“The wall street journal”-მა თავის სტატიაში სამოქალაქო იდეა ახსენა
“The wall street journal”-მა თავის სტატიაში, რომელიც საქართველოსა და მოლდოვას დემოკრატიულ პროცესებში რუსეთის ხელისშემშლელ პოლიტიკას ეხება, სამოქალაქო იდეა ახსენა:
“პროდასავლურმა ქართულმა არაკომერციულმა ორგანიზაცია “სამოქალაქო იდეამ” გამოაქვეყნა კვლევა, რომელშიც აღწერილია მმართველი პარტია “ქართული ოცნების” დონორების ვრცელი რუსული ფინანსური კავშირები.”“The wall street journal”-მა თავის სტატიაში სამოქალაქო იდეა ახსენა Read More »
Nuctech-მა ევროკავშირის წინააღმდეგ კომპანიის ინსპექტირებასთან დაკავშირებული ახალი სარჩელი შეიტანა
Nuctech-მა ევროკავშირის წინააღმდეგ კომპანიის ინსპექტირებასთან დაკავშირებული ახალი სარჩელი შეიტანა.
ჩინურმა უსაფრთხოების კომპანია Nuctech-მა განაცხადა, რომ მან ევროსასამართლოს გადაწყვეტილება გაასაჩივრა. ევროსასამართლოს გადაწყვეტილებით, მისი წინა სარჩელი კომპანიის ინსპექტირების შეჩერების საკითხზე, არ დაკმაყოფილდა.
„ვთვლით, რომ სასამართლოს გადაწყვეტილება არ იყო დაფუძნებული საფუძვლიან სამართლებრივ განხილვაზე და, შესაბამისად, მან ვერ შეძლო უარის დამაჯერებელი ახსნა“, – განაცხადა Nuctech-მა. და სარჩელი ლუქსემბურგში, ევროპის მართლმსაჯულების სასამართლოში შეიტანა.
“Nuctech Europe-ი დაიცავს თავის უფლებებს და აცხადებს მზაობას ითანამშრომლოს ევროკომისიასთან აღნიშნულ საქმეზე. ჩვენ გვჯერა, რომ გასაჩივრების პროცესი ხელს შეუწყობს საქმეზე მეტად სამართლიანი და გონივრული გადაწყვეტილების მიღებას”, – აღნიშნა კომპანიის წარმომადგენელმა განცხადებაში.
Nuctech-მა თავდაპირველად ევროკომისიის წინააღმდეგ საქმე მისი ჰოლანდიისა და პოლონეთის ოფისების დარბევის გამო აღძრა, სადაც ამტკიცებდა, რომ არ არსებობდა დარბევის გამამართლებელი შესაბამისი მტკიცებულებები.
აღნიშნულ საქმეზე სასამართლომ დაადგინა, რომ ევროკომისიას აქვს უფლებამოსილება გამოიძიოს და ინფორმაცია მოითხოვოს ევროკავშირის ტერიტორიაზე მოქმედი ყველა ბიზნესისგან განურჩევლად იმისა ვინ ფლობს მას – ევროკავშირის წევრი თუ არაწევრი ქვეყნები, შეაფასოს მისი საქმიანობის ევროკავშირის კანონმდებლობასთან შესაბამისობა და აღკვეთოს პოტენციური კანონდარღვევა.
კომპანია Nuctech-ი აეროპორტებისა და პორტებისთვის სხეულისა და ბარგის სკანერებს მოწყობილობებს მსოფლიოს 170-ზე მეტ ქვეყანაში აწარმოებს. ის იმ ჩინურ კომპანიებს შორისაა, რომლებიც ამერიკის შეერთებული შტატების მთავრობამ შავ სიაში შეიყვანა, როგორც საფრთხის შემცველი კომპანია ქვეყნის ეროვნული უსაფრთხოებისთვის.
