Civicidea

ჩინელი ჰაკერების თავდასხმა აშშ-ს სახაზინო მდივნის, ჯანეტ იელენის კომპიუტერზე

ერთი ახალი ამბავი / /

აშშ-ს სახაზინო მდივნის, ჯანეტ იელენის კომპიუტერზე უკანონო წვდომა განხორცილდა. ჰაკერებმა არაკლასიფიცირებული მასალები მოიპოვეს. იელენის კომპიუტერზე თავდასხმა სახაზინო დეპარტამენტზე დეკემბერში განხორციელებული ფართო მასშტაბის კიბერშეტევის ნაწილი იყო. შემთხვევაზე პასუხისმგებლობა ჩინეთის სახელმწიფოს მიერ მხარდაჭერილ ჰაკერებს ეკისრებათ, აცხადებს საქმესთან დაკავშირებული ორი პირი, რომლებმაც ანონიმურად დარჩენა ისურვეს.

წყაროების ცნობით, ჰაკერებმა ასევე შეაღწიეს იელენის ორი მოადგილის, ვოლი ადეიემოს და ბრედ სმიტის კომპიუტერებში. ერთ-ერთი წყაროს ინფორმაციით, იელენის კომპიუტერიდან 50-მდე ფაილი იქნა ამოღებული.

ჰაკერების ყურადღება ძირითადად მიმართული იყო დეპარტამენტის საქმიანობაზე, რომელიც სანქციებს, დაზვერვასა და საერთაშორისო ურთიერთობებს ეხებოდა. როგორც დეპარტამენტის ანგარიშშია ნათქვამი, ჰაკერები არ შესულან ელფოსტასა და კლასიფიცირებულ სისტემებში. ინფორმაცია Bloomberg News-მა გადაამოწმა.

მაღალი თანამდებობის პირების კომპიუტერებზე თავდასხმის გარდა, ჰაკერებმა 400-ზე მეტ ლეპტოპსა და სამაგიდო კომპიუტერში შეაღწიეს. როგორც დეპარტამენტის ანგარიშშია აღნიშნული, ჰაკერებმა პირად მოწყობილობებზე შენახული მომხმარებლის სახელები, პაროლები და 3,000-ზე მეტი ფაილი მოიპოვეს.

ჰაკერებმა ასევე წვდომა მოიპოვეს საგარეო ინვესტიციების ეროვნული უსაფრთხოების რისკების შეფასებასთან დაკავშირებულ “სამართალდამცავებისთვის მგრძნობიარე” ინფორმაციასა და მასალებზე.

დაცვის პროგრამული უზრუნველყოფის კონტრაქტორმა, BeyondTrust Corp-მა 8 დეკემბერს აცნობა დეპარტამენტს, რომ ჰაკერებმა მათი ქსელი გამოიყენეს კომპიუტერებში შეღწევის მიზნით. სახაზინო დეპარტამენტმა დახმარება ითხოვა კიბერუსაფრთხოების და ინფრასტრუქტურის დაცვის სააგენტოს, FBI-სა და სხვა სადაზვერვო უწყებებისგან.

გამომძიებლებმა თავდასხმა მიაწერეს ჩინეთის სახელმწიფოს მიერ მხარდაჭერილ ჯგუფს, რომელიც კიბერუსაფრთხოების წრეებში Silk Typhoon-ის ან UNC5221-ს სახელით არის ცნობილი.

ჩინეთის ოფიციალური პირები მუდმივად უარყოფენ აშშ-ის ბრალდებებს სახელმწიფოს მიერ  მხარდაჭერილი კიბერშეტევების შესახებ. გასულ თვეში, ჩინეთის საგარეო საქმეთა სამინისტროს წარმომადგენელმა უარყო, რომ ჩინეთის მთავრობა პასუხისმგებელი იყო სახაზინო სამინისტროზე კიბერთავდასხმაში და ბრალდებებებს “არაკანონიერი და უსაფუძვლო” უწოდა.

„ჩინეთი ყოველთვის ეწინააღმდეგებოდა ყველა ფორმის ჰაკერულ შეტევას,“ განაცხადა საგარეო საქმეთა სამინისტროს წარმომადგენელმა მაო ნინგმა.

