Civicidea

ჩინეთის პრემიერი ტაჯიკეთის მთავრობის მეთაურსა და პრეზიდენტს შეხვდა

Newswire / /

ჩინეთის სახელმწიფო საბჭოს პრემიერ-მინისტრი ლი ციანი ტაჯიკეთში ოფიციალური ვიზიტის ფარგლებში ქვეყნის პრემიერ-მინისტრ კოხირ რასულზოდასა და პრეზიდენტ ემომალი რაჰმონს შეხვდა. მოლაპარაკებების მთავარი თემები ეკონომიკური თანამშრომლობის გაღრმავება, ერთობლივი პროექტები და რეგიონული უსაფრთხოება იყო.

18 ოქტომბერს რასულზოდასთან შეხვედრისას ლი ციანმა განაცხადა, რომ ჩინეთი მზადაა, ტაჯიკეთთან ერთად განავითაროს თანამშრომლობა „ერთი სარტყელი, ერთი გზის“ ინიციატივის ფარგლებში. მხარეებმა განიხილეს ვაჭრობისა და ინვესტიციების გაფართოება, ინფრასტრუქტურა, ენერგეტიკა, სოფლის მეურნეობა და ხელოვნური ინტელექტი. ჩინეთის პრემიერი ასევე მიესალმა ტაჯიკეთიდან მაღალი ხარისხის პროდუქციის იმპორტის გაზრდისა და ჩინური კომპანიების მიერ ქვეყანაში ინვესტიციების განხორციელების შესაძლებლობას.

19 ოქტომბერს ლი ციანი ტაჯიკეთის პრეზიდენტ ემომალი რაჰმონს შეხვდა. შეხვედრისას რაჰმონმა აღნიშნა, რომ ჩინეთი ტაჯიკეთის ერთ-ერთი უმნიშვნელოვანესი სავაჭრო და საინვესტიციო პარტნიორია.

როიტერის ცნობით ტაჯიკეთის პრეზიდენტთან შეხვედრისას ლიმ განაცხადა, რომ ქვეყნებმა უნდა გააღრმავონ თანამშრომლობა სამართალდამცავ და უსაფრთხოების სფეროებში და გააძლიერონ სადაზვერვო ინფორმაციის გაცვლა. მისი თქმით, ჩინეთმა და ტაჯიკეთმა ერთობლივად უნდა დაუპირისპირდნენ „სამ ბოროტ ძალას“ ტერორიზმს, სეპარატიზმსა და ექსტრემიზმს და ხელი შეუწყონ რეგიონული მშვიდობისა და სტაბილურობის შენარჩუნებას.

 შეხვედრაზე მხარეებმა ეკონომიკური ურთიერთობების გაღრმავებისა და ახალი ერთობლივი პროექტების განხორციელების საკითხები განიხილეს. ტაჯიკეთის პრეზიდენტის პრესსამსახურის ინფორმაციით, 2026 წლის იანვარ-აგვისტოში ორ ქვეყანას შორის სავაჭრო ბრუნვამ 2,5 მილიარდ აშშ დოლარს გადააჭარბა.

მხარეებმა თანამშრომლობის პრიორიტეტებად დაასახელეს მრეწველობა, ტრანსპორტი, ლოჯისტიკა, ენერგეტიკა და ინფრასტრუქტურა. ყურადღება ასევე დაეთმო თანამედროვე ტექნოლოგიებს, სამუშაო ადგილების შექმნასა და პროფესიული კადრების მომზადებას. ლი ციანმა ხაზი გაუსვა უსაფრთხოების სფეროში კოორდინაციის გაძლიერებისა და საერთაშორისო ორგანიზაციებში თანამშრომლობის მნიშვნელობას.

ლი ციანი ტაჯიკეთში ასევე მონაწილეობს შანხაის თანამშრომლობის ორგანიზაციის წევრი სახელმწიფოების მთავრობის მეთაურთა საბჭოს 25-ე სხდომაში. ტაჯიკეთის ვიზიტის შემდეგ, 20–22 ოქტომბერს, ის რუსეთს ეწვევა, სადაც ჩინეთისა და რუსეთის მთავრობათა მეთაურების 31-ე რეგულარული შეხვედრა გაიმართება.

ჩინეთის პრემიერი ტაჯიკეთის მთავრობის მეთაურსა და პრეზიდენტს შეხვდა Read More »

ჩინეთის საგარეო საქმეთა მინისტრმა და ისრაელის პრეზიდენტმა ბაქოში ახლო აღმოსავლეთში არსებული ვითარების პოლიტიკური მოგვარების აუცილებლობაზე ისაუბრეს.

Newswire / /

ჩინეთი ახლო აღმოსავლეთში კონფლიქტის პოლიტიკური გზით მოგვარების აუცილებლობაზე საუბრობს. ჩინეთის საგარეო საქმეთა მინისტრმა ვან იმ ისრაელის პრეზიდენტ ისააკ ჰერცოგთან შეხვედრისას დასავლეთ სანაპიროზე დასახლებების იძულებითი გაფართოების შეწყვეტისა და ამ პროცესის უკუქცევის აუცილებლობას გაუსვა ხაზი. შეხვედრა 15 ოქტომბერს, აზერბაიჯანის დედაქალაქ ბაქოში, აზიაში ურთიერთქმედებისა და ნდობის აღდგენის ღონისძიებების შესახებ კონფერენციის (CICA) სამიტის ფარგლებში გაიმართა.

ჩინეთის საგარეო საქმეთა სამინისტროს ინფორმაციით, შეხვედრა ჰერცოგის ინიციატივით შედგა. ისრაელის პრეზიდენტმა ვან ის ახლო აღმოსავლეთში არსებული ვითარების შესახებ თავისი ქვეყნის პოზიცია გააცნო. ჰერცოგის განცხადებით, ისრაელს მშვიდობა სურს და ომის გაგრძელება მისი მიზანი არ არის, თუმცა ქვეყნის ეროვნული უსაფრთხოება საფრთხეებისა და გამოწვევების წინაშე დგას, რაც მტკიცე რეაგირებას მოითხოვს.

ჰერცოგმა ასევე დადებითად შეაფასა ჩინეთის როლი საერთაშორისო და რეგიონული მშვიდობის ხელშეწყობაში. მისი თქმით, ისრაელი აფასებს პეკინის ინიციატივებსა და წინადადებებს, რომლებიც რეგიონში სტაბილურობის განმტკიცებას ემსახურება, და მზად არის, ჩინეთთან კომუნიკაცია გააგრძელოს.

თავის მხრივ, ვან იმ განაცხადა, რომ ახლო აღმოსავლეთში მშვიდობისა და შერიგების ხელშეწყობა ჩინეთის რეგიონული პოლიტიკის ერთ-ერთი მთავარი საფუძველია. პეკინის შეფასებით, პალესტინის საკითხი მიმდინარე საუკუნის ერთ-ერთი უდიდესი ისტორიული უსამართლობაა, ხოლო მისი მოგვარების სწორ გზას ორი სახელმწიფოს პრინციპი წარმოადგენს. ეს მიდგომა ისრაელისა და პალესტინის დამოუკიდებელი სახელმწიფოების მშვიდობიან თანაარსებობას გულისხმობს.

ჩინეთის საგარეო საქმეთა მინისტრმა ყურადღება გაამახვილა ღაზის სექტორში არსებულ ჰუმანიტარულ მდგომარეობაზეც. მისი თქმით, გადაუდებელი ამოცანაა სექტორში შესვლისა და ჰუმანიტარული დახმარების მიწოდების შესაძლებლობების სრულად აღდგენა, რათა დაახლოებით ორი მილიონი მშვიდობიანი მოქალაქის მდგომარეობა კიდევ უფრო არ დამძიმდეს და ჰუმანიტარული კრიზისი არ გაღრმავდეს.

ჩინეთის მინისტრმა აღნიშნა, რომ ქვეყნის პრეზიდენტმა სი ძინპინმა მიმდინარე წლის დასაწყისიდან ახლო აღმოსავლეთში მშვიდობისა და უსაფრთხოების ხელშეწყობის არაერთი ინიციატივა წარმოადგინა. პეკინი ამ წინადადებებს რეგიონული და საერთაშორისო თანამეგობრობისთვის შეთავაზებულ მნიშვნელოვან წვლილად განიხილავს.

ვან ის განცხადებით, ჩინეთი მზად არის, საერთაშორისო თანამეგობრობასთან ითანამშრომლოს უსაფრთხოებისადმი საერთო, ყოვლისმომცველი, თანამშრომლობითი და მდგრადი მიდგომის გასაძლიერებლად. პეკინის მიზნად სახელდება კონფლიქტის მონაწილე მხარეების დიალოგისა და კონსულტაციების პროცესში დაბრუნების ხელშეწყობა, რათა კრიზისის პოლიტიკური გადაწყვეტის შესაძლებლობა შეიქმნას.