“ქართული ოცნების შემომწირველების რუსული ბიზნესები” ნაწილი II
ორგანიზაცია, სამოქალაქო იდეამ, ამა წლის 16 ოქტომბერს წარმოგიდგინათ ფაქტები მმართველი პარტიის, რუსული ხაზინის შესახებ. კერძოდ, ჩვენს ანგარიშში ნათლად გამოჩნდა, რომ ქართული ოცნების მსხვილი შემომწირველების უმრავლესობის უკან რუსეთის ბაზარი და რუსული ფული დგას. მათი ინტერესები ორგანულად არის დაკავშირებული მოსკოვთან და შესაბამისად, მეტი სარგებლის მიღებისთვის სწორედ რუსეთზე დამოკიდებულების ზრდას და გაძლიერებას უჭერენ მხარს. ჩვენ ფაქტებით გაჩვენეთ თუ რამ გამოიწვია ქართული ღვინის ექსპორტის რუსულ ბაზარზე დამოკიდებულების 73,5 პროცენტამდე ზრდა, რაც ერთმნიშვნელოვნად ისეთი სახიფათო ზღვარია, რომელიც კრემლის მხრიდან ბაზრის საკუთარი პოლიტიკური ამოცანებისთვის გამოყენების ნებისმიერი შემდეგი რაუნდის დროს, ქართულ ეკონომიკას მორიგი კრიზისითა და ჩამოშლით ემუქრება.
მთავარი მავნებლობა, რომელიც ქართული ოცნების მმართველობის ბოლო წლებში განხორციელდა, ბაზრების დივერსიფიცირების ნაცვლად, რუსულ ბაზარზე დამოკიდებულების მუდმივი ზრდაა რაც სწორედ ბიძინა ივანიშვილის ოჯახის წევრების (ალექსანდრე ივანიშვილი, უჩა მამაცაშვილი და სხვები) და მათი ბიზნეს პარტნიორი შემომწირველების ხელით კეთდებოდა.
დღეს, ამ კვლევის მეორე ნაწილი უნდა წარმოგიდგინოთ, სადაც კიდევ უფრო ტრაგიკულ შემთხვევებზე მოგიყვებით. კერძოდ, ფაქტობრივ მასალაზე დაყრდნობით იხილავთ ოცნების იმ შემომწირველების შესახებ ინფორმაციას, რომლებიც არა უბრალოდ ვაჭრობენ ან სხვაგვარ ეკონომიკურ-პოლიტიკურ კავშირებში არიან რუსეთთან, არამედ უკრაინაში „ომის საერთაშორისო სპონსორების სიაში“ მოხვდნენ და შესაბამისად სანქციების ქვეშ არიან.
იხილეთ კვლევის მეორე ნაწილი სრულად:
“ქართული ოცნების შემომწირველების რუსული ბიზნესები” ნაწილი II Read More »
ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ
ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ
სამშაბათს ჩინეთმა ოფიციალურად დაადასტურა, რომ ჩინეთსა და ინდოეთს შორის საზღვრებთან დაკავშირებით სადავო საკითხებზე შეთანხმება შედგა. თუმცა ზუსტად რაზე შეთანხმდნენ მხარეები მედიისთვის უცნობია. შესაბამისად, უცნობი რჩება, საზღვრის მთელ სიგრძეზე ვრცელდება აღნიშნული შეთანხმება თუ ხოლოდ იმ კონკრეტულ პუნქტებზე, რომლებზეც მხარეები 2020 წლიდან დავობენ.
ჩინეთ-ინდოეთს შორის ურთიერთობები მას შემდეგ დაიძაბა, რაც ოთხი წლის წინ დასავლეთ ჰიმალაის ლადახის რეგიონში, არადემარკირებულ საზღვარზე, 20 ინდოელი და ოთხი ჩინელი ჯარისკაცი დაიღუპა.