The Wall Street Journal–ის მიხედვით, ჩინეთს 2023 წელსაც ადანაშაულებდნენ აშშ-ის მთავრობის მაღალი თანამდებობის პირების, მათ შორის ვაჭრობის მდივნის, ჯინა რაიმონდის და ჩინეთში აშშ-ის ელჩის, ნიკოლას ბერნსის, ელფოსტების გატეხვაში.

ჩინელი ჰაკერების თავდასხმა აშშ-ს სახაზინო მდივნის, ჯანეტ იელენის კომპიუტერზე Read More »

აშშ-ის გამოძიებამ გამოავლინა, რომ ჩინეთი იყენებს „უსამართლო“ და “გაუმართლებელ” პრაქტიკას საზღვაო სექტორში პირველობისთვის: რა შეიძლება მოხდეს შემდეგ?

ერთი ახალი ამბავი / /

ბაიდენის ადმინისტრაციამ დაადგინა, რომ ჩინეთი იყენებს „უსამართლო პოლიტიკასა და პრაქტიკას“ გლობალური გემთმშენებლობის, ლოჯისტიკისა და საზღვაო სექტორებში დომინაციის მისაღწევად. ინფორმაცია Reuters-მა გამოძიებასთან დაახლოებულ სამი წყაროზე დაყრდნობით გაასაჯაროვა. 

აშშ-ის ვაჭრობის წარმომადგენელმა, კეტრინ ტაიმ გამოძიება 2024 წლის აპრილში დაიწყო, მას შემდეგ, რაც აშშ-ის ფოლადის მუშათა კავშირმა კიდევ 4 სხვა პროფესიულ კავშირთან ერთად პეტიცია წარადგინა. გამოძიება ჩატარდა 1974 წლის სავაჭრო აქტის 301-ე სექციის მიხედვით, რომელიც აშშ-ს საშუალებას აძლევს, დააწესოს სანქციები იმ ქვეყნებზე, რომლებიც აწარმოებენ „გაუმართლებელ“, „უსამართლო“ ან აშშ-ის ვაჭრობისთვის საზიანო პრაქტიკას.

წყაროების ცნობით, გამოძიების შედეგად დადგინდა, რომ ჩინეთი მიზანმიმართულად ცდილობდა გემთმშენებლობასა და საზღვაო სექტორებში გლობალური დომინაციის მოპოვებას. დასკვნებში აღნიშნულია, რომ ქვეყანამ გამოიყენა „ფინანსური მხარდაჭერა, ბარიერები უცხოური კომპანიებისთვის, ტექნოლოგიის იძულებითი ტრანსფერი, ინტელექტუალური საკუთრების მიტაცება და შესყიდვების პოლიტიკა“, რათა გაეძლიერებინა საკუთარი კონკურენტული უპირატესობა. წყაროს მიხედვით, პეკინმა „ხელოვნურად მასშტაბურად შეამცირა ჩინეთში შრომის ხარჯები საზღვაო, გემთმშენებლობისა და ლოგისტიკის სექტორებში“.

მიუხედავად იმისა, რომ აშშ-ის ოფიციალურ პირებს ჯერ არ დაუდასტურებიათ ან უარყვიათ ეს დასკვნები. ინფორმაცია საყურადღებოა ორ უმძლავრეს ეკონომიკას შორის კონკურენციის ზრდის პირობებში, განსაკუთრებით მაშინ, როდესაც ვაშინგტონი ცდილობს შეამციროს ჩინურ წარმოებასა და მიწოდების ქსელებზე დამოკიდებულება.

აზიის ქვეყნების, მათ შორის სამხრეთ კორეისა და იაპონიის საწარმოებმა შესაძლოა ჩინეთის გემთმშენებლებზე დაწესებული პოტენციური სანქციებით ისარგებლონ. თუმცა, ანალიტიკოსებისა და ჩინური გემთმშენებლობის წამყვანი კომპანიის მაღალი რანგის აღმასრულებელი პირის თქმით, აღნიშნული ინდუსტრია, თავისი მასშტაბისა და ხარჯების უპირატესობის გამო, მოკლევადიან პერიოდში ამერიკის მიერ მიღებულ ზომებს გაუმკლავდება.