ვან ის განცხადება იმ ფონზე გაკეთდა, როდესაც ღაზაში ჰუმანიტარული მდგომარეობა და დასავლეთ სანაპიროზე ისრაელის დასახლებების საკითხი ახლო აღმოსავლეთის კონფლიქტის საერთაშორისო განხილვის მნიშვნელოვან ნაწილად რჩება. ჩინეთის მოწოდება აჩვენებს, რომ პეკინი ცდილობს, რეგიონში პოლიტიკური მოგვარებისა და საერთაშორისო დიპლომატიური ჩართულობის აუცილებლობა კიდევ ერთხელ წამოწიოს წინა პლანზე.

წყარო: https://www.fmprc.gov.cn/web/wjbzhd/202610/t20261016_12041367.shtml?utm_source

ჩინეთის საგარეო საქმეთა მინისტრმა და ისრაელის პრეზიდენტმა ბაქოში ახლო აღმოსავლეთში არსებული ვითარების პოლიტიკური მოგვარების აუცილებლობაზე ისაუბრეს. Read More »

ჩინეთის საგარეო საქმეთა მინისტრმა და ისრაელის პრეზიდენტმა ბაქოში ახლო აღმოსავლეთში არსებული ვითარების პოლიტიკური მოგვარების აუცილებლობაზე ისაუბრეს.

ერთი ახალი ამბავი / /

ჩინეთი ახლო აღმოსავლეთში კონფლიქტის პოლიტიკური გზით მოგვარების აუცილებლობაზე საუბრობს. ჩინეთის საგარეო საქმეთა მინისტრმა ვან იმ ისრაელის პრეზიდენტ ისააკ ჰერცოგთან შეხვედრისას დასავლეთ სანაპიროზე დასახლებების იძულებითი გაფართოების შეწყვეტისა და ამ პროცესის უკუქცევის აუცილებლობას გაუსვა ხაზი. შეხვედრა 15 ოქტომბერს, აზერბაიჯანის დედაქალაქ ბაქოში, აზიაში ურთიერთქმედებისა და ნდობის აღდგენის ღონისძიებების შესახებ კონფერენციის (CICA) სამიტის ფარგლებში გაიმართა.

ჩინეთის საგარეო საქმეთა სამინისტროს ინფორმაციით, შეხვედრა ჰერცოგის ინიციატივით შედგა. ისრაელის პრეზიდენტმა ვან ის ახლო აღმოსავლეთში არსებული ვითარების შესახებ თავისი ქვეყნის პოზიცია გააცნო. ჰერცოგის განცხადებით, ისრაელს მშვიდობა სურს და ომის გაგრძელება მისი მიზანი არ არის, თუმცა ქვეყნის ეროვნული უსაფრთხოება საფრთხეებისა და გამოწვევების წინაშე დგას, რაც მტკიცე რეაგირებას მოითხოვს.

ჰერცოგმა ასევე დადებითად შეაფასა ჩინეთის როლი საერთაშორისო და რეგიონული მშვიდობის ხელშეწყობაში. მისი თქმით, ისრაელი აფასებს პეკინის ინიციატივებსა და წინადადებებს, რომლებიც რეგიონში სტაბილურობის განმტკიცებას ემსახურება, და მზად არის, ჩინეთთან კომუნიკაცია გააგრძელოს.

თავის მხრივ, ვან იმ განაცხადა, რომ ახლო აღმოსავლეთში მშვიდობისა და შერიგების ხელშეწყობა ჩინეთის რეგიონული პოლიტიკის ერთ-ერთი მთავარი საფუძველია. პეკინის შეფასებით, პალესტინის საკითხი მიმდინარე საუკუნის ერთ-ერთი უდიდესი ისტორიული უსამართლობაა, ხოლო მისი მოგვარების სწორ გზას ორი სახელმწიფოს პრინციპი წარმოადგენს. ეს მიდგომა ისრაელისა და პალესტინის დამოუკიდებელი სახელმწიფოების მშვიდობიან თანაარსებობას გულისხმობს.

ჩინეთის საგარეო საქმეთა მინისტრმა ყურადღება გაამახვილა ღაზის სექტორში არსებულ ჰუმანიტარულ მდგომარეობაზეც. მისი თქმით, გადაუდებელი ამოცანაა სექტორში შესვლისა და ჰუმანიტარული დახმარების მიწოდების შესაძლებლობების სრულად აღდგენა, რათა დაახლოებით ორი მილიონი მშვიდობიანი მოქალაქის მდგომარეობა კიდევ უფრო არ დამძიმდეს და ჰუმანიტარული კრიზისი არ გაღრმავდეს.

ჩინეთის მინისტრმა აღნიშნა, რომ ქვეყნის პრეზიდენტმა სი ძინპინმა მიმდინარე წლის დასაწყისიდან ახლო აღმოსავლეთში მშვიდობისა და უსაფრთხოების ხელშეწყობის არაერთი ინიციატივა წარმოადგინა. პეკინი ამ წინადადებებს რეგიონული და საერთაშორისო თანამეგობრობისთვის შეთავაზებულ მნიშვნელოვან წვლილად განიხილავს.

ვან ის განცხადებით, ჩინეთი მზად არის, საერთაშორისო თანამეგობრობასთან ითანამშრომლოს უსაფრთხოებისადმი საერთო, ყოვლისმომცველი, თანამშრომლობითი და მდგრადი მიდგომის გასაძლიერებლად. პეკინის მიზნად სახელდება კონფლიქტის მონაწილე მხარეების დიალოგისა და კონსულტაციების პროცესში დაბრუნების ხელშეწყობა, რათა კრიზისის პოლიტიკური გადაწყვეტის შესაძლებლობა შეიქმნას.

ვან ის განცხადება იმ ფონზე გაკეთდა, როდესაც ღაზაში ჰუმანიტარული მდგომარეობა და დასავლეთ სანაპიროზე ისრაელის დასახლებების საკითხი ახლო აღმოსავლეთის კონფლიქტის საერთაშორისო განხილვის მნიშვნელოვან ნაწილად რჩება. ჩინეთის მოწოდება აჩვენებს, რომ პეკინი ცდილობს, რეგიონში პოლიტიკური მოგვარებისა და საერთაშორისო დიპლომატიური ჩართულობის აუცილებლობა კიდევ ერთხელ წამოწიოს წინა პლანზე.

წყარო: https://www.fmprc.gov.cn/web/wjbzhd/202610/t20261016_12041367.shtml?utm_source

ჩინეთის საგარეო საქმეთა მინისტრმა და ისრაელის პრეზიდენტმა ბაქოში ახლო აღმოსავლეთში არსებული ვითარების პოლიტიკური მოგვარების აუცილებლობაზე ისაუბრეს. Read More »

ჩინეთმა პარგვაისა და ბელიზის მინისტრები ტაივანთან დიპლომატიური ურთიერთობების გამო დაასანქცირა

ერთი ახალი ამბავი / /

ჩინეთმა პარაგვაის კომუნიკაციების მინისტრ, გუსტავო ვილატესა და ბელიზის საგარეო საქმეთა მინისტრ, ფრენსის ფონსეკას ტაივანთან დიპლომატიური ურთიერთობების გამო სანქციები დაუწესა. ჩინეთის საგარეო საქმეთა სამინისტრომ გადაწყვეტილება ეროვნული სუვერენიტეტისა და უსაფრთხოების დაცვით ახსნა. აღნიშნული ნაბიჯი კიდევ ერთხელ ადასტურებს ტაივანის საკითხის მნიშვნელობას ჩინეთის საგარეო პოლიტიკაში.

პარაგვაი და ბელიზი იმ 12 სახელმწიფოს შორის არიან, რომლებიც დღემდე ინარჩუნებენ დიპლომატიურ ურთიერთობებს ტაივანთან. სანქციების პაკეტი მოიცავს მინისტრების ჩინეთში არსებული ქონებისა და აქტივების გაყინვას, მათთვის ვიზების გაცემასა და ქვეყანაში შესვლის აკრძალვას, ასევე ჩინეთში მოქმედი ორგანიზაციებისა და ფიზიკური პირებისთვის მათთან საქმიანი ურთიერთობებისა და თანამშრომლობის შეზღუდვას. თუმცა უნდა აღინიშნოს, რომ სანქციებს ძირითადად სიმბოლური ხასიათი აქვს, ვინაიდან ტაივანთან დიპლომატიური ურთიერთობების მქონე ქვეყნების მინისტრები ჩინეთში, როგორც წესი, არ მოგზაურობენ.

