიში: „საქართველოს საინვესტიციო ლანდშაფტი: ჩინური და დასავლური ინვესტიციების შედარებითი ანალიზი (2018-2023 წწ)“.
ანგარიში იკვლევს 2018-2024 წლებში საქართველოში ჩინეთის სახალხო რესპუბლიკის ინვესტიციების რეალურ წილს. დოკუმენტი ადგენს, რომ პეკინის ეკონომიკური ჩართულობა არ შეესაბამება ოფიციალური პირების განცხადებებს – 2010 წლიდან მოყოლებული, ჩინეთის მიერ საქართველოში განხორციელებული პირდაპირი უცხოური ინვესტიციები 700 მლნ აშშ დოლარსაც კი არ აღემატება. გარდა ამისა, შედარებითი ანალიზის მიხედვით, პანდემიის შემდგომ პერიოდში, აშშ-ს, გაერთიანებული სამეფოსა და ნიდერლანდების საინვესტიციო ჩართულობა მზარდი ტემპით ხასიათდება. მცირე ეკონომიკის მქონე ევროკავშირის წევრმა ქვეყნებმაც კი, როგორიცაა მალტა, საქართველოში უფრო მეტი პირდაპირი უცხოური ინვესტიციები განახორციელეს, ვიდრე ჩინეთმა.
დამატებითი ინფორმაციისთვის გთხოვთ იხილოთ სრული ანგარიში 👇
„სამოქალაქო იდეა“ გიზიარებთ ანგარიშს – „შუა დერეფანი: ტრანსკასპიის საერთაშორისო მარშრუტი რუსეთის გვერდის ავლით.“
გეოპოლიტიკური ცვლილებების და რუსეთში გამავალი სავაჭრო მარშრუტის ჩანაცვლების საჭიროების გათვალისწინებით, ანგარიში აქცენტს აკეთებს ტრანსკასპიის საერთაშორისო მარშრუტის (TITR) აღდგენის ტენდენციაზე.
დოკუმენტში მიმოხილულია აღნიშნული ინიციატივის ეკონომიკური სარგებელი და ისეთი მთავარი მოთამაშეების როლი, როგორებიცაა ჩინეთის სახალხო რესპუბლიკა და დასავლური ინსტიტუტები. გარდა ამისა, ანგარიშში გამოკვეთილია ის ინფრასტრუქტურული და ლოჯისტიკური გამოწვევები, რომელთა აღმოფხვრაც შუა დერეფნის სრული პოტენციალის რეალიზებისთვისაა საჭირო.
დამატებითი ინფორმაციისთვის გთხოვთ იხილოთ სრული ანგარიში:👇
2024 წლის 14 ივნისს, სამოქალაქო იდეას უფროსმა მკვლევარმა, ანი კინწურაშვილმა, მონაწილეობა მიიღო RISS-ის კონფერენციაში სახელწოდებით, “უკრაინის ომის გავლენა რუსეთ-ჩინეთის ძალთა დინამიკაზე ცენტრალურ აზიაში”. ღონისძიება გაიმართა შერატონ გრანდ თბილისი მეტეხი პალასში.
კონფერენციის ძირითად თემას წარმოადგენდა რუსეთ-უკრაინის ომის დაწყების შემდგომ ცენტრალურ აზიაში მოსკოვის გავლენის ცვლილება, რეგიონის მიერ უსაფრთხოების გარანტორი ალტერნატიული პარტნიორების ძებნა, ჩინეთის ეკონომიკური გავლენა და მისი კონკურენცია რუსეთთან.
კონფერენცია „უკრაინის ომის გავლენა რუსეთ-ჩინეთის ძალთა დინამიკაზე ცენტრალურ აზიაში“ პროექტის ფარგლებში ჩატარდა, უსაფრთხოების კვლევების რეგიონალური ინსტიტუტის მიერ (RISS), რუსეთის სტრატეგიული ინიციატივის (RSI) მხარდაჭერით.
ანი კინწურაშვილმა პანელზე ისაუბრა უკრაინის ომის დაწყების შემდგომ ჩინეთ-რუსეთის მზარდი ურთიერთობებისა და ცენტრალური აზიის ქვეყნებზე მათი გავლენის შესახებ.