აშშ-ის გამოძიების მიხედვით მოყვანილი მონაცემებით, ჩინეთის წილმა გლობალურ გემთმშენებლობაში 2023 წელს 50%-ს გადააჭარბა.

„ჩინეთის გემთმშენებლებმა გადაუსწრეს ყველას, მათ შორის იაპონელებსა და კორეელებს,“ – თქვა ტასმანიის უნივერსიტეტის აზიური კვლევების პროფესორმა ჯეიმს ჩინმა.

ჩინმა ასევე დაამატა, რომ ჩინეთის გემთმშენებლები „დაცულები არიან მოკლე ვადაში – დაახლოებით 24 თვემდე – იმ ზომებისგან, რაც აშშ-მ შესაძლოა მიიღოს.“

აშშ-ის გამოძიებამ გამოავლინა, რომ ჩინეთი იყენებს „უსამართლო“ და “გაუმართლებელ” პრაქტიკას საზღვაო სექტორში პირველობისთვის: რა შეიძლება მოხდეს შემდეგ? Read More »

ჩინური ბანკების საქართველოში შემოსვლის რისკები

ამბები, კვლევა / /

სამოქალაქო იდეას ახალი ანგარიში ეხმაურება სინო-ქართული სტრატეგიული პარტნიორობის ერთ-ერთ მოსალოდნელ შედეგს, ქართულ ბაზარზე ჩინური ბანკების შემოსვლას.

ანგარიშში წარმოდგენილია ბოლო რამდენიმე თვის განმავლობაში საქართველოსა და ჩინეთის ცენტრალურ ბანკებს შორის გამართული შეხვედრები, რომლებზეც ეროვნული ბანკის წარმომადგენლებმა არაერთხელ გამოთქვეს სურვილი ჩინური სამთავრობო ბანკების ქართულ ბაზარზე შემოსვლის შესახებ.

ანგარიშში ასევე განხილულია ის რისკები და გამოწვევები, რომლებიც ჩინური ფინანსური ინსტიტუტების საქმიანობას უკავშირდება. მათ შორის, წარმოდგენილია „ვალის მახის დიპლომატიის“ შემთხვევები შრი-ლანკაში, ტაჯიკეთსა და მონტენეგროში.

ჩინური ბანკების საქართველოში შემოსვლის რისკები Read More »

ჩინეთ-ევროკავშირის სავაჭრო დაძაბულობა

ერთი ახალი ამბავი / /

პეკინმა ევროკავშირი გააკრიტიკა ჩინური კომპანიებისათვის უსამართლო სავაჭრო ბარიერების დაწესებისთვის. აღნიშნული სავაჭრო ბარიერების დაწესებით, ევროკავშირი ემზადება ტრამპის ადმინისტრაციის მოსალოდნელ ტარიფებთან გასამკლავებლად.

ჩინეთის ვაჭრობის სამინისტრომ გამოაქვეყნა გამოძიების შედეგები, სადაც აღნიშნულია, რომ ევროკომისიის მიერ კონკურენციის პოლიტიკის შერჩევითი აღსრულება უსამართლოდ არის მიკერძოებული ჩინური კომპანიების მიმართ. ევროკავშირმა ოქტომბერში ტარიფები გაზარდა ჩინური წარმოების ელექტრომობილებზე, პეკინის აზრით კი, ,,უცხოური სუბსიდიების“ განმარტება სუბიექტური და დამაზიანებელია, რის გამოც შურისძიებას ევროკავშირის ქვეყნები უნდა მოელოდნენ.