სააგენტო Reuters-ის ცნობით, ჩინეთის ხელისუფლებამ სანქცირებულ პირებს „პაიკები“ უწოდა და განაცხადა, რომ მათ პეკინს შეურაცხყოფა მიაყენეს. ჩინეთის საგარეო საქმეთა სამინისტროს პრესსპიკერმა მაო ნინგმა განაცხადა: „ისინი სერიოზულად ერევიან ჩინეთის შიდა საქმეებში, ავრცელებენ ცრუ ინფორმაციას ჩინეთის კიბერშეტევების შესახებ და თავს ესხმიან და აკრიტიკებენ ჩინეთს, რაც ჩინეთის საერთაშორისო რეპუტაციას აზიანებს“

სანქციები ტაივანის ეროვნული დღის აღნიშვნიდან ორი დღის შემდეგ გამოცხადდა. დღესასწაულს გამოეხმაურა პარაგვაის კომუნიკაციების მინისტრი, გუსტავო ვილატე, რომელმაც სოციალურ ქსელში გამოქვეყნებულ განცხადებაში აღნიშნა, რომ მისი ქვეყანა კვლავ ადასტურებს ტაივანთან მეგობრულ და თანამშრომლობით ურთიერთობებს. მისი თქმით, ეს ურთიერთობები საერთო ღირებულებებსა და პრინციპებს, ხალხთა თვითგამორკვევას, ადამიანის უფლებებსა და დემოკრატიას ეფუძნება.

პარაგვაის პრეზიდენტი სანტიაგო პენია ტაივანს სამხრეთამერიკული ქვეყნისთვის „ფუნდამენტურ პარტნიორად“ მოიხსენიებს. მიმდინარე წლის დასაწყისში ის ტაიპეის ეწვია, სადაც მხარეებმა რამდენიმე შეთანხმებას მოაწერეს ხელი. შეთანხმებები ითვალისწინებდა თანამშრომლობას სისხლის სამართლის საქმეებზე სამართლებრივი დახმარების, კიბერუსაფრთხოების, ხელოვნური ინტელექტისა და გამოთვლითი ტექნოლოგიების სფეროებში.

გასულ თვეში ტაივანის საგარეო საქმეთა მინისტრი ლინ ჩია-ლუნგიც ეწვია ბელიზს. ტაივანის საგარეო საქმეთა სამინისტროს განცხადებით, მხარეები ურთიერთობების გაღრმავებაზე შეთანხმდნენ.

ჩინეთი ტაივანს საკუთარ ტერიტორიად მიიჩნევს და მის დამოუკიდებლობას არ აღიარებს. პეკინი აცხადებს, რომ საჭიროების შემთხვევაში ტაივანზე კონტროლის დასამყარებლად ძალის გამოყენებას არ გამორიცხავს. თავის მხრივ, ტაივანის ხელისუფლება ჩინეთის პრეტენზიებს უარყოფს და კუნძულის თვითმმართველობას იცავს.

სანქციები კიდევ ერთი მაგალითია იმისა, თუ როგორ იყენებს ჩინეთი დიპლომატიურ და ეკონომიკურ შეზღუდვებს ტაივანთან დაკავშირებული საკითხების საპასუხოდ. ამ გადაწყვეტილების ფონზე, პარაგვაისა და ბელიზის მიერ ტაივანთან ურთიერთობების შენარჩუნება, პეკინსა და ამ ქვეყნებს შორის დიპლომატიური დაძაბულობის წყაროდ რჩება.

ჩინეთმა პარგვაისა და ბელიზის მინისტრები ტაივანთან დიპლომატიური ურთიერთობების გამო დაასანქცირა Read More »

ჩინეთი სამხრეთ კავკასიასა და ყირგიზეთში (5 – 11 ოქტომბერი)

კვირის ამბავი / /
საქართველო

ირაკლი კობახიძე: ჩინეთში ქართული პროდუქციის ექსპორტი 177%-ით გაიზარდა

7 ოქტომბერი

7 ოქტომბერს საქართველოს პრემიერ–მინისტრმა, ირაკლი კობახიძემ, მთავრობის სხდომაზე ჩინეთთან ეკონომიკური თანამშრომლობის მაჩვენებლებზე ისაუბრა. მისი განცხადებით, 2026 წლის იანვარ–აგვისტოში ჩინეთში ქართული პროდუქციის ექსპორტი 177%-ით გაიზარდა, რაც პრემიერმა თავისუფალი ვაჭრობის შეთანხმების გაფართოების პრაქტიკულ შედეგად შეაფასა.

კობახიძის თქმით, წლის პირველ ნახევარში ჩინეთიდან საქართველოში განხორციელებული პირდაპირი უცხოური ინვესტიციების მოცულობამ დაახლოებით 236 მილიონი აშშ დოლარი შეადგინა. ამ მაჩვენებლით ჩინეთმა საქართველოს ინვესტორ ქვეყნებს შორის პირველი ადგილი დაიკავა.

პრემიერმა ეკონომიკური კავშირების გაღრმავებაში პირდაპირი ავიამიმოსვლის მნიშვნელობაც გამოყო. მისი განცხადებით, საქართველოსა და ჩინეთს შორის კვირაში 14 ავიარეისი სრულდება, რაც ორ ქვეყანას შორის ეკონომიკური ურთიერთობების გაფართოებას უწყობს ხელს.

საქპატენტმა ჩინეთის ინტელექტუალური საკუთრების უწყებასთან თანამშრომლობის მემორანდუმი გააფორმა

10 ოქტომბერი

საქპატენტმა და ჩინეთის ინტელექტუალური საკუთრების ეროვნულმა ადმინისტრაციამ (CNIPA) თანამშრომლობის მემორანდუმი გააფორმეს. 10 ოქტომბერს დოკუმენტს ხელი საქპატენტის თავმჯდომარემ სოსო გიორგაძემ და CNIPA-ს კომისრის მოადგილემ რუი ვენბიაომ მოაწერეს.

შეხვედრაზე მხარეებმა ერთობლივი საგანმანათლებლო ღონისძიებების ჩატარება, არსებული სასწავლო რესურსების გაზიარება და ახალი მასალების ერთობლივად შექმნა განიხილეს. საუბარი შეეხო ინტელექტუალური საკუთრების სფეროში მომუშავე ექსპერტებს შორის ცოდნისა და გამოცდილების გაცვლასაც. ვიზიტის ფარგლებში დელეგაციის წევრები ქუთაისში ინტელექტუალური საკუთრების სწავლებისა და გადამზადების ცენტრის გახსნას დაესწრნენ.

აზერბაიჯანი

აზერბაიჯანში სასწავლებლად 23 ჩინელი სტუდენტი შეირჩა

5 ოქტომბერს, 2026-2027 სასწავლო წლისთვის 23 ჩინელმა სტუდენტმა აზერბაიჯანის უნივერსიტეტებში სწავლის უფლება მოიპოვა. ისინი მთავრობათაშორისი სასტიპენდიო პროგრამით ისარგებლებენ, რომელიც ორი ქვეყნის განათლების სამინისტროებს შორის თანამშრომლობის შეთანხმების ფარგლებში ხორციელდება.

აზერბაიჯანის მეცნიერებისა და უმაღლესი განათლების სახელმწიფო სააგენტოს ინფორმაციით, სტუდენტები მაგისტრატურისა და დოქტორანტურის საფეხურებზე ისწავლიან. მათ ბაქოს სახელმწიფო უნივერსიტეტი, აზერბაიჯანის სახელმწიფო ნავთობისა და მრეწველობის უნივერსიტეტი, აზერბაიჯანის ტექნიკური უნივერსიტეტი და ბაქოს სლავური უნივერსიტეტი მიიღებენ. სასწავლო მიმართულებები განათლებას, ჰუმანიტარულ და სოციალურ მეცნიერებებს, საბუნებისმეტყველო და ტექნიკურ სპეციალობებს მოიცავს.

შუა დერეფანზე გადაზიდვების გამარტივებას გეგმავენ

6 ოქტომბერი

6 ოქტომბერს აზერბაიჯანის რკინიგზის თავმჯდომარის მრჩეველმა, ემილ მამედოვმა, შუა დერეფნის სამხრეთ განშტოებაზე გადაზიდვების შემაფერხებელი ფაქტორების შესწავლა დაანონსა. ბაქოში გამართულ გერმანია–აზერბაიჯანის თანამშრომლობის კონფერენციაზე მან განაცხადა, რომ სამუშაოები ოქტომბერში დაიწყება.

შესწავლა მოიცავს მარშრუტს, რომელიც ყირგიზეთს, უზბეკეთსა და თურქმენეთს კასპიის ზღვის გავლით აზერბაიჯანსა და საქართველოს უკავშირებს. შეფასების შედეგად გამოვლინდება გადაზიდვების დროს არსებული პრობლემები და განისაზღვრება მარშრუტის განვითარებისთვის საჭირო შემდგომი ნაბიჯები.

მამედოვმა ასევე ისაუბრა ერთობლივ საწარმოზე „Middle Corridor Multimodal“, რომელშიც ყაზახეთი, აზერბაიჯანი, საქართველო და ჩინეთი მონაწილეობენ. მისი განმარტებით, მომსახურების კოორდინაციისა და „ერთი ფანჯრის“ სისტემის მიზანია, ტვირთის მფლობელებს გადაზიდვების ორგანიზება გაუმარტივოს და საშუალება მისცეს, აკონტროლონ ტვირთის ადგილმდებარეობა და ტრანსპორტირების ეტაპი.

