ცესკოს კონტრაქტორი კომპანიის „სმარტმატიკის“ საერთაშორისო სკანდალები Read More »
დონალდ ტრამპმა ჩინეთის მიმართ სიმკაცრით გამორჩეული მარკო რუბიო სახელმწიფო მდივნად წარადგინა. Reuters-ის მიხედვით ეს პეკინისთვის მინიშნებაა რომ ჩინეთთან მიმართებით ახალი ადმინისტრაციის ხისტი პოლიტიკა შესაძლოა გასცდეს ტარიფების და მოიცვას უფრო მკაცრი ინსტრუმენტები.
მოსალოდნელია, რომ რუბიოს კანდიდატურას სენატი მხარს ადვილად დაუჭერს. რუბიოს სენატში მაღალი თანამდებობები უჭირავს საგარეო ურთიერთობათა და დაზვერვის კომიტეტებში.
რუბიო, რომელიც სენატის ბიოგრაფიაში აღწერილია, როგორც „წამყვანი პირი ჩინეთთან ურთიერთობების რებალანსირების საკითხში“, ჩინეთის ეკონომიკური პრაქტიკის წამყვანი კრიტიკოსია. ჩინური მედია მას ხშირად “ანტი-ჩინეთის პიონერად” მოიხსენიებს. ჩინეთის ინდუსტრიული პოლიტიკის შესახებ თავის ბოლო ანგარიშში, რუბიო წერს, რომ „ქურდობის, ბაზრის დამმახინჯებელი სუბსიდიების და სტრატეგიული დაგეგმვის გზით, პეკინი ახლა ლიდერობს ბევრ ისეთ ინდუსტრიაში, რომელიც 21-ე საუკუნეში გეოპოლიტიკურ უპირატესოაბს განსაზღვრავს“.
დევიდ ფაირსტეინი, ჩინეთის საკითხებში გამოცდილი ყოფილი ამერიკელი დიპლომატი ამბობს: “რუბიოს გულით სჯერა, რომ ჩინეთი შეერთებული შტატების მტერია”. ფაირსტეინის აზრით, „ეს რწმენა განსაზღვრავს ყველაფერს, რასაც გააკეთებს ჩინეთის მიმართულებით“.
ჩინეთთან დაკავშირებული ერთ-ერთი მნიშვნელოვანი საკითხი, რომელზეც რუბიო ყურადღებას ამახვილებს, არის სახალხო რესპუბლიკაში ადამიანის უფლებებთან დაკავშირებული მდგომარეობა. იგი უიღურების იძულებითი შრომის პრევენციის აქტის (The Uyghur Forced Labor Prevention Act) ერთ-ერთი მხარდამჭერი იყო. აქტი ითვალისწინებდა აშშ-ში ჩინური პროდუქციის იმპორტის აკრძალვას, ჩინეთში მუსლიმი უმცირესობების უფლებების დარღვევის საპასუხოდ. სწორედ უიღურებთან დაკავშირებული ღია პოზიცია იყო ერთ-ერთი მიზეზი იმისა, რომ ჩინეთმა რუბიო 2020 წელს დაასანქცირა.
საინტერესოა, რომ რუბიო პეკინის მხრიდან ორჯერ იყო სანქციების სამიზნე. 2020 წელს სახალხო რესპუბლიკამ რუბიოს, ჰონგ კონგის დემონსტრაციების მხარდაჭერის გამო, სანქციები დაუწესა. რუბიო იქნება აშშ-ს პირველი სახელმწიფო მდივანი, რომელიც ექვემდებარება აქტიურ სამოგზაურო შეზღუდვებს ჩინეთის მხრიდან. აღსანიშნავია, რომ რუბიო, თავის მხრივ, ითხოვდა აშშ-ს სავიზო სანქციებს ჩინელი ოფიციალური პირების მიმართ. 2023 წელს რუბიო მოუწოდებდა სახელმწიფო დეპარტამენტს აეკრძალა აშშ-ს მიერ სანქცირებული ჰონგ კონგის აღმასრულებელი ლიდერის, ჯონ ლისთვის სან ფრანცისკოში აზია-წყნარი ოკეანის ეკონომიკური თანამშრომლობის (Asia-Pacific Economic Cooperatian Summit) სამიტზე დასასწრებად ჩასვლა.