ჩინეთის ვაჭრობის სამინისტროს მიერ გამოქვეყნებულ 20-გვერდიან ანგარიშში წერია, რომ ევროკომისიამ არაერთხელ გააფრთხილა კომპანიები რეგულაციების დარღვევებისათვის საპასუხო ზომებზე და მძიმე ჯარიმებითაც დაემუქრა. ამასთანავე, ზოგიერთ ჩინურ კომპანიას გამოძიების შეწყვეტის სანაცვლოდ, პროექტების გაუქმება მოუწია, რამაც, ჩინური მხარის თქმით, 15,6 მილიარდ იუანზე მეტი ზარალი გამოიწვია, რაც დაახლოებით 2,13 მილიარდი დოლარის ეკვივალენტურია.

საგულისხმოა ისიც, რომ გასულ წელს ევროკავშირმა დაიწყო გამოძიება ჩინური მატარებლების მწარმოებელზე, რომელიც ბულგარეთისათვის მატარებლების მიწოდებას გეგმავდა. ასევე, ეს პროცესი გავრცელდა ჩინეთის საკუთრებაში არსებული მზის პანელების კომპანიების მიმართ, რომლებიც რუმინეთში ფოტოელექტრული პარკის აშენებას ცდილობდნენ. ევროპულმა ხელისუფლებამ ჩაატარა რეიდები ჩინეთის უსაფრთხოების აღჭურვილობის მიმწოდებლის Nuctech-ის ჰოლანდიურ და პოლონურ ოფისში. ამის საპასუხოდ, პეკინმა გასულ წელს წამოიწყო სავაჭრო გამოძიება ევროპულ პროდუქტებზე, რამაც შესაძლოა ბლოკიდან ძვირადღირებული მანქანების იმპორტზე ტარიფების ზრდა გამოიწვიოს.

ჩინეთსა და ევროკავშირს აქვთ ძლიერი “სიმბიოზური” ეკონომიკური ურთიერთობა და პეკინი იმედოვნებს, რომ ბლოკი შეიძლება “სანდო პარტნიორი გახდეს თანამშრომლობისთვის”, – განუცხადა პრეზიდენტმა სი ძინპინმა ევროსაბჭოს პრეზიდენტს ანტონიო კოსტას სამშაბათს. – ევროკავშირის წარმომადგენლის თქმით, მან მოუწოდა პეკინს, წვლილი შეიტანოს უკრაინის სამართლიან და გრძელვადიან მშვიდობაში.

ევროკავშირის საგარეო სუბსიდირების რეგულაცია ბლოკის 27 წევრი სახელმწიფოს ბიზნესის დაცვას ემსახურება არაკეთილსინდისიერი კონკურენციისაგან. ეს ყოველივე ბრიუსელს უფლებამოსილებას ანიჭებს, რომ გამოიძიოს შემთხვევები სახელმწიფო სუბსიდიების მიერ ბაზრის დაზიანების თავიდან არიდების მიზნით.

ჩინეთ-ევროკავშირის სავაჭრო დაძაბულობა Read More »

ამერიკული სანქციების ფონზე ჩინეთ-რუსეთის სავაჭრო ურთიერთობების რეკორდული მაჩვენებლები

ერთი ახალი ამბავი / /

2024 წელს ჩინეთსა და რუსეთს შორის სავაჭრო ურთიერთობები მნიშვნელოვნად გაიზარდა. რუსეთში ჩინური იმპორტისა და ექსპორტის ღირებულებამ 2024 წელს 1.75 ტრილიონი იუანი ( $237 მილიარდი) შეადგინა, რაც რეკორდულად მაღალი მაჩვენებელია. ჩინეთ-რუსეთის ორმხრივმა ვაჭრობამ 2024 წელს 244,8 მილიარდი დოლარი შეადგინა, რაც 4 მილიარდით აღემატება წინა წლის მაჩვენებელს.

ჩინეთის გენერალური საბაჟო ადმინისტრაციის მონაცემებით, ჩინეთ-რუსეთის ვაჭრობის იუანში დენომინირებული ღირებულება 2024 წელს 2023 წელთან შედარებით 2,9%-ით გაიზარდა, თუმცა ეს ზრდა ბევრად ნელი იყო, ვიდრე 2023 წელს. ამასთან, ჩინური პროდუქციის მიწოდება რუსეთისთვის 2024 წელს, წინა წელთან შედარებით, იუანის კუთხით 5%-ით გაიზარდა, რაც მკვეთრად ჩამორჩება 2023 წლის 53,9%-იან ზრდას.