 

აზერბაიჯანმა ჩინურ DBN Group-თან აგროტექნოლოგიებში თანამშრომლობა განიხილა

10 ოქტომბერი

10 ოქტომბერს აზერბაიჯანის სოფლის მეურნეობის მინისტრის, მეჯნუნ მამედოვის ხელმძღვანელობით ჩინეთში მყოფი დელეგაცია პეკინში აგროტექნოლოგიური კომპანია „DBN Tech Group“-ს ეწვია. კომპანიის ხელმძღვანელობასთან შეხვედრაზე მხარეებმა აგრარულ სექტორში თანამშრომლობის შესაძლებლობები განიხილეს.

მამედოვმა კომპანიის წარმომადგენლებს აზერბაიჯანის აგრარული სექტორის განვითარების გეგმები გააცნო, მათ შორის 2026-2030 წლების სახელმწიფო პროგრამა. პროგრამა წარმოებისა და გადამუშავების განვითარებასა და უფრო პროდუქტიულ, კონკურენტუნარიან მოდელზე გადასვლას ითვალისწინებს. მინისტრმა ამ მიზნების მისაღწევად ჩინურ კომპანიებთან თანამშრომლობის მნიშვნელობა გამოყო და „DBN Tech Group“ აზერბაიჯანში ყოველწლიურ საერთაშორისო სასოფლო–სამეურნეო გამოფენაში „Caspian Agro“ მონაწილეობის მისაღებად მიიწვია.

სომხეთი

სომხეთის მარეგულირებელმა Huawei-სთან 5G-ის განვითარებისა და 6G-ის დანერგვის პერსპექტივები განიხილა

6 ოქტომბერი

6 ოქტომბერს სომხეთის საზოგადოებრივი მომსახურებების მარეგულირებელი კომისიის თავმჯდომარე, მესროპ მესროპიანი, ჩინური კომპანია „Huawei“-ს დელეგაციას შეხვდა. დელეგაციაში შედიოდნენ კომპანიის სომხეთის ოფისის ხელმძღვანელი ჟაო ჰონგბო, ახლო აღმოსავლეთისა და ცენტრალური აზიის რეგიონში სტრატეგიის დირექტორი და სხვა ექსპერტები.

კომპანიის წარმომადგენლებმა 5G-ის განვითარებისა და 6G-ის დანერგვის საერთაშორისო ტენდენციები და შესაძლებლობები წარადგინეს. მხარეებმა სატელეკომუნიკაციო სექტორის ტექნოლოგიური განახლებისა და ახალი თაობის საკომუნიკაციო ტექნოლოგიების გამოყენების საკითხები განიხილეს. კომისიის წარმომადგენლებმა დელეგაციას ამ მიმართულებით დაგეგმილი ნაბიჯები და პროგრამები გააცნეს. შეხვედრის დასასრულს მხარეები საერთო ინტერესის საკითხებზე პროფესიული დიალოგისა და თანამშრომლობის გაგრძელებაზე შეთანხმდნენ.

 

ერევანში ჩინური სიმღერის მესამე საუნივერსიტეტო კონკურსი გაიმართა

8 ოქტომბერი

8 ოქტომბერს რუსულ–სომხურ უნივერსიტეტში ჩინური სიმღერის მესამე საუნივერსიტეტო კონკურსი გაიმართა. ღონისძიება უნივერსიტეტის კონფუცის კლასისა და ვალერი ბრიუსოვის სახელობის სახელმწიფო უნივერსიტეტთან არსებული კონფუცის ინსტიტუტის ორგანიზებით, ჩინეთის საელჩოს მხარდაჭერით ჩატარდა.

კონკურსს ჩინეთის ელჩი ლი სინვეი და რუსულ–სომხური უნივერსიტეტის რექტორი ედვარდ სანდოიანი დაესწრნენ. ელჩის განცხადებით, სტრატეგიული პარტნიორობის დამყარების შემდეგ ორ ქვეყანას შორის საგანმანათლებლო და კულტურული თანამშრომლობა ღრმავდება.

ფინალურ ეტაპზე სომხეთის სხვადასხვა უნივერსიტეტის 18 სტუდენტი მონაწილეობდა. პირველი და მეორე ადგილები კომიტასის სახელობის ერევნის სახელმწიფო კონსერვატორიის სტუდენტებმა, ლილიტ ხერუნცმა და ანი კაზარიანმა დაიკავეს, მესამე ადგილი კი რუსულ–სომხური უნივერსიტეტის წარმომადგენელმა მილენა არაქელიანმა მოიპოვა. გამარჯვებულებს ჩინეთის საელჩოსგან პრიზები გადაეცათ.

ყირგიზეთი

ყირგიზეთმა ჩინეთთან დამაკავშირებელი რკინიგზის რეგიონულ მარშრუტებთან ინტეგრაცია განიხილა

8 ოქტომბერი

7-8 ოქტომბერს თურქმენბაშიში გამართულ რეგიონულ შეხვედრებზე ჩინეთ–ყირგიზეთ–უზბეკეთის რკინიგზის სხვა სატრანსპორტო მარშრუტებთან დაკავშირებისა და რეგიონისთვის მისი ეკონომიკური სარგებლის საკითხები განიხილეს.

7 ოქტომბერს ცენტრალური აზიის ქვეყნებისა და აზერბაიჯანის საგარეო საქმეთა მინისტრების შეხვედრაზე ყირგიზეთის საგარეო საქმეთა მინისტრის პირველმა მოადგილემ, ასეინ ისაევმა, სატრანსპორტო და ლოგისტიკური კავშირების გაფართოება პრიორიტეტად დაასახელა. ყურადღება დაეთმო რკინიგზის რეგიონის ქვეყნების ინფრასტრუქტურასა და კასპიის ზღვის გავლით მოქმედ მარშრუტებთან დაკავშირებას, რამაც საერთაშორისო ბაზრებზე წვდომა უნდა გააუმჯობესოს.

8 ოქტომბერს სახელმწიფოთა მეთაურების საკონსულტაციო შეხვედრაზე პროექტის მნიშვნელობაზე ყირგიზეთის პრეზიდენტმა, სადირ ჟაფაროვმაც ისაუბრა. მისი განცხადებით, რკინიგზამ რეგიონის ქვეყნების საერთაშორისო სატრანსპორტო და საწარმოო კავშირებში ჩართვის დამატებითი შესაძლებლობები უნდა შექმნას. ჟაფაროვმა თანამშრომლობის პრაქტიკულ მიზნებად გადაზიდვების ხარჯებისა და ტრანსპორტირების დროის შემცირება დაასახელა და აღნიშნა, რომ რეგიონული სატრანსპორტო პროექტებიდან ეკონომიკური სარგებლის მიღება თითოეულ ქვეყანას უნდა შეეძლოს.

 

ჩინეთი სამხრეთ კავკასიასა და ყირგიზეთში (5 – 11 ოქტომბერი) Read More »

პუტინის თანაშემწის ვიზიტი ჩინეთში: აშშ-რუსეთ-ჩინეთის ლიდერების სამმხრივი შეხვედრის პერსპექტივა

ერთი ახალი ამბავი / /

8 ოქტომბერს, რუსეთის პრეზიდენტის ვლადიმერ პუტინის თანაშემწე, ნიკოლაი პატრუშევი ჩინეთს ეწვია. რუსეთის დელეგაციაში წარმოდგენილნი იყვნენ სამთავრობო სააგენტოების, ლოგისტიკური კომპანიების, გემთმშენებელი, სამეცნიერო და საგანმანათლებლო ინსტიტუტების წარმომადგენლები. რუსეთის საინფორმაციო სააგენტოს ინფორმაციით, ვიზიტის მიზანია საზღვაო სექტორში თანამშრომლობის შესახებ მოლაპარაკებების წარმოება.

პეტრუშევი რუსეთის საზღვაო კოლეგიის თავმჯდომარეა. ამასთან, 2024 წლიდან, ის პუტინის თანაშემწის პოზიციას იკავებს. 2008-2024 წლებში, პეტრუშევი რუსეთის უსაფრთხოების საბჭოს მდივნის თანამდებობას იკავებდა.

ამერიკის პრეზიდენტ დონალდ ტრამპისა და ჩინეთის პრეზიდენტ სი ძინპინის შეხვედრის შემდეგ, პეტრუშევი არის პირველი მაღალი რანგის ოფიციალური პირი მოსკოვიდან, რომელიც პეკინს ეწვია. ამიტომ, ექსპერტები პეტრუშევთან მოლაპარაკებების ერთ-ერთ შესაძლო თემად ტრამპს, პუტინსა და სი ძინპინს შორის სამმხრივი შეხვედრის გამართვის საკითხს ასახელებენ.