საყურადღებოა, რომ გასული წლების განმავლობაში, რუბიო ჩინეთს აშშ-ს ეროვნული უსაფრთხოებისთვის საფრთხედ მიიჩნევდა. იგი იყო ერთ-ერთი წამყვანი პირი ჩინური ბატარეების კომპანია, CATL-ის შავ სიაში შეყვანის მცდელობაში. რუბიო მხარს უჭერდა ჩინეთში ინვესტიციების მქონე ამერიკული კომპანიებისთავის საგადასახადო ბენეფიტების შეზღუდვას და ამერიკული ტექნოლოგიების ჩინეთში ექსპორტირებაზე შეზღუდვების გამკაცრებას.
საინტერესოა, რომ რუბიო ჩინეთს ადანაშაულებდა უკრაინის კონფლიქტის ხელშეწყობაში, რადგან რუსეთის თავდასხმას თვლიდა ჩინური სტრატეგიის ნაწილად, რომელიც არსებული მსოფლიო წესრიგის “მოსკოვ-პეკინის ღერძით” ჩანაცვლებას ისახავს მიზნად. ამიტომ, ის მხარს უჭერდა ისეთ საკანონმდებლო ინიციატივებს, რომლებიც ჩინეთის პოლიტიკური თუ ეკონომიკური გავლენის შემცირებას ითვალისწინებდა.
ტრამპის დასახელებული სახელმწიფო მდივნის მტკიცე მხარდაჭერა ტაივანის მიმართ შესაძლოა განსაკუთრებით არასასიამოვნო იყოს პეკინისთვის. რუბიო მხარს უჭერდა თავისუფალი ვაჭრობის შეთანხმებას და შეუზღუდავ ურთიერთობებს აშშ-სა და ტაივანის ოფიციალურ პირებს შორის. ანალიტიკოსები ვარაუდობენ, რომ ტაივანი ტრამპის პრეზიდენტობის პერიოდში აშშ-სგან უფრო მეტ იარაღს შეისყიდის, ვიდრე აქამდე და რუბიოს სახელმწიფო დეპარტამენტისგან სავარაუდოდ ხელსაყრელ პირობებსაც მიიღებს.
ჩინეთის საელჩოს ვაშინგტონში არ გაუკეთებია კომენტარი რუბიოს სახელმწიფო მდივნის თანამდებობაზე დასახელებაზე. ამასთან, საელჩოს სპიკერმა ლიუ პენგიუმ იმედი გამოთქვა, რომ პეკინი იმუშავებს ახალ ადმინისტრაციასთან, რათა ხელი შეუწყოს ურთიერთობების განვითარებას “სტაბილური, ჯანსაღი და მდგრადი მიმართულებით”.
ჩინეთის მიმართ ხისტი პოლიტიკით გამორჩეული მარკო რუბიო აშშ-ს სახელმწიფო მდივნად დასახელდა Read More »
აშშ-ს 2024 წლის საპრეზიდენტო არჩევნებში გამარჯვებულმა დონალდ ტრამპმა სამთავრობო კაბინეტის უმაღლეს პოზიციებზე წარადგინა კანდიდატები, რომლებიც ჩინეთთან დაკავშირებით მკვეთრად გამოხატული ხისტი შეხედულებებით გამოირჩევიან. ჯონ რატკლიფი, პიტ ჰეგსეთი და მაიკლ უოლცი დაიკავებენ მაღალ თანამდებობებს ეროვნული უსაფრთხოების სფეროში. სამივე მათგანი ჩინეთს აშშ-ს მთავარ გეოპოლიტიკურ გამოწვევად მიიჩნევს.
ეროვნული უსაფრთხოების საკითხებში მაიკლ უოლცის მრჩევლად დანიშვნა “ძლიერი ნიშანია იმისა, რომ ტრამპის საგარეო პრიორიტეტი უპირველეს ყოვლისა ჩინეთზე იქნება ფოკუსირებული”, ამბობს ნილ ტომასი, აზიის პოლიტიკის ანალიტიკური ცენტრის (Asia Society Policy Institute’s Center for China Analysis) სამეცნიერო საზოგადოების წევრი. ტომასის თქმით, მიუხედავად იმისა, რომ უახლოეს პერიოდში ფოკუსირება მოხდება საზღვარგარეთ არსებული შეიარაღებული კონფლიქტების აღმოფხვრაზე, “მომდევნო ოთხი წლის განმავლობაში ჩინეთი მთავარი აქცენტია”.