ჩინეთისა და რუსეთის ასეთი მჭიდრო ეკონომიკური კავშირები ამერიკისთვის უკვე დიდი ხანია ყურადღების საგანია. ჯერ კიდევ 2024 წლის ივლისში ბაიდენმა მკაფიო განცხადება გააკეთა, რომ ჩინეთსა და სი ძინპინს აუცილებლად მოუწევდათ პასუხისგება იმის გამო, რომ უკრაინის წინააღმდეგ ბრძოლაში რუსეთს დიდ დახმარებას უწევდნენ.

როგორც რუსეთის პრეზიდენტი ვლადიმირ პუტინი აცხადებს, ჩინეთსა და რუსეთს შორის ვაჭრობის მთავარ გამოწვევას ერთმანეთისთვის ანგარიშსწორებისა და გადახდის გზებზე შეთანხმება წარმოადგენს. ამის მიუხედავად, პუტინმა ხაზი გაუსვა, რომ 2024 წელს ორ სახელმწიფოს შორის ურთიერობამ აქამდე არნახულ დონეს მიაღწია, რაც მან დადებით პროცესად შეაფასა. პუტინისთვის საახალწლო მილოცვაში ჩინეთის პრეზიდენტმა სი ძინპინმა მსგავი პოზიცია დააფიქსირა  და განაცხადა, რომ ჩინეთი და რუსეთი ყოველთვის „ხელიხელჩაკიდებულები“ მიიწევდნენ წინ სწორი მიმართულებით. რუსეთის სახელმწიფო საინფორმაციო სააგენტო RIA-მ ასევე გაავრცელა დეკემბერში მოსკოვის ელჩის პეკინში ვიზიტის დროს გაცემული დაპირება, რომლის მიხედვითაც სი ძინპინი 2025 წელს რუსეთს ესტუმრება.

ჩინეთსა და რუსეთს შორის გაძლიერებული ვაჭრობა განპირობებულია დასავლეთის მხრიდან რუსეთისკენ მიმართული სანქციებით. როგორც აშშ-ში დაფუძნებული ანალიტიკური ცენტრის, The Conference Board-ის ჩინეთის ცენტრის ხელმძღვანელი ალფრედო მონტუფარ-ჰელუ აცხადებს, რუს მომხმარებლებს დასავლეთის სანქციების გამო შიდა ბაზარზე ასარჩევად ნაკლები ალტერნატივა აქვთ, რაც ზრდის მოთხოვნილებას ჩინური საქონლის მიმართ. მისი წინასწარმეტყველებით, ამ ორ სახელმწიფოს შორის ვაჭრობა 2025 წელსაც გაგრძელდება, რადგან ჩინეთი უფრო და უფრო დიდი ბაზარი ხდება რუსული ექსპორტისთვის, ჩინური პროდუქცია ავსებს იმ დანაკლისს, რაც რუსულ ბაზარს დასავლური ქვეყნებისგან პროდუქციის შეზღუდული მიწოდებით წარმოექმნება.

თუმცა ამ ორმხრივ ვაჭრობას 2025 წელს დიდი გამოცდა ელის. 10 იანვარს აშშ-ს სახაზინო დეპარტამენტმა რუსეთის ენერგეტიკული სექტორის წინააღმდეგ დამატებითი სანქციების დაწესების შესახებ გამოაცხადა. ეს სანქციები მიმართულია რუსეთის ორი ყველაზე მნიშვნელოვანი ნავთობის მწარმოებელი და ექსპორტიორი კომპანიის, „გაზპრომ ნეფტისა“ (Gazprom Neft) და „სურგუტნეფტეგაზის“ (Surgutneftegaz) წინააღმდეგ. ასევე, მოსკოვის ენერგეტიკული შემოსავლების შესამცირებლად 183 გემი გამოცხადდა დაბლოკილ საკუთრებად. შტატებში თვლიან, რომ სწორედ ენერგეტიკული ინდუსტრიაა კრემლის მთავარი შემოსავლის წყარო, რითაც უკრაინაში სამხედრო აგრესიის დაფინანსებას ახერხებს.