ინდოეთის საგარეო საქმეთა მინისტრმა სუბრაჰმანიამ ჯაიშანკარმა ჯერ კიდევ ორშაბათს განაცხადა, რომ რეგიონულმა მეტოქეებმა საზღვრის პატრულირებასთან დაკავშირებით შეთანხმებას მიაღწიეს, რაც სამხედრო დაპირისპირების დასრულებისკენ გადადგმულ ნაბიჯზე მიუთითებს, თუმცა ჩინეთმა მისი განცხადების მართებულობა დაუყოვნებლივ არ დაადასტურა.
„ჩინეთმა და ინდოეთმა ბოლო პერიოდში შეძლეს შეენარჩუნებინათ საერთო საზღვართან დაკავშირებულ საკითხებზე დიპლომატიური და სამხედრო არხებით“, – განაცხადა სამშაბათს ჩინეთის საგარეო საქმეთა სამინისტროს პრეს- სპიკერმა ლინ ჯიანმა.
მისი თქმით, მხარეებმა აღნიშნული საკითხები გადაწყვიტეს, რასაც ჩინეთი დადებითად აფასებს და გააგრძელებს თანამშრომლობას ინდურ მხარესთან შეთანხმების სრულად განხორციელებისთვის.
ჩინეთმა დაადასტურა შეთანხმება ინდოეთთან სასაზღვრო კონფლიქტის მოგვარების შესახებ Read More »
სამოქალაქო იდეას საინფორმაციო კამპანია კახეთში
არჩევნებში მონაწილეობა საქართველოს ისტორიული მომავლისთვის გადამწყვეტია.ამ მიზნით სამოქალაქო იდეას გუნდი საინფორმაციო კამპანიის “ჩემი ხმა ევროკავშირს” ფარგლებში იმყოფებოდა კახეთის აზერბაიჯანულენოვან სოფლებში.
კამპანია ემსახურებოდა მოსახელობის ინფორმირებასა და სარჩევნო აქტივიზმის გაძლიერებას, ამავდროულად, სოფლის მაცხოვრებლებთან დიალოგის წარმართვას , მათი ადგილობრივი პრობლემების მოსმენისა და საქართველოს ევროპულ მომავალზე ცნობიერების ამაღლების მიზნით.კამპანიის ფარგლებში მოხალისეებთან ერთად მოვინახულეთ შემდეგი აზერბაიჯანულენოვანი სოფლები: ყარაჯალა, კაბალი, განჯალა, იორმუღანლო.
სამოქალაქო იდეას საინფორმაციო კამპანია კახეთში Read More »
ჩინეთში ახალგაზრდების უმუშევრობის დონე იკლებს
ჩინეთში ახალგაზრდების უმუშევრობის დონე იკლებს.
ჩინეთში 16-დან 24 წლამდე ასაკის ახალგაზრდების უმუშევრობის დონე (გარდა სტუდენტებისა), სექტემბერში 17,6%-მდე შემცირდა, მაშინ როდესაც აგვისტოში იგივე მაჩვენებელი 18,8%-ს შეადგენდა.
მიმდინარე წლის ივნისში უმუშევრობის დონე, ახალგაზრდებსა და კოლეჯის კურსდამთავრებულებს შორის 13.2%-ს შეადგენდა, ივლისში კი ეს მაჩვენებელი 17.1%-მდე გაიზარდა. სწრაფი ზრდის ტემპი დაახლოებით 12 მილიონი სტუდენტის შრომის ბაზარზე შესვლამ განაპირობა. უმუშევრობის დონის ზრდა აგვისტომდე გაგრძელდა და 2024 წლის უმაღლეს ნიშნულს, 18,8%-ს მიაღწია, ვიდრე სტატისტიკის ეროვნულმა ბიურომ მეთოდოლოგიის შეცვლა გადაწყვიტა.