რიგი გარემოებები მიანიშნებს, რომ ნოემბერში, ჩინეთის ქალაქ შენჟენში, აზია-წყნარი ოკეანის ეკონომიკური თანამშრომლობის (APEC) რეგიონული ფორუმის სამიტის ფარგლებში, ტრამპს, სი ძინპინსა და პუტინს შორის შესაძლოა სამმხრივი შეხვედრა გაიმართოს. 1 ოქტომბერს, პუტინმა შეხვედრის შესახებ კითხვას მიმღებლური ტონით უპასუხა და აღნიშნა, რომ ეს „უდავოდ შესაძლებელია.“

სამმხრივი შეხვედრის შესაძლებლობის შესახებ კომენტარი გააკეთა რუსეთში ჩინეთის ელჩმა, ჭანგ ჰანჰუიმ. მისი თქმით, მსგავსი შეხვედრა „ძალიან სასარგებლო იქნება“ „მულტიპოლარული მსოფლიოს განვითარებისა და ფორმირების მიმართ.“

პეტრუშოვის ჩინეთში ვიზიტი აჩვენებს, რომ მოსკოვსა და პეკინს შორის ურთიერთობები, უკრაინაში მიმდინარე ომის და დასავლეთის კრიტიკის მიუხედავად, ვითარდება. ამასთან, დონალდ ტრამპსა და სი ძინპინს შორის გამართული „კონსტრუქციული“ დიალოგის ფონზე, პეკინმა ვაშინგტონსა და კრემლს შორის შუამავლის როლი შეიძლება ითამაშოს.

 

წყარო: Kremlin aide visits China amid speculation about potential Xi-Putin-Trump meeting

პუტინის თანაშემწის ვიზიტი ჩინეთში: აშშ-რუსეთ-ჩინეთის ლიდერების სამმხრივი შეხვედრის პერსპექტივა Read More »

ევროპარლამენტი ჩინეთის მიმართ პოზიციას ამკაცრებს

ერთი ახალი ამბავი / /

7 ოქტომბერს, ევროპის პარლამენტში ჩინეთის შესახებ ანგარიშის კენჭისყრა გაიმართა. დოკუმენტს მხარი დაუჭირა 456-მა ევროპარლამენტარმა, 86-მა საწინააღმდეგო პოზიცია დააფიქსირა, ხოლო 110-მა თავი შეიკავა ხმის მიცემისგან. ანგარიში ევროკავშირ-ჩინეთის ურთიერთობების მიმდინარე დინამიკაში ცვლილებების მაუწყებელია, რამდენადაც მასში ჩინეთის წინააღმდეგ უფრო მკაცრი ქმედებებია გაწერილი.

მიუხედავად იმისა, რომ ანგარიში ჩინეთის მიმართ ევროკავშირის პოლიტიკაზე პირდაპირ გავლენას არ ახდენს, მისი ტონი პეკინის მიმართ ევროპის პოლიტიკის გამკაცრების ტენდენციას აჩვენებს. წინა ანგარიშებისგან განსხვავებით, ევროპარლამენტის მიერ მიღებულ დოკუმენტში ჩინეთი ევროკავშირის „სისტემურ მეტოქედ“ არის წარმოდგენილი. ამასთან, ანგარიში პეკინს ახასიათებს, როგორ უკრაინის ომში რუსეთის ქმედებების მხარდამჭერი. ამ მხრივ, ხაზგასმულია ჩინეთის მიერ რუსეთისთვის ორმაგი გამოყენების საქონლის მიწოდების და სანქციებისთვის გვერდის ავლის ხელშეწყობის პრაქტიკა.

ტაივანის საკითხთან დაკავშირებით ანგარიში ევროკავშირს მოუწოდებს, წევრ სახელმწიფოებსა და სხვა დემოკრატიულ პარტნიორებთან გააძლიეროს უსაფრთხოების კოორდინაცია, მათ შორის, საზღვაო ძალების განთავსება და ერთობლივი წვრთნების ჩატარება, რათა აზია-წყნარი ოკეანის რეგიონში რეგიონში სტაბილურობა გაძლიერდეს.

პეკინსა და ბრიუსელს შორის მიმდინარე სავაჭრო მოლაპარაკებების ფონზე, ანგარიშში აღნიშნულია, რომ ჩინეთის ჭარბი საწარმოო შესაძლებლობები საფრთხეს უქმნის ევროკავშირის სამრეწველო სექტორს, ხოლო სახალხო რესპუბლიკის ელექტრომობილების სექტორი ევროპის უსაფრთხოებისა და ეკონომიკისთვის „დიდ საფრთხეს“ წარმოადგენს.

ანგარიშის მიმართ ევროპარლამენტარების უმრავლესობის მხარდაჭერის მიუხედავად, პარლამენტში ჩინეთის შესახებ პოზიციები განსხვავდება. ცენტრისტული და მემარჯვენე დაჯგუფებები პეკინის წინააღმდეგ უფრო მკაცრი პოლიტიკის გატარების მომხრე არიან. მათი თვალსაზრისით, ჩინეთი არის სისტემური მეტოქე, რომელსაც ესმის არა დიპლომატიის, არამედ ძალის ენა.

მეორე მხრივ, სოციალისტური და მემარცხენე ჯგუფების წევრები ჩინეთთან დიალოგს უჭერენ მხარს. მათი აზრით, ევროკავშირ-ჩინეთის ურთიერთობები არ უნდა დაეფუძნოს ორბლოკიანი ბიპოლარული მსოფლიოს იდეას, რომელიც „სახიფათო“ და „არაპროდუქტიულია.“

ევროპარლამენტი ჩინეთის მიმართ პოზიციას ამკაცრებს Read More »

ახალი ნაბიჯი ევროკავშირ-ჩინეთის სავაჭრო მოლაპარაკებებში: შეხვედრა პეკინში

ერთი ახალი ამბავი / /

დღეს, 7 ოქტომბერს, ევროკავშირის ვაჭრობის საკითხებზე პასუხისმგებელი ოფიციალური პირები ჩინეთთან ორდღიანი ინტენსიური მოლაპარაკებებისთვის პეკინში გაემგზავრებიან. ევროკავშირის დელეგაციას ხელმძღვანელობს მაროშ შეფჩოვიჩი, ევროკომისარი ვაჭრობისა და ეკონომიკური უსაფრთხოების, ასევე ინტერინსტიტუციური ურთიერთობებისა და გამჭვირვალობის საკითხებში.

8-9 ოქტომბერს, ჩინეთისა და ევროკავშირის ე.წ. „ვაჭრობისა და ინვესტიციის კონსულტაციების“ ფარგლებში, შეფჩოვიჩი ჩინელ კოლეგას, ვან ვენტაოს შეხვდება. მოლაპარაკებები მიზნად ისახავს ჩინეთ-ევროკავშირის სავაჭრო ურთიერთობებში არსებული დისბალანსის აღმოფხვრას. ბოლო თვეებში, ევროკავშირის წევრებთან ვაჭრობაში ჩინეთის სავაჭრო პროფიციტი მნიშვნელოვნად გაიზარდა.

ჩინეთ-ევროკავშირის ურთიერთობები წევრი სახელმწიფოების მხრიდან რამდენიმე კრიტიკას აწყდება. კერძოდ, ჩინეთიდან იაფი იმპორტის ზრდის ფონზე, ევროპის ინდუსტრიულ ცენტრებში, მათ შორის, გერმანიაში, მწარმოებელი კომპანიების კონკურენტუნარიანობა მცირდება. შედეგად, ევროპული კომპანიები ჩინეთის კორპორაციების სათანადო კონკურენციას ვერ უწევენ, რის გამოც, ისინი ან იხურებიან, ან საქმიანობის მასშტაბს ამცირებენ. ამიტომ, ჩინეთიდან იმპორტის ზრდა პოტენციურად უმუშევრობის პრობლემასთან ასოცირდება.

კრიტიკოსები თვლიან, რომ ჩინეთის სახელმწიფო კაპიტალიზმის მოდელი და სახელმწიფო სუბსიდიების პრაქტიკა ევროკავშირის წარმოების სექტორს აზარალებს.

ჩინეთთან ვაჭრობის საკითხების მიმართ განსაკუთრებით მკაცრი პოზიციით გამოირჩევიან საფრანგეთი და გერმანია. 5 ოქტომბერს, გერმანიის კანცლერმა, ფრიდრიხ მერცმა და საფრანგეთის პრეზიდენტმა, ემანუელ მაკრონმა ხელი მოაწერეს დოკუმენტს, რომელიც საგარეო ვაჭრობის რეგულაციის მიმართულებით ახალი მექანიზმის შემოღებას ითვალისწინებს. ინიციატივა გულისხმობს საგანგებო ინსტრუმენტის გამოყენებას იმ ქვეყნების ან კომპანიების წინააღმდეგ, რომლებიც ევროპის ბაზარზე უსამართლო სავაჭრო პრაქტიკას ახორციელებენ. ექსპერტთა შეფასებით, ინსტრუმენტი ევროკავშირს მისცემს შესაძლებლობას, საჭიროების შემთხვევაში, ჩინეთი ევროპის ბაზარს ჩამოაშოროს.

7 ოქტომბერს, ჩინეთის კომერციის მინისტრმა დააფიქსირა სამინისტროს იმედი, რომ საფრანგეთი და გერმანია თავს შეიკავებენ ევროკავშირის წაქეზებისგან, რომ ამ უკანასკნელმა პროტექციონისტულ ინსტრუმენტებს მიმართოს. სამინისტრომ მოუწოდა მხარეებს, არ მოახდინონ ეკონომიკური და სავაჭრო საკითხების პოლიტიზება.