მაიკლ უოლცი ჩინეთის დიდი კრიტიკოსია. ის ემხრობა ჩინეთის მიმართ უფრო აგრესიული საგარეო პოლიტიკის გატარებას. კონგრესმენი 2022 წელს პეკინში ზამთრის ოლიმპიურ თამაშებში აშშ-ს მონაწილეობას ეწინააღმდეგებოდა. ბოიკოტის იდეის მიზეზი იყო მისი ხედვა, რომ ჩინეთმა, პანდემიის აფეთქების დროს, დამალა ინფორმაცია კოვიდ 19-ის შესახებ. 2021 წელს უოლცი ამტკიცებდა, “რომ ამერიკა ცივ ომშია ჩინეთის კომუნისტურ პარტიასთან”.
მნიშვნელოვანია, რომ უოლცი მტკიცედ უჭერს მხარს ტაივანის დამოუკიდებლობას. 2024 წლის მაისში მრჩევლობის კანდიდატმა X-ზე დაწერა: “უნდა გავითვალისწინოთ უკრაინის გამოცდილება და ყურადღება გავამახვილოთ ჩინეთის კომუნისტური პარტიიდან წამოსულ საფრთხეზე. მივაწოდოთ იარაღი ტაივანს ახლა, სანამ გვიანი არ არის”.
აღსანიშნავია, რომ აშშ, ისევე როგორც სახელმწიფოების უმეტესობა, ოფიციალურად არ ცნობს ტაივანის დამოუკიდებლობას, თუმცა მისთვის იარაღის ყველაზე დიდი მიმწოდებელია. აღსანიშნავია, რომ 2022 წელს უოლცმა გამოხატა შეშფოთება კანადა-ჩინეთის ბიზნეს გარიგების შესახებ. გარიგების პირობების მიხედვით, ჩინეთის სახელმწიფო კომპანიამ ჩაიბარა კანადური ლითიუმის მომპოვებელი კომპანია. უოლცმა ბაიდენის ადმინისტრაციას პასუხი მოსთხოვა, იცოდნენ თუ არა პოტენციური გარიგების შესახებ, და, თუ კი, რატომ დასთნხმდნენ მას. უოლცმა განაცხადა, რომ არსებობს ეროვნული საფრთხე, რადგან ის მიიჩნევს, რომ “ჩინეთის კომუნისტური პარტია სულ უფრო სახიფათო და მუქარის შემცველი ხდება“.
50 წლის გადამდგარი არმიის მწვანე ბერეტი და ეროვნული გვარდიის პოლკოვნიკი, რომელიც ცნობილია „ჩინეთის ქორის“ მკაცრი პოზიციით, ხელმძღვანელობას გაუწევს სტრატეგიების შემუშავებას, რომელიც მიმართული იქნება ჩინეთის მნიშვნელოვანი სამხედრო გაძლიერების წინააღმდეგ – სწორედ ეს იყო ტრამპისა და მისი გუნდის მთავარი აქცენტი წინასაარჩევნო პერიოდში.
ამასთან ერთად, 2020 წელს მაიკ უოლცი იყო ერთ-ერთი კონგრესმენი, რომელიც ბიძინა ივანიშვილისთვის, როგორც „ვლადიმერ პუტინის ახლო მოკავშირისთვის“, სანქციების დაწესებას ითხოვდა.
„არსებული სანქციები საკმარისად არ მიემართება [რუსეთის პრეზიდენტი ვლადიმერ] პუტინის მარიონეტებს, რომლებიც ძირს უთხრიან ყოფილ საბჭოთა ქვეყნებს. ბიძინა ივანიშვილი, უმდიდრესი ადამიანი საქართველოში, არის ახლო მოკავშირე ვლადიმერ პუტინისა და ჩართულია რუსეთის სასარგებლოდ საქართველოს დესტაბილიზაციაში“, – ნათქვამია 2020 წლის ანგარიშში, რომლის ერთ-ერთი ავტორიც მაიკ უოლცია
უოლცმა უკვე ურჩია შტატებს, მეტი სიფრთხილით მოეკიდონ რეგიონში პოტენციურ კონფლიქტს, რომელიც შეიძლება გამოწვეული იყოს ჩინეთის უწყვეტი ქმედებებით აზია-წყნარ ოკეანეთში.