აშშ-ს ფინანსთა მინისტრმა ჯანეტ იელენმა მოლარაპაკებების დროს ჩინეთის ვიცე-პრემიერი ჰე ლიენგი გააფრთხილა, რომ ჩინური კომპანიები მიიღებდნენ შესაბამის რეაქციასა და შედეგებს, თუ ისინი რუსეთს უკრაინის წინააღმდეგ მატერიალურ დახმარებას გაუწევენ.

ჩინეთის სამგზავრო მანქანების ასოციაციის გენერალურმა მდივანმა კუი დონგშუმ ჩინურ მედიას განუცხადა, რომ 2025 წელს რუსეთში მანქანების ექსპორტი შეიძლება შემცირდეს კიდეც, რაც სწორედ გადასახადების გაზრდითაა გამოწვეული.

ამერიკული სანქციების ფონზე ჩინეთ-რუსეთის სავაჭრო ურთიერთობების რეკორდული მაჩვენებლები Read More »

ახალი გამოწვევა ჩინური სათვალთვალო კამერები საქართველოში

ამბები, კვლევა / /

“სამოქალაქო იდეას“ ახალი ანგარიში იკვლევს ჩინეთ-საქართველოს სამართალდაცვითი თანამშრომლობის ახალ ასპექტს: ქართული სამთავრობო ინსტიტუტების მიერ ჩინური სადაზვერვო ტექნოლოგიების შესყიდვას.

სამოქალაქო იდეამ საჯაროდ ხელმისაწვდომი ინფორმაციის საფუძველზე, გამოიკვლია 2019-2024 წლებში ჩინური სათვალთვალო კამერების შესაძენად განხორციელებული სახელმწიფო შესყიდვების შემთხვევები. აღნიშნული მონაცემების ანალიზმა აჩვენა ჩინური ტექნოლოგიების შეძენის მზარდი ტენდენცია.

ანგარიშის ბოლო ნაწილში მიმოხილულია ჩინური სადაზვერვო ტექნოლოგიებისთვის დამახასიათებელი გამოწვევები, როგორებიცაა მონაცემების დაუცველობა, კიბერ-თავდასხმის რისკები, ადამიანის უფლებების დარღვევები და ახლო კავშირები ჩინეთის კომუნისტურ პარტიასთან. აღნიშნული გამოწვევების გამო, ჩინური სათვალთვალო ტექნოლოგიები არაერთი დასავლური სახელმწიფოს მიერაა აკრძალული.

 

ქართულ ბაზარზე ჩინური კომპანიების მიერ წარმოებული სათვალთვალო ტექნოლოგიების წილის მკვეთრად იზრდება. ამის შესახებ საუბარია “სამოქალაქო იდეის” კვლევაში, რომელმაც ქართული სამთავრობო ინსტიტუტების მიერ ჩინური სადაზვერვო ტექნოლოგიების შესყიდვის საკითხი გამოიკვლია.

ჩინური კამერები კვლავ საერთაშორისო წუხილის მიზეზია

ახალი გამოწვევა ჩინური სათვალთვალო კამერები საქართველოში Read More »

ჩინურმა კიბერ-შპიონაჟის კამპანიამ აშშ-ს უცხოური ინვესტიციების ოფისამდე მიაღწია

ერთი ახალი ამბავი / /

CNN-ის მიხედვით, ჩინელმა ჰაკერებმა შეაღწიეს აშშ-ს მთავრობის ოფისში, რომელიც განიხილავს  უცხოურ ინვესტიციების რისკს ეროვნული უსაფრთხოებისთვის. აღნიშნული ქმედება კიდევ ერთხელ უსვამს ხაზს ჩინეთის ინტერესს იმ ამერიკული ინსტიტუტების მიმართ, რომლებსაც აქვთ უფლებამოსილება დაბლოკონ ჩინური ინვესტიციები აშშ-ში.