მომავალ კვირას, ბრიუსელში, ევროკავშირის წევრი სახელმწიფოების ლიდერები შეხვდებიან ერთმანეთს. სწორედ აღნიშნულ შეხვედრაზე განიხილება პეკინთან მოლაპარაკებების შედეგებიც.

 

წყარო: South China Morning Post – ‘Last chance saloon: EU presses China for a sign to prove trade talks can work’

ახალი ნაბიჯი ევროკავშირ-ჩინეთის სავაჭრო მოლაპარაკებებში: შეხვედრა პეკინში Read More »

China in the South Caucasus and Kazakhstan (28 September – 4 October)

კვირის ამბავი / /
Georgia

First new train for the Tbilisi metro unveiled in China

29 September

On 29 September, the first four-car train manufactured for the Tbilisi metro was unveiled at the CRRC Nanjing Puzhen plant in Nanjing, China. Tbilisi Mayor Kakha Kaladze and Georgia’s ambassador to China, Paata Kalandadze, attended the event. According to Kaladze, the first train is expected to arrive in Tbilisi by the end of 2026.

Under the procurement agreement, Tbilisi is to receive 25 new trains comprising 111 cars in total. Fourteen trains will have four cars each, while eleven will have five. Deliveries are scheduled over a five-year period. Passengers will be able to move between cars on the new trains, while the use of five-car trains on the first line will increase passenger capacity.

Mayors of Tbilisi and Nanjing discuss expanding cooperation

29 September

On 29 September, Tbilisi Mayor Kakha Kaladze met Nanjing Mayor Li Zhongjun in Nanjing. The two sides discussed closer cooperation in transport, machinery manufacturing, agriculture, and sports. They also discussed expanding trade and economic ties and cultural exchanges.

According to Tbilisi City Hall, Kaladze thanked the Chinese side for supporting Georgia’s territorial integrity and highlighted the production of new cars for the Tbilisi metro. Li Zhongjun expressed his willingness to continue cooperation in various areas. Paata Kalandadze and Tbilisi Transport Company Director Giorgi Sharkov also attended the meeting.

 

Kvrivishvili discusses trade and investment ties with China

29 September

On 29 September, Georgia’s Minister of Economy, Mariam Kvrivishvili, discussed the development of economic cooperation between Georgia and China at an event marking the 77th anniversary of the founding of the People’s Republic of China.

According to the minister, the free trade agreement that entered into force in 2018 laid the foundation for expanding trade and economic ties between the two countries. She noted that bilateral trade exceeded US2billioninthefirsteightmonthsof2026,whileChinesecompanieshadinvestedmorethanUS800 million in Georgia since 2002.

Kvrivishvili identified transport and logistics as key areas of cooperation. She said container traffic between the two countries along the corridor increased by 20% in 2025 compared with the previous year. The minister also noted that visa-free travel helps strengthen ties in tourism, business, and education.

Azerbaijan

Azerbaijan and China announce joint investment fund worth around 1 billion dollars

30 September

On 30 September, Azerbaijan Investment Holding announced the establishment of a joint investment fund with China’s Silk Road Fund. The announcement was made during the Second Azerbaijan International Investment Forum.

The fund has capital of 7.5 billion yuan, equivalent to around US$1 billion, according to the holding. It will finance investment projects in Azerbaijan and other countries participating in China’s Belt and Road Initiative. The fund’s establishment builds on a framework agreement signed by the two sides in April 2025.

 

Chinese defense companies take part in international exhibition in Baku

2 October

Chinese defense companies participated in the sixth Azerbaijan International Defence Exhibition, ADEX 2026, held in Baku from 30 September to 2 October. The event took place at the Baku Expo Center alongside Securex Caspian, an exhibition of internal security, protection, and rescue equipment.

According to the Azerbaijani Presidential Administration, Chinese participants included China National Aero-Technology Import & Export Corporation, China North Industries Corporation, and CPMIEC. Their activities include manufacturing or exporting military aircraft, armored vehicles, weapons, and missile and air defense systems. A total of 277 companies from 30 countries took part in the two exhibitions. China was one of 14 countries represented by national pavilions.

 

Aliyev describes partnerships with China and the United States as foreign policy achievements

2 October

On 2 October, at the eighth congress of the New Azerbaijan Party in Baku, Ilham Aliyev discussed the importance of strategic partnerships with China and the United States. The president described the signing of the declaration on a comprehensive strategic partnership with China and the charter on a strategic partnership with the United States as historic events.

According to Aliyev, China and the United States are the world’s two superpowers, and partnerships with both reflect their trust in Azerbaijan. He also discussed competition between the two countries, noting that establishing rules based on mutual understanding matters to the whole world. The president addressed these relationships in the context of strengthening Azerbaijan’s international position.

Armenia

State Chamber Orchestra of Armenia performs in Beijing and Shanghai

29 September

On 29 September, the State Chamber Orchestra of Armenia performed at the Li Ying Concert Hall at Peking University. Armenia’s ambassador to China, Vahe Gevorgyan, university representatives, and music specialists attended the concert. On 30 September, the orchestra concluded its Asian tour with a performance at the Art to Gather international music festival in Shanghai.

The tour marked the 35th anniversary of Armenia’s independence and was supported by the country’s Ministry of Education, Science, Culture and Sports. The orchestra was led by UK-based conductor and tenor Sipan Olah. The program featured works by Armenian and European composers, including Komitas, Aram Khachaturian, Arno Babajanian, and Edvard Grieg.

Kazakhstan

Students discuss Xi Jinping’s works in Astana

2 October

On 2 October, a youth seminar titled “Young Readers’ Meeting: Discussing Xi Jinping’s Works” was held at Maqsut Narikbayev University in Astana. The event was organized by Kazakhstan’s China Studies Centre and the Europe and Asia Broadcasting Center of the Chinese publisher Renmin Huabao.

Speakers included undergraduate, master’s, and doctoral students, as well as young researchers. They discussed China’s modernization and governance, Kazakhstan–China relations, education, technology, and artificial intelligence. According to the organizers, the meeting aimed to compare ideas presented in Xi Jinping’s works with real-world developments and participants’ personal experiences.

 

Kazakhstan plans three research centers with Chinese partners

3 October

On 3 October, Kazakhstan’s Ministry of Energy announced plans to establish three joint research and development centers with Chinese partners. The relevant documents were signed in Astana during the AI & Digital Bridge 2026 international forum.

PowerChina Chengdu Engineering Corporation Limited will be the partner for the planned center on alternative and renewable energy. A center established with Fudan University will work on applications of artificial intelligence in energy, industry, and transport. Shenzhen EAGET Innovation Technology Co., Ltd. will participate in establishing a center for digital data storage technologies.

All three centers are planned at Al-Farabi Kazakh National University. According to the ministry, the projects will support applied research, specialist training, and the practical implementation of technological solutions.

China in the South Caucasus and Kazakhstan (28 September – 4 October) Read More »

ჩინეთი სამხრეთ კავკასიასა და ტაჯიკეთში (21-27 სექტემბერი)

კვირის ამბავი / /
საქართველო

საქართველო შუა დერეფნის განვითარების ერთობლივ ინიციატივას შეუერთდა

22 სექტემბერი

22 სექტემბერს საქართველო ტრანსკასპიური საერთაშორისო სატრანსპორტო მარშრუტის განვითარების ერთობლივ ინიციატივას შეუერთდა. პეკინში, გლობალური მდგრადი ტრანსპორტის ფორუმის ფარგლებში გამართულ მაღალი დონის შეხვედრაში საქართველოს ეკონომიკისა და მდგრადი განვითარების მინისტრი მარიამ ქვრივიშვილი მონაწილეობდა.

ინიციატივა სატრანსპორტო პოლიტიკის კოორდინაციას, ინფრასტრუქტურის განვითარებას, საბაჟო და სასაზღვრო პროცედურების გაუმჯობესებასა და ციფრული სისტემების დანერგვას ითვალისწინებს. ქვრივიშვილმა დერეფნის გასწვრივ ინფრასტრუქტურული პროექტების უკეთ შეთანხმების საჭიროებაზეც ისაუბრა.

სიტყვით გამოსვლისას მინისტრმა საქართველოს ინფრასტრუქტურული გეგმები წარადგინა. მისი განცხადებით, 2032 წლამდე პრიორიტეტული პროექტებისთვის დაახლოებით 7 მილიარდი აშშ დოლარია გათვალისწინებული. მიზანი საზღვაო და სარკინიგზო ქსელების გამტარუნარიანობის გაორმაგება და აეროპორტების შესაძლებლობების გასამმაგებაა. ქვრივიშვილმა შუა დერეფნის განვითარებისთვის ანაკლიის ღრმაწყლოვანი პორტის მნიშვნელობასაც გაუსვა ხაზი.