ეროვნული უსაფრთხოების საკითხებში მრჩეველი იკავებს უაღრესად გავლენიან პოზიციას, რომელიც არ საჭიროებს სენატის მხრიდან დადასტურებას. უოლცის პასუხისმგებლობა მოიცავს ტრამპის ინსტრუქტაჟს ეროვნული უსაფრთხოების არსებით საკითხებზე და სხვადასხვა უწყებას შორის კოორდინაციის უზრუნველყოფას.
“სამოქალაქო იდეა” მოხარულია გაგიზიაროთ სინო-ქართული აკადემიური ურთიერთობების მონიტორინგის ანგარიში, “სინო-ქართული სტრატეგიული პარტნიორობა: თანამშრომლობა განათლების სფეროში”.
ანგარიშში მიმოხილულია საქართველოსა და ჩინეთს შორის არსებული საგანმანათლებლო თანამშრომლობა და ხაზგასმულია 2023 წლის ჩინეთ-საქართველოს სტრატეგიული პარტნიორობის შეთანხმების ფარგლებში განვითარებული მნიშვნელოვანი მოვლენები. პარტნიორობა მიზნად ისახავს გააძლიეროს აკადემიური კავშირები, ხელი შეუწყოს გაცვლით პროგრამებს და მხარი დაუჭიროს ჩინური ენისა და კულტურის ინიციატივებს ქართულ საგანმანათლებლო დაწესებულებებში. გარდა ამისა, კვლევა ხაზს უსვამს ჩინური ინვესტიციების გავლენასა და მის როლს ქართული უმაღლესი განათლების ტრანსფორმაციაში. აღნიშნული ტენდენციის ნათელი მაგალითია “გურამ თავართქილაძის სასწავლო უნივერსიტეტის” ჩინური რებრენდინგი.
ანგარიშში, ასევე, განხილულია ისეთი პლატფორმების გავლენა, როგორიცაა სინომედია, რომელიც აქტიურად უწყობს ხელს ჩინურ საგანმანათლებლო ინიციატივებს, კონკურსებსა და ენის კურსებს საქართველოში. ჩინეთის უნივერსიტეტების ქართველი კურსდამთავრებულების მიერ შექმნილი ეს პლატფორმა მნიშვნელოვან როლს ასრულებს სინო-ქართულ თანამშრომლობასთან დაკავშირებული საგანმანათლებლო შესაძლებლობებისა და მიღწევების შესახებ ინფორმაციის გავრცელებაში.
სინო-ქართული სტრატეგიული პარტნიორობა: თანამშრომლობა განათლების სფეროში Read More »
უცხოური კომპანიები ვიეტნამში ჩიპების ტესტირებისა და შეფუთვის შესაძლებლობებს ზრდიან. Reuters-ის ცნობით დასავლეთისა და ჩინეთის დაძაბული ურთიერთობებიდან გამომდინარე, ინვესტორები ჩინეთიდან წარმოების ნაწილის გატანის მიზნით, ალტერნატივებს ეძებენ.
ნახევარგამტარების წარმოების სექტორში ამჟამად ჩინეთი და ტაივანი დომინირებენ, თუმცა ვიეტნამი, ამ კუთხით, ყველაზე სწრაფად განვითარებად ქვეყნებს შორისაა.
ნახევარგამტარების მწარმოებელი საერთაშორისო კომპანიის, “Hana Micron”-ის ვიცე პრეზიდენტი ვიეტნამში, ჩო ჰიუნგ რეი Reuters-თან ამბობს რომ კომპანია სამხრეთ აღმოსავლეთ აზიის ამ ქვეყანაში გაფართოვდა იმ მომხმარებლების მოთხოვნის საპასუხოდ, რომლებიც ცდილობენ წარმოების ნაწილი ჩინეთიდან გაიტანონ.
სამხრეთ კორეული კომპანია მეხსიერების ჩიპების შეფუთვის ოპერაციებისთვის $903.49 მილიონი დოლარის ინვესტირებას გეგმავს ვიეტნამის ბაზარზე, ხოლო აშშ-ში არსებულმა კომპანია Amkor Technology-მ წინა წელს 1.6 მილიარდ დოლარიანი გეგმა წარადგინა, რომელიც უახლესი სტანდარტების საწარმოს მშენებლობას ითვალისწინებს ნახევრგამტარების წარმოების სფეროში.