ძველი მეთოდოლოგით სტატისტიკის ეროვნული ბიურო უმუშევრობის დონის გამოთვლისას უგულებელყოფდა სტუდენტებს, თუმცა მას შემდეგ, რაც გასული წლის ივნისში აღნიშნულმა მაჩვენებელმა რეკორდულ ნიშნულს – 21.3%-ს მიაღწია, ბიურომ მიიღო გადაწყვეტილება მხედველობაში მიეღო სტუდენტთა რაოდენობაც.
ოფიციალურმა პირებმა გამოთქვეს რწმენა, რომ მსოფლიოს ჩინეთის ეკონომიკა, რომელიც რიგით მეორეა მსოფლიოში, “გააგრძელებს სტაბილიზაციისა და აღდგენის ტენდენციას“.
მაგრამ ქარხნების მფლობელების ნდობის ცალკეული ოფიციალური გამოკითხვების სექტემბრის მაჩვენებლის მიხედვით, ისინი კვლავ თავს იკავებენ ახალი მუშა ხელის დაქირავებისგან.
ჩინეთში ახალგაზრდების უმუშევრობის დონე იკლებს Read More »
სი ძინ პინმა ჩინეთის სარაკეტო ძალებს შეკავებისა და საბრძოლო შესაძლებლობების გაზრდისკენ მოუწოდა
შაბათს ჩინეთის სახალხო რესპუბლიკის პრეზიდენტმა სი ძინ პინმა სახალხო განმათავისუფლებელი არმიის სარაკეტო ძალების ბრიგადა დაათვალიერა. შეხვედრისას მან სამხედროებს შეკავებისა და საბრძოლო შესაძლებლობების გაზრდისკენ მოუწოდა.
სიტყვით გამოსვლისას სტრატეგიულ სარაკეტო ძალებში მყოფ სამხედროებს მან ასევე მოუწოდა “მტკიცედ შეასრულონ პარტიისა და ხალხის მიერ დაკისრებული ამოცანები” – აღნიშნა სახელმწიფო საინფორმაციო სააგენტო „Xinhua“-მა.
სახალხო განმათავისუფლებელი არმიის სარაკეტო ძალებს, რომლებიც ზედამხედველობენ ქვეყნის კონვენციურ და ბირთვულ რაკეტებს, დაევალათ ჩინეთის ბირთვული ძალების მოდერნიზება მიმდინარე ისეთი მოვლენების ფონზე, როგორებიც არის შეერთებული შტატების სარაკეტო თავდაცვის განვითარება, გაუმჯობესებული სათვალთვალო შესაძლებლობები და გაძლიერებული ალიანსები.
ჩინეთის მედიის „Cailianshe“-ს ცნობით, მიმართვის დროს, სი-მ ხაზი გაუსვა „პოლიტიკური მითითებების დაცვას, მისიის პასუხისმგებლობის გაძლიერებას“ და „ძალების ფორმირების მაღალი ხარისხის განვითარების ხელშეწყობას“.
გასულ თვეში ჩინეთმა წყნარ ოკეანეში კონტინენტთაშორისი ბალისტიკური რაკეტა გაუშვა, რაც მზარდ საერთაშორისო ყურადღებას უსვამს ხაზს ქვეყნის ბირთვულ გაძლიერებაზე.
აქვე აღსანიშნავია ისიც, რომ ჩინეთის არმიაში გასული წლიდან დღემდე ყოვლისმომცველი ანტიკორუფციული წმენდა განხორციელდა, რის შედეგადაც, ეროვნულ საკანონმდებლო ორგანოში თანამდებობა სარაკეტო ძალების რამდენიმე გენერალმა დატოვა.
“სამოქალაქო იდეა” აკვირდება საქართველოს 2024 წლის საპარლამენტო არჩევნებს.
“სამოქალაქო იდეა” აკვირდება საქართველოს 2024 წლის საპარლამენტო არჩევნებს. ამ ინიციატივის ფარგლებში ორგანიზაცია სამი დღის განმავლობაში ატარებს დამკვირვებლების გადასამზადებელ ტრენინგებს კახეთში.