ჰაკერული კამპანიის სამიზნე ოფისმა, აშშ-ში უცხოური ინვესტიციის კომიტეტმა (CFIUS), 2024 წლის დეკემბერში მოიპოვა ამერიკულ სამხედრო ბაზებთან უძრავი ქონების გაყიდვების უფრო დეტალურად შესწავლის უფლება, ვინაიდან ეროვნული უსაფრთხოების სპეციალისტები მიიჩნევენ, რომ ჩინეთმა ან მისმა სატელიტებმა, შესაძლოა, მიწები შეისყიდონ ბაზებზე სათვალთვალოდ.

გარდა CFIUS-ისა, ჰაკერული თავდასხმა შეეხო უცხოური აქტივების კონტროლის ოფისსაც, რომელიც სანქციებზეა პასუხისმგებელი. აღსანიშნავია, რომ უცხოური აქტივების კონტროლის ოფისმა ახლახანს დაასანქცირა ერთ-ერთი ჩინური კომპანია კიბერშეტევებში შესაძლო ჩართულობისთვის. 

ბლუმბერგის სტატიის მიხედვით, ჰაკერული თავდასხმების უკან ჩინური დაჯგუფება Silk Typhoon დგას, რომელიც  2021 წელს Microsoft Exchange Server-ზე  თავდასხმაშიც იყო ჩართული.

ვაშინგტონში ჩინეთის საელჩოს სპიკერმა, ლიუ პენგიუმ კიდევ ერთხელ უარყო ჩინეთის ჩართულობა ჰაკერულ ოპერაციებში.

ჩინურმა კიბერ-შპიონაჟის კამპანიამ აშშ-ს უცხოური ინვესტიციების ოფისამდე მიაღწია Read More »

ჩინური კომპანია “CRTG”: უსაფრთხოების რისკები და ინფრასტრუქტურული პრობლემები

კვლევა / /

„სამოქალაქო იდეა“ წარმოგიდგენთ მორიგ პუბლიკაციას ქართულ ასპარეზზე ახლადგამოჩენილი კომპანიიის “China Railway Tunnel Group (CRTG)” შესახებ.

ანგარიში მიმოიხილავს სკანდალებსა და პრობლემატურ ისტორიას ჩინეთის სახელმწიფო საკუთრებაში არსებულ კომპანიაზე, რომელსაც აბარია ორი მნიშვნელოვანი პროექტი:
(1) ქვეშეთი-კობის რუსეთთან დამაკავშირებელი მაგისტრალი და (2) სტეფანწმინდა-გველეთის დამაკავშირებელი გზა.

კვლევა აღწერს კომპანიასთან “CRTG” დაკავშირებულ უსაფრთხოების რისკებს, ინფრასტრუქტურულ პრობლემებს, მძიმე საერთაშორისო დარღვევებსა და კომპანიის პრობლემურ ისტორიას.

კვლევა აღწერს როგორც კომპანიის აქტივობებს საქართველოს ბაზარზე, ასევე სხვადასხვა ქვეყნის რიგ გამოცდილებებს კომპანიასთან დაკავშირებით.

ჩინური კომპანია “CRTG”: უსაფრთხოების რისკები და ინფრასტრუქტურული პრობლემები Read More »

როგორ მანიპულირებენ სამთავრობო ტროლები ევროსტატის მონაცემებით?

კვლევა / /

სიღარიბის ერთიანი სტანდარტის არარსებობისა და თვლადების იგნორირების პირობებში სრულიად დეზინფორმაციული და არაფრისმთქმელია გარკვეული სამთავრობო ტროლების მხრიდან იმაზე გლოვა რომ, Eurostat-ის ინფორმაციის შესაბამისად, ევროკავშირის მოსახლეობის 21.4%, ანუ 94.6 მილიონი ადამიანი, სიღარიბისა და სოციალური გარიყულობის რისკის ქვეშ იმყოფება.

სრული კატეგორიულობით უნდა ითქვას, რომ საქართველო და ევროკავშირი სიღარიბეს სრულიად განსხვავებული სტანდარტებითა და კრიტერიუმებით ითვლიან და, შესაბამისად, სიღარიბის მაჩვენებელი რიცხვები ერთმანეთთან ერთი რომელიმე კოეფიციენტის მიხედვით არ დარდება.