ვიეტნამის შესაძლებლობის ზრდა ჩიპების წარმოების Back-end (ჩიპების დამზადების პროცესში ლითონის გაყვანილობის ფორმირების ეტაპი) სეგმენტში ბაიდენის ადმინისტრაციისგან წახალისდა ვაშინგტონისა და პეკინის დაძაბული სავაჭრო ურთიერთობების ფონზე. 2023 წლის ივლისში აშშ-ს სახაზინო მდივანი ჯანეტ იელენი ეწვია ჰანოის პრემიერ მინისტრ ფემ მინი ჩინთან შესახვედრად და განიხილა აშშ-ვიეტნამის სავაჭრო და ეკონომიკური ურთიერთობების გაღრმავება; მან პირდაპირი მითითება გააკეთა ვიეტნამის კრიტიკულ როლზე ნახევარგამტარების ინდუსტრიაში და დაასახელა ამერიკული ნახევარგამტარების მწარმოებელი კომპანიები, რომლებსაც ვიეტნამში აქვთ ფილიალები. ნახსენებ კომპანიებს შორის იყო არიზონაში დაფუძნებული Amkor Technology-იც.
აშშ-ს ნახევარგამტარული ინდუსტრიის ასოციაციისა( US Semiconductor Industry Association) და ბოსტონის საკონსულტაციო ჯგუფის (Boston Consulting Group) მიხედვით, უცხოური კომპანიების დიდი ინვესტიციის შედეგად, 2032 წლისთვის ჩიპების აწყობის, ტესტირებისა და შეფუთვის გლობალურ ინდუსტრიაში, ვიეტნამის წილი 8-9% იქნება. ეს მონაცემი 2022 წელს 1% იყო.
წყარო : Reuters
ჩინური კომპანია, რომელიც ანაკლიის ღრმაწყლოვანი ნავსადგურის პროექტის პოტენციური კერძო პარტნიორია, მორიგ საერთაშორისო სკანდალში გაეხვია. სერბეთში კომპანიის მიერ რეაბილიტირებულ რკინიგზის სადგურში მომხდარ ინციდენტს 14 ადამიანის სიცოცხლე შეეწირა.
“რატომ არის „ქართული ოცნების“ სამიზნე „სამოქალაქო იდეა“, ძნელი მისახვედრი არ არის. არასამთავრობო ორგანიზაცია, სხვა საკითხებთან ერთად, იძიებს ოლიგარქებისა და რუსული & ჩინური ფულის როლს ქართულ პოლიტიკაში. მათ ცოტა ხნის წინ გამოაქვეყნეს ანაგარიში „ქართული ოცნების“ მთავარი დონორების შესახებ: ივანიშვილის მეგობრები, ძმები და ბიძაშვილები რომელთაგან ყველას აქვთ ბიზნეს კავშირები რუსეთთან” სტატიის ლინკი
„ჩვენ იმ უნიკალურ მომენტში ვართ, როდესაც ხელისუფლება გარდაქმნის ერის გეოპოლიტიკურ ორიენტაციას და დნმ-ს“, – განაცხადა თინა ხიდაშელმა, არასამთავრობო ორგანიზაცია „სამოქალაქო იდეის“ თავმჯდომარე და თავდაცვის ყოფილმა მინისტრმა”
„საქართველოს პროდასავლური კურსი ყოველთვის იყო გამონაკლისი რეგიონში“, – განაცხადა არასამთავრობო ორგანიზაცია „სამოქალაქო იდეის“ თავმჯდომარე და თავდაცვის ყოფილმა მინისტრმა თინა ხიდაშელმა. რა თქმა უნდა, ეს იქნება რუსეთის და ასევე ყველა სხვა ავტორიტარული სახელმწიფოს გამარჯვება, რომლებიც ჩვენს გვესაზღვრება”
„ჩვენ იმ უნიკალურ მომენტში ვართ, როდესაც ხელისუფლება გარდაქმნის ერის გეოპოლიტიკურ ორიენტაციას და დნმ-ს“, – განაცხადა თინა ხიდაშელმა, არასამთავრობო ორგანიზაცია „სამოქალაქო იდეის“ თავმჯდომარე და თავდაცვის ყოფილმა მინისტრმა.”