სტუდენტები, იურისტები და სამოქალაქო საზოგადოების წარმომადგენლები სამოქალაქო იდეას სახელით დააკვირდებიან არჩევნებს კახეთის რეგიონში, მათ შორის აზერბაიჯანულენოვან სოფლებში.
ჩვენი მიზანია, ხელი შევუწყოთ სამართლიან და გამჭვირვალე საარჩევნო პროცესს !
“სამოქალაქო იდეა” აკვირდება საქართველოს 2024 წლის საპარლამენტო არჩევნებს. Read More »
ჩინეთი ფინანსურ ინსტიტუტებს გაფართოებული ფინანსური პოლიტიკის მყისიერი განხორციელებისკენ მოუწოდებს
ჩინეთის ცენტრალურმა ბანკმა და ფინანსურმა მარეგულირებლებმა ძირითად ფინანსურ ინსტიტუტებთან გამართეს შეხვედრები და მოუწოდეს მათ ეკონომიკისა და კაპიტალის ბაზრების მხარდასაჭერად მყისიერი ნაბიჯები გადადგან.
ჩინეთის სახალხო ბანკმა (PBOC) ფინანსურ ინსტიტუტებს მოუწოდა გაზარდონ საკრედიტო მხარდაჭერა რეალური ეკონომიკისთვის და შეინარჩუნონ ფულისა და კრედიტის მთლიანი ოდენობის გონივრული ზრდა. – ნათქვამია PBOC-ის ვებ. გვერდზე გამოქვეყნებულ განცხადებაში.
მან ინსტიტუტებს ასევე მოუწოდა საპროცენტო განაკვეთის კორექტირებისაკენ და მხარი დაუჭირა საფონდო ბაზრის მხარდასაჭერად შექმნილ დაფინანსების ორ სქემას.
შეხვედრას, რომელიც ოთხშაბათს გაიმართა, ერთობლივად უძღვებოდნენ ჩინეთის საბანკო და ფასიანი ქაღალდების მარეგულირებელი ორგანოები და მონაწილეობდნენ ბანკები, საბროკერო და საფონდო კომპანიები.
შეგახსენებთ, რომ ქონებისა და საფონდო ბირჟების მხარდასაჭერად PBOC-მა სექტემბრის ბოლოს აგრესიული ფულადი მხარდაჭერის ზომები მიიღო COVID-19 პანდემიის შემდეგ.
პირველად, მისი არსებობის ისტორიაში, ცენტრალურმა ბანკმა, პირველად შექმნა მონეტარული პოლიტიკის ორი ინსტრუმენტი საფონდო ბირჟის მხარდასაჭერად. ინსტრუმენტები მოიცავს სვოპ პროგრამას ბროკერებისთვის, ფონდებისა და მზღვეველებისთვის და აღნიშნული კომპანიების მიერ აქციების შესყიდვისათვის შექმნა სესხის ხელახალი გაცემის საშუალება.
ხსენებული ინსტრუმენტების სწრაფი ამოქმედება ჩინეთს მიმდინარე წლისთვის სასურველი 5%-იან ზრდის მიღწევაში დაეხმარება.
PBOC-მ განაცხადა, რომ ის „გააძლიერებს დეპარტამენტთაშორის კოორდინაციას, შექმნის სინერგიას და სრულად გამოიყენებს ამ ინსტრუმენტებს ბაზრის სანდოობის გასაძლიერებლად, ხალხის მოლოდინების გასაუმჯობესებლად და მდგრადი ეკონომიკური აღდგენის ხელშესაწყობად“.
შეგახსენებთ, რომ გასული კვირის მონაცემებით, ჩინეთის ეკონომიკა მესამე კვარტალში 4,6%-ით გაიზარდა 2023 წელთან შედარებით.