სამოქალაქო იდეამ მონაწილეობა მიიღო RISS-ის კონფერენციაში Read More »
2024 წლის 29 მაისი, საქართველოს ეკონომიკისა და მდგრადი განვითარების მინისტრის, ლევან დავითაშვილის მიერ გამართულ ბრიფინგზე ცნობილი გახდა, რომ ანაკლიის პორტის მშენებლობის პროექტთან დაკავშირებით საჯარო და კერძო პარტნიორის შერჩევის კონკურსში რამდენიმე დღეში გამარჯვეულად ჩინურ-სინგაპურული კონსორციუმი China Communication Construction Company Limited და China Harbour Investment გამოცხადდება.
გიზიარებთ მოკლე მიმოხილვას იმასთან დაკავშირებით თუ რა ეტაპებისა და პროცედურებისგან შედგება პორტის მშენებლობის პროექტი, რა გამოცდილება არსებობს საერთაშორისო ბაზარზე პოტენციურად გამარჯვებულ კომპანიასთან დაკავშირებით, რა რეპუტაცია აქვს მას და რა გავლენას ახდენს საქართველოს მთავრობის ეს გადაწყვეტილება ქვეყნის ინტერესებსა და ევროატლანტიკური ინტეგრაციის გზაზე.
დეტალური ინფორმაციისთვის იხ. დოკუმენტი:
ანაკლიის პორტი – საგარეო პოლიტიკური კურსის ცვლილების მორიგი ნაბიჯი Read More »
„სამოქალაქო იდეა“ გიზიარებთ ანგარიშს „ჩინეთის საკრედიტო პოლიტიკის ხაფანგების“ შესახებ.
ანგარიშში აღწერილია ჩინეთის სახელმწიფო ინსტიტუტებთან ხელმოწერილი საკრედიტო ხელშეკრულებების ის ძირითადი პუნქტები, რომლებიც ჩინეთის ვალის ხაფანგის დიპლომატიის საფუძველს წარმოადგენს. კვლევის ფარგლებში მიმოხილულია კონკრეტული ქვეყნების შემთხვევები, რომლებიც საკრედიტო პოლიტიკის ხაფანგების გამო ვალის გადახდის პრობლემის წინაშე დგანან.
ჩინეთის-საკრედიტო-პოლიტიკის-ხაფანგებიჩინეთის საკრედიტო პოლიტიკის ხაფანგები Read More »
„სამოქალაქო იდეა“ წარმოგიდგენთ მოკლე მიმოხილვას „ჩინეთის საიდუმლო კიბერთავდასხმების“ შესახებ.
დოკუმენტი მიმოიხილავს აშშ-სა და დიდი ბრიტანეთის დემოკრატიული ინსტიტუტების წინააღმდეგ გასულ წლებში განხორციელებულ კიბერშეტევებს. ანგარიშში, აშშ-ს სასამართლოს საბრალდებო აქტის შესაბამისად, აღწერილია კიბერთავდასხმებში ეჭვმიტანილი პირების მოქმედების ტაქტიკა და ხაზგასმულია მათი კავშირები ჩინეთის კომუნისტურ პარტიასთან.
ჩინეთის-საიდუმლო-კიბერთავდასხმებიჩინეთის საიდუმლო კიბერთავდასხმები Read More »
„სამოქალაქო იდეა“ გიზიარებთ ჩინეთთან დაკავშირებული კომპანიების მონიტორინგის ფარგლებში განხორციელებულ კიდევ ერთ კვლევას: “ჩინეთის კორპორაციული ძალის თამაში: Guizhou Provincial Highway Engineering Group Co და ჩინეთის ეროვნული ტექნიკური იმპორტისა და ექსპორტის (CNTIC) კორპორაცია საქართველოში და მის ფარგლებს გარეთ.“ ანგარიში იმ ორ ჩინეთის სახელმწიფო საკუთრებაში არსებულ კომპანიების დარღვევებს მიმოიხილავს, რომელიც ერთობლივი საწარმოს სახით რიკოთის შემოვლითი გზის ერთ-ერთ მონაკვეთს აშენებს. კვლევა აღწერს როგორც მათ აქტივობებს საქართველოს ბაზარზე, ასევე სხვადასხვა ქვეყნის გამოცდილებებს ჩინეთის ეროვნული ტექნიკური იმპორტისა და ექსპორტის კომპანიასთან დაკავშირებით.
დამატებითი ინფორმაციისთვის გთხოვთ იხილოთ სრული ანგარიში: 👇