საქართველო და ჩინეთი ვაჭრობის ხელშეწყობის სამუშაო ჯგუფს შექმნიან

22 სექტემბერი

22 სექტემბერს საქართველოს ეკონომიკისა და მდგრადი განვითარების მინისტრი მარიამ ქვრივიშვილი ჩინეთის კომერციის მინისტრის მოადგილეს, ლინგ ძის შეხვდა. შეხვედრაზე მხარეები ორმხრივი ვაჭრობის ხელშეწყობის ერთობლივი სამუშაო ჯგუფის შექმნაზე შეთანხმდნენ.

ჯგუფი პრიორიტეტულ სექტორებს განსაზღვრავს და მათ მიხედვით სავაჭრო მისიებს დაგეგმავს. მისი საქმიანობა ხელს შეუწყობს ჩინეთის ბაზარზე ქართული პროდუქციის წარდგენასა და ქართველი მწარმოებლების გამოფენებში მონაწილეობას. ჯგუფი ჩინეთიდან საქართველოში სავაჭრო მისიების ვიზიტებსაც მოამზადებს, რათა მათ ადგილობრივი საწარმოები გაიცნონ.

მხარეებმა ელექტრონული კომერციის სფეროში თანამშრომლობა და შუა დერეფნისთვის ანაკლიის პორტის მნიშვნელობაც განიხილეს. ლინგ ძიმ ქვრივიშვილი 2027 წლის პირველ ნახევარში სავაჭრო-ეკონომიკური თანამშრომლობის ერთობლივი კომისიის სხდომის ჩასატარებლად ჩინეთში მიიწვია.

„Air China“ საქართველოსთან ახალი საჰაერო კავშირების შესაძლებლობებს შეისწავლის

22 სექტემბერი

22 სექტემბერს მარიამ ქვრივიშვილმა „Air China“-ს პრეზიდენტთან, ცუ გუანგძსთან, საქართველოსა და ჩინეთს შორის საჰაერო მიმოსვლის გაფართოება განიხილა. ეკონომიკის სამინისტროს ინფორმაციით, შეხვედრაზე საუბარი პეკინიდან პირდაპირი ფრენის დანიშვნის შესაძლებლობას შეეხო.

მხარეები შეთანხმდნენ, რომ ავიაკომპანია ჩინეთის სხვა ქალაქებიდან საქართველოს მიმართულებით ფრენების დაწყებასაც შეისწავლის. სამინისტრომ შეხვედრის შესახებ ცნობაში მგზავრთა რაოდენობის ზრდაზეც მიუთითა. უწყების მონაცემებით, 2026 წლის იანვარ-აგვისტოში ჩინურმა ავიაკომპანიებმა ორ ქვეყანას შორის პირდაპირი რეისებით 85 669 მგზავრი გადაიყვანეს, რაც წინა წლის შესაბამის პერიოდზე 31%-ით მეტია.

საქართველომ და ჩინეთმა სატრანსპორტო სამუშაო ჯგუფის შექმნა განიხილეს

23 სექტემბერი

23 სექტემბერს მარიამ ქვრივიშვილი ჩინეთის ტრანსპორტის მინისტრს, ლიუ ვეის შეხვდა და სატრანსპორტო თანამშრომლობის კოორდინაციისთვის ერთობლივი სამუშაო ჯგუფის შექმნის შესაძლებლობა განიხილა. ჯგუფში სარკინიგზო, საზღვაო, საავტომობილო და სამოქალაქო ავიაციის სფეროების შესაბამისი უწყებები და ორგანიზაციები გაერთიანდებიან, თუ მხარეები მის ჩამოყალიბებაზე შეთანხმდებიან.

შეხვედრაზე განსაკუთრებული ყურადღება ანაკლიის ღრმაწყლოვან პორტს, რკინიგზის მოდერნიზაციასა და მოძრავი შემადგენლობის განახლებას დაეთმო. მხარეებმა თბილისი-პეკინისა და თბილისი-კუანგჭოუს პირდაპირი საჰაერო მიმართულებების განვითარების შესაძლებლობებზეც იმსჯელეს. სამინისტროს ცნობით, საჰაერო კავშირების გაფართოების ხელშესაწყობად ორი ქვეყნის სამოქალაქო ავიაციის უწყებებს შორის თანამშრომლობის გაგრძელებაზე შეთანხმდნენ.

აზერბაიჯანი

აზერბაიჯანმა და ჩინეთმა საავტომობილო გადაზიდვების შეთანხმება წარადგინეს

22 სექტემბერი

22 სექტემბერს პეკინში აზერბაიჯანისა და ჩინეთის წარმომადგენლებმა საერთაშორისო საავტომობილო გადაზიდვების შესახებ სამთავრობათაშორისო შეთანხმების დოკუმენტები გაცვალეს. ღონისძიება მდგრადი ტრანსპორტის გლობალური ფორუმის ფარგლებში, ტრანსკასპიური საერთაშორისო სატრანსპორტო მარშრუტისადმი მიძღვნილ მაღალი დონის შეხვედრაზე გაიმართა.

აზერბაიჯანის დელეგაციას ვიცე-პრემიერი შაჰინ მუსტაფაევი ხელმძღვანელობდა. მუსტაფაევმა შუა დერეფნის მნიშვნელობაზე, ჩინეთთან სატვირთო გადაზიდვების გაზრდასა და სატრანზიტო შესაძლებლობების გაფართოებაზე ისაუბრა. ვიზიტის ფარგლებში დელეგაცია ჩინური კომპანიების ხელმძღვანელებსაც შეხვდა. მხარეებმა აზერბაიჯანში მიმდინარე პროექტები, ენერგეტიკისა და განახლებადი ენერგიის სფეროებში თანამშრომლობის გაფართოება და ახალი ერთობლივი პროექტების შესაძლებლობები განიხილეს.

ალიევმა ჩინურ კომპანიებთან ხელოვნური ინტელექტის სფეროში თანამშრომლობა განიხილა

24 სექტემბერი

24 სექტემბერს ბაქოში აზერბაიჯანის პრეზიდენტი ილჰამ ალიევი ჩინური კომპანიების, „01.AI“-სა და „Sinovation Ventures“-ის აღმასრულებელ დირექტორს, კაი-ფუ ლის, შეხვდა. შეხვედრას იტალიური „TEHA Group“-ის წარმომადგენელი ფილიპო მალინვერნოც დაესწრო.

მხარეებმა მწვანე ენერგეტიკაში, კიბერუსაფრთხოებასა და განათლებაში ხელოვნური ინტელექტის პრაქტიკული გამოყენება და შესაბამის კომპანიებთან თანამშრომლობის შესაძლებლობები განიხილეს. ყურადღება დაეთმო აზერბაიჯანის 2025-2028 წლების ხელოვნური ინტელექტის სტრატეგიასაც. ალიევმა ჩინეთთან და იტალიასთან ეკონომიკური კავშირები გამოყო და აღნიშნა, რომ ორივე ქვეყნის ბიზნესის წარმომადგენლები აზერბაიჯანში ინვესტიციებს ახორციელებენ.



ბაირამოვმა გაეროში ჩინეთის გლობალური განვითარების ინიციატივას მხარდაჭერა გამოუცხადა

25 სექტემბერი

25 სექტემბერს ნიუ-იორკში აზერბაიჯანის საგარეო საქმეთა მინისტრმა ჯეიჰუნ ბაირამოვმა ჩინეთის გლობალური განვითარების ინიციატივის მეხუთე წლისთავისადმი მიძღვნილ მაღალი დონის შეხვედრაზე ისაუბრა. ღონისძიება გაეროს გენერალური ასამბლეის 81-ე სესიის ფარგლებში გაიმართა.

მინისტრმა ინიციატივა გაეროს 2030 წლის მდგრადი განვითარების მიზნების განხორციელების მნიშვნელოვან მექანიზმად შეაფასა და აზერბაიჯან-ჩინეთის ყოვლისმომცველი სტრატეგიული პარტნიორობა გამოყო.

ბაირამოვმა ყურადღება შუა დერეფნის განვითარებასა და ჩინეთსა და ევროპას შორის გადაზიდვებში აზერბაიჯანის როლზეც გაამახვილა. მისი განცხადებით, მარშრუტის მოდერნიზაცია სავაჭრო ხარჯების შემცირებასა და განვითარებადი ქვეყნებისთვის ბაზრებზე წვდომის გაფართოებას ემსახურება. მინისტრმა ამ ქვეყნებს შორის ტექნოლოგიებისა და რესურსების გაცვლის მხარდასაჭერად თანამშრომლობის გაძლიერების მზადყოფნაც დაადასტურა.

სომხეთი

ჩინეთის პრემიერმა სომხეთთან თანამშრომლობის გაღრმავების მზადყოფნა გამოთქვა

21 სექტემბერი

21 სექტემბერს ჩინეთის პრემიერმა, ლი ციანმა, სომხეთის პრემიერ-მინისტრ ნიკოლ ფაშინიანს დამოუკიდებლობის 35-ე წლისთავი მიულოცა და ორმხრივი თანამშრომლობის გაღრმავების მზადყოფნა გამოთქვა. წერილში მან სომხეთი ჩინეთის სტრატეგიულ პარტნიორად მოიხსენია.