„მთავრობა ღიად დებს პირობას, რომ საქართველო გარდაიქმნება ერთპარტიულ სახელმწიფოდ – ეს არის უპრეცედენტო ნაბიჯი საქართველოს თანამედროვე ისტორიაში“, – განაცხადა თინა ხიდაშელმა, არასამთავრობო ორგანიზაცია „სამოქალაქო იდეის“ თავმჯდომარემ და თავდაცვის ყოფილმა მინისტრმა.”
სამოქალაქო იდეა საერთაშორისო მედიაში – #არჩევნები Read More »
“The wall street journal”-მა თავის სტატიაში, რომელიც საქართველოსა და მოლდოვას დემოკრატიულ პროცესებში რუსეთის ხელისშემშლელ პოლიტიკას ეხება, სამოქალაქო იდეა ახსენა:
“პროდასავლურმა ქართულმა არაკომერციულმა ორგანიზაცია “სამოქალაქო იდეამ” გამოაქვეყნა კვლევა, რომელშიც აღწერილია მმართველი პარტია “ქართული ოცნების” დონორების ვრცელი რუსული ფინანსური კავშირები.”“The wall street journal”-მა თავის სტატიაში სამოქალაქო იდეა ახსენა Read More »
Nuctech-მა ევროკავშირის წინააღმდეგ კომპანიის ინსპექტირებასთან დაკავშირებული ახალი სარჩელი შეიტანა.
ჩინურმა უსაფრთხოების კომპანია Nuctech-მა განაცხადა, რომ მან ევროსასამართლოს გადაწყვეტილება გაასაჩივრა. ევროსასამართლოს გადაწყვეტილებით, მისი წინა სარჩელი კომპანიის ინსპექტირების შეჩერების საკითხზე, არ დაკმაყოფილდა.
„ვთვლით, რომ სასამართლოს გადაწყვეტილება არ იყო დაფუძნებული საფუძვლიან სამართლებრივ განხილვაზე და, შესაბამისად, მან ვერ შეძლო უარის დამაჯერებელი ახსნა“, – განაცხადა Nuctech-მა. და სარჩელი ლუქსემბურგში, ევროპის მართლმსაჯულების სასამართლოში შეიტანა.
“Nuctech Europe-ი დაიცავს თავის უფლებებს და აცხადებს მზაობას ითანამშრომლოს ევროკომისიასთან აღნიშნულ საქმეზე. ჩვენ გვჯერა, რომ გასაჩივრების პროცესი ხელს შეუწყობს საქმეზე მეტად სამართლიანი და გონივრული გადაწყვეტილების მიღებას”, – აღნიშნა კომპანიის წარმომადგენელმა განცხადებაში.
Nuctech-მა თავდაპირველად ევროკომისიის წინააღმდეგ საქმე მისი ჰოლანდიისა და პოლონეთის ოფისების დარბევის გამო აღძრა, სადაც ამტკიცებდა, რომ არ არსებობდა დარბევის გამამართლებელი შესაბამისი მტკიცებულებები.
აღნიშნულ საქმეზე სასამართლომ დაადგინა, რომ ევროკომისიას აქვს უფლებამოსილება გამოიძიოს და ინფორმაცია მოითხოვოს ევროკავშირის ტერიტორიაზე მოქმედი ყველა ბიზნესისგან განურჩევლად იმისა ვინ ფლობს მას – ევროკავშირის წევრი თუ არაწევრი ქვეყნები, შეაფასოს მისი საქმიანობის ევროკავშირის კანონმდებლობასთან შესაბამისობა და აღკვეთოს პოტენციური კანონდარღვევა.
კომპანია Nuctech-ი აეროპორტებისა და პორტებისთვის სხეულისა და ბარგის სკანერებს მოწყობილობებს მსოფლიოს 170-ზე მეტ ქვეყანაში აწარმოებს. ის იმ ჩინურ კომპანიებს შორისაა, რომლებიც ამერიკის შეერთებული შტატების მთავრობამ შავ სიაში შეიყვანა, როგორც საფრთხის შემცველი კომპანია ქვეყნის ეროვნული უსაფრთხოებისთვის.