თუკი მაინცდამაინც უნდა დავადაროთ, შესაძლებელია სიღარიბის საერთაშორისო ზღვარი გამოვიყენოთ, რომელიც განსაზღვრულია 3.65 აშშ დოლარზე ნაკლები დღიური შემოსავლით. ამ მონაცემის შესაბამისად, საქართველოში ყოველი მე-5 ადამიანი სიღარიბის საერთაშორისო ზღვარს მიღმა ცხოვრობს, ევროკავშირში კი ასეთი მხოლოდ ყოველი 167-ე.

სტატია სრულად:

როგორ მანიპულირებენ სამთავრობო ტროლები ევროსტატის მონაცემებით? Read More »

ბაიდენმა ჰონგ კონგის ოფიციალურ პირებზე სანქციები გაახანგრძლივა

ერთი ახალი ამბავი / /

აშშ-ს პრეზიდენტმა, ჯო ბაიდენმა ხელი მოაწერა კანონმდებლობას, რომლითაც ხუთი წლით გაახანგრძლივა 2019 წლის „ჰონგ კონგის ადამიანთა უფლებებისა და დემოკრატიის აქტი“. აქტი მოიცავს სანქციებს ჩინეთის ავტორიტეტულ ფიგურებზეც, რაც ჰონგ კონგის ავტონომიურობის, ისევე, როგორც გამოხატვისა და შეკრების თავისუფლების უფლებების შელახვითაა დასაბუთებული.

კანონმდებლობა ყოველწლიური „ეროვნული თავდაცვის ავტორიზაციის აქტის“ (NDAA) ნაწილია, რომელიც განსაზღვრავს ფინანსებსა და აშშ-ს სამხედრო პოლიტიკას შემდეგი ფისკალური წლის განმავლობაში. გარდა ჰონგ კონგის აქტისა, გახანგრძლივდა „ტიბეტზე ორმხრივი წვდომის“ და „უიღურების ადამიანთა უფლებების პოლიტიკის“ აქტები.

ჰონგ კონგი და პეკინი ამერიკულ სანქციებს გმობენ და ვაშინგტონს აფრთხილებენ, რომ სანქციები თავად აშშ-ს ვნებს, რის არგუმენტადაც აშშ-სა და ჰონგ კონგს შორის სავაჭრო ურთიერთობას ასახელებენ.

ამერიკული სანქციების სიმკაცრეს ზურგს უმაგრებს აშშ დოლარის გავლენა გლობალურ ფინანსურ სისტემაზე – მსგავსი შეზღუდვების სიაში მოხვედრილი პირებისთვის წესდება როგორც ფინანსური, ისე სამოგზაურო შეზღუდვებიც.

ჰონგ კონგის მოქმედმა თავმჯდომარემ უსაფრთხოების საკითხებში, ქერი ლემმა განაცხადა, რომ ის სანქციებს თავს არიდებდა ხელფასის „ქეშით“ (ნაღდი ფული) აღებითა და თავის რეზიდენციაში შენახვით.

გარდა ზემოაღნიშნულისა, აშშ-ს სახელმწიფო დეპარტამენტმა ნოემბერში დამატებითი სანქციები დააანონსა, რაც, ძირითადად, სავიზო შეზღუდვებს შეეხება.

აღნიშნული ზომების შესახებ გადაწყვეტილება ამერიკულმა მხარემ მას შემდეგ მიიღო, რაც ჰონგ კონგში ოპოზიციის 45 წარმომადგენელი დააკავეს ხელისუფლების დამხობის მცდელობის ბრალდებით.

საპასუხოდ, ჩინეთიც აწესებს სანქციებს იმ ამერიკელ პირებზე, რომელთა საქმიანობასაც (იგულისხმება ჰონგ კონგთან მუშაობა) იგი ნეგატიურად აფასებს.

ბაიდენმა ჰონგ კონგის ოფიციალურ პირებზე სანქციები გაახანგრძლივა Read More »

Scroll to Top