ლი ციანმა ყურადღება „ერთი სარტყელი, ერთი გზა“ ინიციატივის ფარგლებში თანამშრომლობის განვითარებაზე გაამახვილა. მისი განცხადებით, მზად არის ფაშინიანთან ერთად იმუშაოს, რათა ორ ქვეყანას შორის თანამშრომლობა გაღრმავდეს და უფრო პრაქტიკული შინაარსი შეიძინოს.

 

 

ჩინეთის საპარლამენტო დელეგაციამ სომხეთში თანამშრომლობის გაფართოება განიხილა

22 სექტემბერი

22 სექტემბერს ერევანში სომხეთის პარლამენტის თავმჯდომარე, რუბენ რუბინიანი, სრულიად ჩინეთის სახალხო წარმომადგენელთა კრების საგარეო საქმეთა კომიტეტის თავმჯდომარესა და ჩინეთ-სომხეთის მეგობრობის ჯგუფის ხელმძღვანელს, ლოუ ცინძიანს, შეხვდა.

შეხვედრაზე მხარეებმა ორმხრივი ურთიერთობების განვითარებაზე, საპარლამენტო თანამშრომლობაზე და განათლების, კულტურისა და ვაჭრობის სფეროებში კავშირების გაძლიერებაზე იმსჯელეს.

იმავე დღეს ჩინეთის დელეგაცია სომხეთის პარლამენტის საგარეო ურთიერთობათა კომიტეტის წევრებსაც შეხვდა. კომიტეტის თავმჯდომარემ, სარგის ხანდანიანმა, ჩინეთის ბაზარზე სომხური პროდუქციის უფრო ფართოდ წარმოდგენის შესაძლებლობებზე გაამახვილა ყურადღება. ლოუ ცინძიანმა სომხეთს „ერთი ჩინეთის“ პრინციპის მხარდაჭერისთვის მადლობა გადაუხადა და განაცხადა, რომ ჩინეთი სომხეთის სუვერენიტეტსა და ტერიტორიულ მთლიანობას პატივს სცემს.

ჩინეთის ელჩმა ტექნოლოგიურ და ტურისტულ თანამშრომლობაზე ისაუბრა

24 სექტემბერი

24 სექტემბერს გამოქვეყნებულ ინტერვიუში ჩინეთის ელჩმა სომხეთში, ლი სინვეიმ, ხელოვნური ინტელექტის, ციფრული ეკონომიკისა და მაღალი ტექნოლოგიების სფეროებში თანამშრომლობის პერსპექტივებზე ისაუბრა. NEWS.am-სა და Armenpress-თან საუბრისას მან აღნიშნა, რომ ორი ქვეყნის შესაბამისი უწყებები ამ მიმართულებებით თანამშრომლობის გაღრმავების საკითხებს განიხილავენ.

ელჩი ტურიზმსა და პირდაპირ ავიაკავშირებსაც შეეხო. მისი განცხადებით, ერევან-ურუმჩის მიმართულებით კვირაში ექვსი რეისი სრულდება, რაც მოქალაქეთა მიმოსვლას ამარტივებს. ლი სინვეის შეფასებით, ტურისტული ნაკადების ზრდამ მომავალში ფრენების რაოდენობის გაზრდა და ავიაბილეთების გაიაფებაც შეიძლება განაპირობოს.

ტაჯიკეთი

ტაჯიკურ-ჩინურმა სამთო კომპანიამ მეტალურგიული საწარმო გააფართოვა

21 სექტემბერი

21 სექტემბერს ტაჯიკეთის პრეზიდენტმა, ემომალი რაჰმონმა, ქალაქ ისტიკლოლში „ტაჯიკურ-ჩინური სამთო კომპანიის“ მეტალურგიული საწარმოს მეორე ეტაპი გახსნა. ახალი საწარმო ადგილობრივი ნედლეულის გადამუშავებასა და უფრო მაღალი ღირებულების პროდუქციის გამოშვებაზეა გათვლილი. ოფიციალური ინფორმაციით, მასში 250 ადგილობრივი და უცხოელი თანამშრომელი დასაქმდება.

საწარმოს წლიური სიმძლავრე 30 ათასი ტონა გაწმენდილი ტყვიის, 1 000 ტონა სპილენძის შემცველი შუალედური პროდუქტის, 40 ტონა ვერცხლისა და 100 კილოგრამი ოქროს წარმოებას ითვალისწინებს. ნედლეული ზარნისორის საბადოდან მიეწოდება, ხოლო პროდუქცია შიდა ბაზართან ერთად ექსპორტისთვისაც არის განკუთვნილი. რაჰმონმა საწარმოსთან მინერალების შემდგომი გადამუშავების საამქროებისგან შემდგარი ტექნოლოგიური პარკის შექმნაც მოითხოვა.

ტაჯიკეთის სახელმწიფო მართვის აკადემიამ ჩინურ უნივერსიტეტთან მემორანდუმი გააფორმა

21 სექტემბერი

21 სექტემბერს ჩინეთის ქალაქ ლანჯოუში ტაჯიკეთის პრეზიდენტთან არსებულმა სახელმწიფო მართვის აკადემიამ და ლანჯოუს ტექნოლოგიურმა უნივერსიტეტმა ურთიერთგაგებისა და თანამშრომლობის მემორანდუმი გააფორმეს. ტაჯიკურ დელეგაციას აკადემიის რექტორი, დავრონ საფარზოდა, ხელმძღვანელობდა. დოკუმენტი განათლების, სამეცნიერო კვლევებისა და აკადემიური გაცვლების სფეროებში თანამშრომლობას ითვალისწინებს.

მემორანდუმის ფარგლებში დაგეგმილია სტუდენტებისა და ლექტორების გაცვლა, სასწავლო პროგრამები, სტაჟირებები და ცენტრალური აზიისა და რეგიონული ეკონომიკის საკითხებზე ერთობლივი კვლევები. მოლაპარაკებებისას მხარეებმა ტაჯიკი საჯარო მოხელეებისთვის მოკლევადიანი სასწავლო კურსებისა და ერთობლივი საგანმანათლებლო პროგრამის შექმნაც განიხილეს. აკადემიამ ასევე შესთავაზა სამეცნიერო პროექტი, რომელიც 2027 წელს ორ ქვეყანას შორის დიპლომატიური ურთიერთობების დამყარების 35 წლისთავს მიეძღვნება.

 

ტაჯიკეთმა სინძიანში ექსპორტისა და სამრეწველო თანამშრომლობის გაფართოება განიხილა

24 სექტემბერი

24 სექტემბერს ურუმჩიში ტაჯიკეთის ეკონომიკური განვითარებისა და ვაჭრობის მინისტრის მოადგილე, რუხშონა ნასრიდდინზოდა, დელეგაციასთან ერთად სინძიან-უიღურის ავტონომიური რაიონის შესაბამისი უწყებების წარმომადგენლებს შეხვდა. მოლაპარაკებების ერთ-ერთი მთავარი საკითხი ჩინეთში გასატანი ტაჯიკური პროდუქციის ჩამონათვალის გაფართოება იყო.

მხარეებმა განიხილეს სანიტარიული და ფიტოსანიტარიული მოთხოვნები, პროდუქციის სტანდარტიზაცია და სერტიფიცირება, ასევე ვაჭრობის შემაფერხებელი ფაქტორების აღმოფხვრა. საუბარი შეეხო ლოგისტიკური ცენტრების შექმნასა და განახლებას, სატვირთო გადაზიდვების ეფექტიანობის გაზრდასა და განახლებად ენერგეტიკაში ინვესტიციების მოზიდვასაც. სამინისტროს ინფორმაციით, შეხვედრის შედეგად მომზადდა ტაჯიკეთსა და სინძიანს შორის სავაჭრო-ეკონომიკური თანამშრომლობის ქვეკომისიის მომდევნო სხდომის დღის წესრიგი.

იმავე დღეს ნასრიდდინზოდა სინძიანის სახალხო წარმომადგენელთა კრების მუდმივი კომიტეტის თავმჯდომარის მოადგილეს, ლი ნინპინსაც, შეხვდა. ამ შეხვედრაზე ყურადღება გამახვილდა კრიტიკულად მნიშვნელოვანი მინერალების გადამამუშავებელი ერთობლივი საწარმოების შესაქმნელად ჩინური ინვესტიციების მოზიდვაზე. მხარეებმა განიხილეს წარმოების სრული ჯაჭვის განვითარება, ნედლეულის გადამუშავებიდან საბოლოო პროდუქციის გამოშვებამდე, და თანამშრომლობის გაფართოება ფორმატში „ცენტრალური აზია-ჩინეთი“.

ჩინეთი სამხრეთ კავკასიასა და ტაჯიკეთში (21-27 სექტემბერი) Read More »

Scroll to Top